Yohánɛs 1 5:4 - Esaa-líat ɛ́ péná

⁴ ánsī nɛ́, ɓá bísɛ ɓá byálɓɛ́ la Ɔlolómɛ̄, ɓá dí ŋkɔŋ-á-sí cíŋ. La ŋyéɓé wáhá nɛ ɓaá dí ŋkɔŋ-á-sí cíŋ.

Yohánɛs 1 5:4 ပူးပေါင်းရင်းမြစ်များ

Yohánɛs 1:13

Ɓáŋ ɓot bí sē ɓé bíveglé bí mícii, mison tɔ miɔ́ŋɔ mí mut á binam, ndí ɓá byáá ja á nsom á Ɔ́lolómɛ̄.

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Yohánɛs 3:3

Yésus ɔ pélē nyɛ nɛ́: «La mbálɛ-mbálɛ, mag laga wa nɛ́, kíyáɓɛ́nɛ mut āh byáá ɓé líbyáa lí péná, a ŋgá la ɓé lí ɛ́n lí Ékombo yé Ɔlolómɛ̄.»

Elōg-Kɔlínto 1 15:57

Bi tí Ɔlolómɛ̄ mítamlan, nyɔ́ a yígle ɓɛ́hɛ li dí lí nyɛmb cíŋ li kele la Ɛtáŋɛ wahá Yésus Kilístus.

Yohánɛs 1 2:29

Kasig miní ŋga yí nɛ́ a tɛ́ɛ́ sim. Miní yí nɛ́ tɔ nzáá a ŋga ɓɔ̄ŋ yé ɛ́ tɛ́ɛ́ sim a lɛ̄ mɔɔ́n Ɔlolómɛ̄.

Yohánɛs 1 3:9

Nyɔ́ la nyɔ́ Ɔ́lolómɛ̄ a byál a ŋgá ɓɔŋ ɓé pɛ aɓé, ányúū nɛ mbóó Ɔlolómɛ̄ ɛ lɛ̄ átē wɛ́ɛ̄, a ŋgá la ɓé pɛ li ɓɔŋ lí áɓē, ányúū nɛ Ɔlolómɛ̄ nɛ a byál nyɛ.

Yohánɛs 1 4:4

Á ɓɔ́ɔ̄n ɓáma, kasig miní lɛ́ ɓɔ́ɔ̄n bí Ɔlolómɛ̄, maná dí ɓáŋ ɓapɔ́tle-bí-Ɔ́lolómɛ̄ bí mínaa cíŋ, ányúū nɛ́ M̀búl á Ɔlolómɛ̄ á lɛ́ la ɓɛ́nɛ, ág loo nyú á lɛ́ á ŋkɔŋ-á-sí.

Yohánɛs 1 5:1

Tɔ nzáá a ŋga yéɓe nɛ́ Yésus a lɛ Nyɔ́-a-Pɔ́hlɛ a byálɓɛ́ la Ɔ́lolómɛ̄. Tɔ nzáá a ŋga díiŋ Ɔlolómɛ̄, m̀byál, ag diŋ ki nyɔ́ a byálɓɛ́ la Ɔlolómɛ̄.

Yohánɛs 1 5:18

Biíg yí nɛ́, tɔ nzáá a byálɓɛ́ la Ɔ́lolómɛ̄, a ŋgá ɓɔŋ ɓé pɛ aɓé, átɔm nɛ́, Yésus nyɔ́ a byálɓɛ́ la Ɔ́lolómɛ̄ ag tát nyɛ́, Ǹlem ki á ŋgá la ɓé nyɛ li siiɓan.

Yohánɛs 1 5:5

Ɓaá, nzáá a dí ŋkɔŋ-á-sí cíŋ é? Amáh sig nyɔ́ a yéɓe nɛ́ Yésus a lɛ Mɔ́ɔ̄n Ɔlolómɛ̄!

Biyɛ́ɛ́léné 12:11

Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.

Biyɛ́ɛ́léné 15:2

La ma mu ɛ́n voóm ɔ́ŋgɛn túwɛ nyí Kilístal, náŋ ɛnɛ voóm a ŋga púnan la elembán, nɛ kí ɔ tɛ́ɛ́ á yé epah ɔg ɛ́n yéŋé. Yéŋ epaa ɛ́ ŋgí ɛ́ni ɔ́ŋgɛn nzáan nɛ́ ɓɛ́ɛ́ múŋ até. Mu ɛ́n ɓádī-tít-cíŋ, ɓot ɓá ɓá pún lí ɓégɛ lí edíŋgɛ́-díŋgɛ yɛ́ɛ́ la li vá lí táŋga nyí joó jɛ́ɛ́ á mbɔm; bí tɛ́ɛ á lóō lí nyɔ́ŋ voóm, bí ɓɛ́gɛ andende Ɔlolómɛ̄ a tí ɓɔ.

Biyɛ́ɛ́léné 2:11

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, a ŋgá kɛ ɓé lí wú lí nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 2:17

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, mag kɛ nyɛ́ lí tíi lí mána mí sɔ́lɛ̄, mag kɛ nyɛ́ lí tíi lí épūpúɛ ɛ́ ŋgɔg, ápah ɓá cií jóō lí péná, jé tɔ mut a ŋgá yí ɓé, amáh sig nyɔ́ a ŋga kūh jɔ́.»

Biyɛ́ɛ́léné 2:26

Ǹdí-cíŋ, nyɔ́ a ŋga kɛ́ li sál lí mísɔ̄n máma nɛ́-tɛ́ɛ la á lísūg, mag kɛ nyɛ́ lí tíi lí líkanʼyɛ lí bíkombo;

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 3:12

Ǹdí-cíŋ, mag kɛ nyɛ́ lí yaanɛ lí mbíi yí ndáá-ēcɛ́ŋ-Ɔlolómɛ̄ Loó jáma, m̀ɓá, a ŋgá kɛ ɓé pɛ li pám múŋ; mag kɛ li cii lí jóō lí Ɔlolómɛ̄ wama á nyúū yɛ́ɛ̄, la joó lí tísɔn nyí Ɔlolómɛ̄ wama, nyí ɛ lɛ̄ Yelúsalɛm nyí péná ya ómɓɛ́ la Loó jama. Mi cii ki joó jáma lí péná á nyúū yɛ́ɛ̄.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.