Yohánɛs 1 5:11 - Esaa-líat ɛ́ péná

¹¹ Nyíŋ mbóŋ yɔ nyí nɛ́: Ɔlolómɛ̄ a tí ɓɛ́hɛ eniŋ éɓem, yéŋ eniŋ ɛ́ lɛ́ la Mɔɔ́n wɛ́ɛ̄.

Yohánɛs 1 5:11 ပူးပေါင်းရင်းမြစ်များ

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Yohánɛs 1:19

Ɓakanʼyɛ bí Élōg-Yúda bí Yélūsalɛm bí ómóó ɓatíi-nsúlé la Ndog-Lévi á lí bihi lí Yohánɛs nɛ́: «Wa nɛ́ ɔ lɛ nzáá é?» Mbóŋ a tí ɓɔ á mpeelán wɛ́ɛ́, ɛ́h ɓɛ́ ɓé li sɔɔ lí tɔ jam ɔ́sū ví ɓot bísɛ, yɔ nyí nɛ́: «Mi sē ɓé ma Nyɔ́-a-Pɔ́hlɛ.»

Yohánɛs 1:4

La yɔ́ nɛ́ jam sig lá kuh éniŋ, la eniŋ yú ɓɛ́ mipúú mí ɓot.

Yohánɛs 10:28

Jɔ́ nɛ́, mag tíi mɔ́ éniŋ éɓem; m̀ɓá-mɓá mí ŋgá kɛ ɓé li jáŋ, mut tɔ wa ki a ŋgá kɛ́ ɓé mɔ li la lí lí ɓógtɛ á mɔ máma.

Yohánɛs 12:50

Mag yí nɛ́ mbéndá yɛ́ɛ̄ ɛ lɛ éniŋ éɓem, yé mi ŋga laga, mag laga yɔ́ kaa Etāa a lága ma.»

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 19:35

Mut a ɛ́nɛ́ɛ́ míŋ mam nɛ́ a tí mbóŋ, mbóŋ yɛ́ɛ̄ a ŋga tíi ɛ lɛ mbálɛ. Jɔ́ nɛ́, nyɔ́ŋ mut ag yí nɛ́ a pɔ́t mbálɛ, á lí ɓɔŋ nɛ́ ɓɛ́nɛ ki miní yéɓé.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Yohánɛs 4:36

Nyí vɔ́ŋɔ́ɔ, mut a ŋga púmu ag kuh hɔ́ nsála wɛ́ɛ́, ag naŋɛ mpumu wɛ́ɛ́ ányúū eniŋ éɓem. La náŋ, nyɔ́ a ŋga sál la nyɔ́ a ŋga púmu bíg kɔn mivag elɔŋ.

Yohánɛs 4:4

Ndí ɛ́ ŋgí ɓat nɛ́ a yáɓé épah-ékombo yé Samália.

Yohánɛs 5:21

Kasig Etāa a ŋga pāhyɛ ɓá ɓá wū la li tíi li ɓɔ eniŋ, náŋ ki nɛ́ Mɔɔ́n nyɛ́g a ŋga tíi tɔ nzáá a ŋga díiŋ eniŋ.

Yohánɛs 5:26

Kasig Etāa a byɛ́ɛ̄ éniŋ la nyɛ́-mɛ̄n, náŋ ki nɛ́ a tí Mɔɔ́n lí ɓɛ́la lí éniŋ la nyɛ́-mɛ̄n.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 6:47

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Yohánɛs 6:68

Ndí Símɔn-Pétlos ɔ pélē nyɛ nɛ́: «Ɛtáŋɛ biíg kɛ á mbóg nzáá é? Wa nɛ́ ɔ byɛ́ɛ̄ bíɓaŋgá bí éniŋ éɓem.

Elōg-Lóma 5:21

Jɔ́ nɛ́, ákaa aɓé á éthɛ́ɛ́ ŋguu yɛɛ́ á lí sɔ́la lí nyɛmb, nlemlem ki nɛ́, nyí vɔ́ŋɔ́ɔ Ɔlolómɛ̄, la elɔ́ŋgɔ m̀mím yɛ́ɛ́ a yáanɛ́ ɓot bí binam sim, la náŋ, li kele la Yésus Kilístus, bíg niŋ á éɓem la á éɓem.

Elōg-Lóma 6:23

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Timotéo 1 1:16

Ndí, Ɔlolómɛ̄ a kɔ̄nlé mā ŋgɔ́ɔ́, ma m̀ɓɔŋ-miɓé ɔsú, nɛ́ ndí Yésus Kilístus a éthɛ́nɛ́ élɔ́ŋgɔ yɛ́ɛ́ m̀mím á nyúū yáma, á lí ɓɔŋ nɛ́ náŋ a ɓɛ́ ndembye ányúū ɓot bí ŋga kɛ́ li yéɓe la nyɛ́, ányúū li kūh lí éniŋ éɓem ámbúh eceg.

Títo 1:2

nɛ́ bí ɓɛ́la lipitá nɛ bíg kuh eniŋ éɓem yé ɛ́ lɛ́ nɛ́, Ɔlolómɛ̄ nyɔ́ āh ɓáŋaa ɓé mínaa a kakáánɛ li ɓotle lí yɔŋ éceg.

Yohánɛs 1 2:25

Nyɛ́-mɛ̄n a ɓɔ̄ŋ ɓɛ́hɛ likakanɛ, jɔ́ nɛ́ lí lɛ́ éniŋ éɓem.

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Yohánɛs 1 4:9

Ediŋ Ɔlolómɛ̄ a étɛ́ ɓɛ́hɛ, yɔ́ yé nɛ́: a óm pɔmbɛ yɛ́ɛ̄ Mɔɔ́n á ŋkɔŋ-á-sí, á li ɓɔŋ nɛ́, la nyɛ́ bi ɓɛ́la eniŋ.

Yohánɛs 1 5:10

Nyɔ́ la nyɔ́ a ŋga yéɓe la Mɔ́ɔ̄n Ɔ́lolómɛ̄, nyɛ́-mɛ̄n ag tíi nyíŋ mbóŋ. Nyɔ́ la nyɔ́ a ŋgá yéɓe ɓé la Ɔlolómɛ̄, ag yaanɛ Ɔlolómɛ̄ mut-a-minaa, ányúū nɛ, āh yéɓe ɓé mbóŋ nyí Ɔlolómɛ̄ a tí ányúū Mɔ́ɔ̄n wɛ́ɛ̄.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.

Yohánɛs 1 5:7

Mbóŋ ɛ́ŋháa ɛ́ lɛ yí ɛ́ ŋga yíhɛ náŋ:

Yohánɛs 3 1:12

Á yé ɛ́ ŋga légɓe Demetílius, ɓot bísɛ bíg tíi nyɛ́ mbóŋ élāām. Mbálɛ yɔ-mɛn ɛg tí mbóŋ yɛ́ɛ̄, ɓɛ́hɛ ki biíg tíi nyɛ́ mbóŋ élāām, la ki nɛ́ wā-mɛ̄n ɔg yí nɛ́ mbóŋ yāhá ɛ lɛ mbálɛ.

Yúde 1:21

Miní tɔɓéné á édiŋ yé Ɔ́lolómɛ̄, á nlaaŋkán á ékɔnan-ŋgɔ́ɔ́ yé Ɛ́tāŋɛ wahá Yésus Kilístus ányúū lí kuh lí éniŋ éɓem.

Biyɛ́ɛ́léné 1:2

nyɔ́ a yíhɛ́ nɛ yé ɛ́sɛ a ɛ́n ɛ́ lɛ́ Éɓaŋgá Ɔlolómɛ̄ la mbálɛ, la li yíhɛ nɛ́ yé ɛ́sɛ a ŋga lága ɛ́g sɔ́le la Yésus Kilístus.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.