Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohánɛs 1 4:4 - Esaa-líat ɛ́ péná

4 Á ɓɔ́ɔ̄n ɓáma, kasig miní lɛ́ ɓɔ́ɔ̄n bí Ɔlolómɛ̄, maná dí ɓáŋ ɓapɔ́tle-bí-Ɔ́lolómɛ̄ bí mínaa cíŋ, ányúū nɛ́ M̀búl á Ɔlolómɛ̄ á lɛ́ la ɓɛ́nɛ, ág loo nyú á lɛ́ á ŋkɔŋ-á-sí.

အခန်းကိုကြည့်ပါ။ ကော်ပီ




Yohánɛs 1 4:4
28 ပူးပေါင်းရင်းမြစ်များ  

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.


Li ɓotle nyí lɛn, mi ŋgá kwɛ̄l ɓé pɛ ma la ɓɛ́nɛ, ányúū nɛ́ ŋ̀kanʼyɛ a nyú ŋkɔŋ-á-sí a lɛ lí sɔ́; tɔ náŋ kaa a ŋgá la ɓé ma lí ɓɔŋ lí tɔ jam.


Likɔlɓan la ŋkál, ag kɛ́ li étɛ nɛ́ ɓá yɔ́p ányúū nɛ Ɔlolómɛ̄ a kááhɛ́ ŋ̀kanʼyɛ a nyú ŋkɔŋ-á-sí


nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.


Mi lágá pɛ yéé é? Kasig Ɔ́lolómɛ̄ a lɛ̄ ɓɛ́hɛ á mbúh, nzáá a lɛ́ nɛ a dí ɓɛ́hɛ cíŋ é?


Ndí, bíŋ bísɛ, biíg dí byɔ cíŋ nɛ́ ɓam, li kele la ŋguu nyí nyɔ́ a díŋɛ́ ɓɛ́hɛ.


Ɓɛ́hɛ, ɓāh kuh ɓé m̀búl nyú á ŋkɔŋ-á-sí, ndí ɓa kūh M̀búl nyú á ŋga sɔ́le la Ɔlolómɛ̄, nɛ́ ndí bi lēm mikaale mí ŋga sɔ́le la ékɔnan-ŋgɔ́ɔ́ yɛ́ɛ́.


Yé ɛ́ ŋga díéɓɛ ɛ́ lɛ́ ányúū libum, libum ki lú ɓɛ́ ányúū yé ɛ́ ŋga díéɓɛ, Ɔlolómɛ̄ nyɛ́ ag kɛ li manɛ lí yé ɛ́ ŋga díéɓɛ, a mánɛ́ ki libum. Ndí, nyuú ɛ sē ɓé ányúū mpuŋgú á ndeŋg, ɛ lɛ ányúū Nyɔ́ŋ-Ɛsáŋɛ́, Nyɔ́ŋ-Ɛsáŋɛ́ ki ɔ ɓɛ́ ányúū nyuú.


ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.


Ɓaá yéé ndáá-ēcɛ́ŋ-Ɔlolómɛ̄ la bisát bí byɛ́ɛ̄ élɔŋ é? Á mbálɛ, ɓɛ́hɛ bi lɛ ndáá-ēcɛ́ŋ-Ɔlolómɛ̄, Loó lí éniŋ ákaa nyɛ́-mɛ̄n a ŋga pɔ́t nɛ́: «Mag kɛ li tɔɔ á póla yaɓá, mi wɛ́ɛ́ ki la ɓɔ́, mag kɛ li ɓɛ́ lí Lōó jáɓá, ɓɔ́g bí ɓɛ́ lilóm jáma.»


á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.


la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.


Á mímanlé, miní nyɔŋlé ŋguu á ŋ̀atanɛ́ wāná la Nyɔ́ŋ-Ɛsáŋɛ́ a Ŋguu-mísɛ.


Á ɓɔ́ɔ̄n ɓáma, mag ciile ɓɛ́nɛ mí mam mísɛ á li ɓɔŋ nɛ́ miníh ɓɔŋɔ́g ɓé áɓē. Ndí, kí yá pám nɛ mut a ɓɔ́ŋ aɓé, bi byɛ́ɛ́ ŋ̀kále ɓɛ́hɛ á ɔ́sū ví Etāa nɛ́ Yésus Kilístus nyɔ́ a tɛ́ɛ́ sim,


Á ɓɛ́nɛ ɓabyál, mag ciile ɓɛ́nɛ ányúū nɛ́, Miníg yí nyɔ́ a lɛ li ɓotle á míɓotlé. Á ɓɛ́nɛ áwāndá, mag ciile ɓɛ́nɛ ányúū nɛ́: Maná dí Ǹlem cíŋ.


La mbálɛ, Kíyáɓɛ́nɛ m̀mím wáhá ág kááhɛ́ ɓɛ́hɛ, bikááhɛ́nɛ́ bí Ɔlolómɛ̄ bíg loo bí bí m̀mím wáhá, ányúū nɛ nyɛ́ ag yí jóō nɛ́ jam.


Nyɔ́ la nyɔ́ a ŋga náŋɛ mbéndá yí Ɔlolómɛ̄, a lɛ la Ɔlolómɛ̄, Ɔlolómɛ̄ ki ɔ ɓɛ́ la nyɛ́. Náŋ nɛ́ bi ŋga yí nɛ́ a lɛ lā ɓɛ́hɛ, li kele la M̀búl Mpúán a tí ɓɛ́hɛ kaa likaale.


Jam lí ŋga étɛ ɓɛ́hɛ nɛ́ bi lɛ̄ la Ɔlolómɛ̄, nyɛ́g ɔ ɓɛ́ la ɓɛ́hɛ lí lɛ́ nɛ́: a tí ɓɛ́hɛ M̀búl wɛ́ɛ́.


Ɓɛ́hɛ, ɓaá yí ediŋ Ɔlolómɛ̄ a byɛhɛ́nɛ́ ɓɛ́hɛ bu yéɓé ki la yɔ́. Ɔlolómɛ̄ a lɛ́ édiŋ, tɔ nzáá a tīŋɓé á ediŋ a lɛ́ la Ɔlolómɛ̄, Ɔlolómɛ̄ ki ɔ ɓɛ́ la nyɛ́.


Ɓɛ́hɛ, bi lɛ ɓá bí Ɔ́lolómɛ̄. Nyɔ́ a ŋga yí Ɔ́lolómɛ̄ ag ámble ɓɛ́hɛ. Nyɔ́ a sē ɓé la Ɔlolómɛ̄ a ŋgá ámble ɓé ɓɛ́hɛ. Váŋ nɛ́ bi ŋga yí ápah M̀búl á mbálɛ á lɛ, la nyú á njáŋgá.


Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.


ánsī nɛ́, ɓá bísɛ ɓá byálɓɛ́ la Ɔlolómɛ̄, ɓá dí ŋkɔŋ-á-sí cíŋ. La ŋyéɓé wáhá nɛ ɓaá dí ŋkɔŋ-á-sí cíŋ.


Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ