Yohánɛs 1 4:2 - Esaa-líat ɛ́ péná

² Jam lí ŋga kɛ́ ɓɛ́nɛ li yíhɛ nɛ́ mut a byɛ́ɛ́ M̀búl Ɔ́lolómɛ̄ lí lɛ́ nɛ́: Tɔ nzáá a ŋga páha nɛ́ Yésus Kilístus a nyɔ̄ŋ nyúū nyí mut-a-binam, a lɛ nyɔ́ a Ɔlolómɛ̄.

Yohánɛs 1 4:2 ပူးပေါင်းရင်းမြစ်များ

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Elōg-Kɔlínto 1 12:3

Ányúū náŋ nɛ́ mi ŋga yíhɛ ɓɛ́nɛ nɛ́, mut la mut a ŋga pɔ́t la ŋguu nyí M̀búl á Ɔ́lolómɛ̄ a ŋgá yó ɓé nɛ: «Eɓómá la Yésus!» Mut tɔ wa ki a ŋgá la ɓé lí laga nɛ́: «Yésus a lɛ Nyɔ́ŋ-Ɛsáŋɛ́» kíyáɓɛ́nɛ M̀búl Mpúán a sē ɓé la nyɛ́.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Yohánɛs 1 1:2

átɔm nɛ́ eniŋ yá yɛ́ɛ́lɛ, la ɓɛ́hɛ bu ɛ́n yɔ; biíg tíi mbóŋ yɛ́ɛ̄ ányúū náŋ nɛ́ bi ŋga lɛ́gɛ ɓɛ́nɛ pɔ́l nyí eniŋ éɓem, yé ɓɛ́ɛ́ á ŋgwáāg Etāa Ɔlolómɛ̄ ndí yú yɛ́ɛ́léné ɓɛ́hɛ yɔ́-mɛ̄n.

Yohánɛs 1 2:23

Tɔ nzáá a ŋga táŋɓan Mɔɔ́n ah byɛ́ɛ́ ɓé Étāa. Nyɔ́ la nyɔ́ a ŋga páha ɔ́sū ví ɓot nɛ́ ag yéɓé la Mɔɔ́n a byɛ́ɛ́ ki Etāa.

Yohánɛs 1 4:15

Tɔ nzáá a ŋga páha nɛ́ Yésus a lɛ Mɔ́ɔ̄n Ɔ́lolómɛ̄, Ɔlolómɛ̄ a lɛ́ la nyɛ́, nyɛ́g a lɛ́ la Ɔlolómɛ̄.

Yohánɛs 1 4:3

Tɔ nzáá ki a ŋga pún lí páha lí jéŋ liɓɛ́ɛg lí Yésus a sē ɓé nyɔ́ a Ɔlolómɛ̄, a lɛ́ jā ǹlem a Kilístus ányúū yɛ́ɛ̄ nɛ, maná ámblé bíg lɛgɛ nɛ́, ǹlem a Kilístus ag sɔ́, nyí vɔ́ŋɔ́ɔ a nyɛ́g á ŋkɔŋ-á-sí.

Yohánɛs 1 5:1

Tɔ nzáá a ŋga yéɓe nɛ́ Yésus a lɛ Nyɔ́-a-Pɔ́hlɛ a byálɓɛ́ la Ɔ́lolómɛ̄. Tɔ nzáá a ŋga díiŋ Ɔlolómɛ̄, m̀byál, ag diŋ ki nyɔ́ a byálɓɛ́ la Ɔlolómɛ̄.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.