Yohánɛs 1 4:14 - Esaa-líat ɛ́ péná

¹⁴ Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.

Yohánɛs 1 4:14 ပူးပေါင်းရင်းမြစ်များ

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 10:36

Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 12:47

Tɔ nzáá a ŋga ámble biɓaŋgá byáma ndí ah naŋɛ ɓé byɔ, ah ma ɓé nɛ mi ŋga kááhɛ nyɛ́, átɔm nɛ́, máh sɔ́ ɓé ma lí kááhɛ lí ɓot bí ŋkɔŋ-á-sí, ndí ma sɔ́ ɓɔ li suŋ.

Yohánɛs 3:11

La mbálɛ-mbálɛ, mag laga wa nɛ́, biíg pɔ́t mam bi ŋga yí, bi lɛ mbóŋ yé ɓaá ɛ́n, ndí tɔ la náŋ, miní ŋgá yéɓe ɓé mbóŋ yāhá.

Yohánɛs 3:32

ag tíi mbóŋ nyí mam a ɛ́n la yé a ámble; ndí mut tɔ wa a ŋgá yéɓe ɓé nyíŋ mbóŋ yɛ́ɛ̄.

Yohánɛs 3:34

Jɔ́ nɛ́, mut Ɔlolómɛ̄ a óm ag pɔ́t biɓaŋgá bí Ɔ́lolómɛ̄, ányúū nɛ́ Ɔlolómɛ̄ ag yáhɛ nyɛ́ la M̀búl wɛ́ɛ́ ɛ́h ɓɛ́ ɓé ɔ́vega.

Yohánɛs 4:42

La ɓɔ́ bú lāgá nyɔ́ mindígá nɛ: «Ah ányúū li laglag jɔ́ɔ jɔ́-ntámɛ́ ɓé pɛ nɛ́ bi ŋga yéɓé, ndí ányúū nɛ ɓɛ́hɛ-mɛ̄n ɓaá ámblé nyɛ, biíg yí kɔɔ la mbálɛ nɛ́ nyɛ́ nɛ́ a lɛ Ǹsuŋ ɓot bí ŋkɔŋ-á-sí.»

Yohánɛs 5:39

Miníg nyɔŋ eceg á lí sɔ́ŋtánɛ lí Lícii-Lipúán, kasig miní ŋga ɔ́ŋɔ nɛ́ li kele la jɔ́, miníg kuh eniŋ éɓem, jɔ́ nɛ́ lí ŋga tíi mbóŋ yama.

Misɔ́n mí Ɓáōmɓɛ 18:5

Ndí, ɛnɛ́ Sílas la Timotéo bí ɓógyéé á épah-ékombo yé Masedónia bú pám á Kɔlínto, Póol ɔ cóó yé ɛ́sɛ a ŋgí ɓɔŋ, ɔ tí éceg yɛ́ɛ́ ɛ́sɛ á lí lɛgɛ lí Éɓaŋgá Ɔ́lolómɛ̄. A ŋgí laga ɓɔɔ́n bí Élōg-Yúda nɛ́, Yésus nɛ́ a lɛ Nyɔ́-a-Pɔ́hlɛ.

Pétlos 1 5:12

Sílas nɛ́ a óŋgánɛ́ mā lí ciile lí ɓɛ́nɛ yí puh bíɓaŋgá. Mag nyɔŋ nyɛ́ kaa tihtih linyaŋ. Mag ciile ɓɛ́nɛ á lí tíi lí ɓɛ́nɛ mikúndá, la li laga lí ɓɛ́nɛ kɔɔ nɛ́, maná tiŋɓé á míkaale mí mbálɛ mí Ɔlolómɛ̄.

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Yohánɛs 1 5:9

Kíyáɓɛ́nɛ biíg yéɓe mbóŋ nyí ɓot-bí-bínam, yíán nɛ́ nyí Ɔlolómɛ̄ ɛ lɛ́ taŋ, átɔm nɛ́, mbóŋ Ɔlolómɛ̄ ɛ lɛ nyí a tí, ányúū Mɔ́ɔ̄n wɛ́ɛ̄.