Yohánɛs 1 4:1 - Esaa-líat ɛ́ péná

¹ Á élōgyāŋ yé ediŋ, Miníh yéɓyág ɓé la ɓá bísɛ bí ŋga yó nɛ́ bí byɛ́ɛ́ M̀búl Mpúán, ndí miní ceglɛ́ ɓɔ́, á lí yí tɔ nɛ́ m̀búl bí byɛ́ɛ̄ a lɛ́ nyú á Ɔlolómɛ̄, átɔm nɛ́ ŋgandag ɓapɔ́tle-bí-Ɔ́lolómɛ̄ bí mínaa yá cámān á ŋkɔŋ-á-sí.

Yohánɛs 1 4:1 ပူးပေါင်းရင်းမြစ်များ

Málkus 13:21

Jɔ́ nɛ́, kíyáɓɛ́nɛ mut a lága ɓɛ́nɛ nɛ́: ‹Légɓé, Nyɔ́-a-Pɔ́hlɛ nyɔ́ a lɛ vá, tɔ nɛ́ nyí nyɔ́ŋɔ́ váŋá›, miníh yéɓyág ɓé nyɛ.

Lúkas 12:57

Ányúū yéé miní ŋgá la ɓé li ɛ́n ɓɛ́nɛ-mɛ̄n nɛ́ jé jam lí tɛ́ɛ́ sim é?

Lúkas 21:8

Yésus ɔ yó ɓɔ nɛ́: «Nyɔŋán lítāt, miníh mwahkɛ́gɛ́ ɓé nɛ bí yɛ́ɛ́ ɓɛ́nɛ. Átɔm nɛ́ ɓot ŋgandag bíg kɛ li sɔ́ á jóō jáma; bí ɓɛ́ bíg laga nɛ́: Ma nɛ́ mi lɛ nyɔ́ miní ŋga láaŋke; eceg yá kɔlan! Miníh oŋóg ɓé ɓɔ.

Misɔ́n mí Ɓáōmɓɛ 17:11

Kasig ɓɔɔ́n bí Élōg-Yúda bí Belé bí ɓɛ́ɛ́ míyaó li loo lí ɓá bí Tesaloníka, bú lɛ́glé éɓaŋgá Ɔ́lolómɛ̄ la miɔ́ŋɔ mí m̀ɓɛɛŋ. Ɔlɔ́ sig, bí ŋgí nyɔŋ eceg li sííyɛ lí Lícii-Lipúán, á lí sɔ́ŋtánɛ kíyáɓɛ́nɛ yé Póol aá ŋga yéglɛ ɓɔ́ ɛ lɛ́ kɔɔ mbálɛ.

Misɔ́n mí Ɓáōmɓɛ 20:29

«Mag yí nɛ́ ámbúh miɓógo máma, ɓot bí ŋga púnan la nzɛ bíg kɛ li níŋgi á elɔŋ yáná, bíg ŋgá kɛ ɓé lí kɔnle lí líɓembá ŋgɔ́ɔ́.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 14:29

Á yé ɛ́ ŋga légɓe li pɔ́t kaa ɓapɔ́tle-bí-Ɔ́lolómɛ̄, bíɓáa tɔ bíŋháa bí nyɔŋ mpɔ́t, ɓáŋá ki bí lɛ́ váŋ bí légɓé kíyáɓɛ́nɛ yé bí ŋga lága ɛ́ lɛ́ mbálɛ tɔ nɛ́ kɛ́m.

Elōg-Tésaloníka 1 5:20

ndí tɔ li yaŋa lí bíɓaŋgá bí ɓápɔ́tle-bí-Ɔ́lolómɛ̄,

Elōg-Tésaloníka 1 5:21

miní yí li légɓe lí mam mísɛ ákaa ɛ́ ŋga sōmlɛ, á li naŋɛ lí yé ɛ́ lɛ́ m̀ɓɛɛŋ,

Elōg-Tésaloníka 2 2:2

miníh mwahkɛ́gɛ́ ɓé nɛ yé mut a yɛ́ɛ́léné ɓɛ́nɛ ɔ́ŋgɛn ɛ́g sɔ́le la Ɔ́lolómɛ̄, ɛ́ ɓɛ́ á mpɔ́t á ányu, ɛ́ ɓɛ́ ɔ́ŋgɛn nyíŋ káati ɛg sɔ́le la ɓɛ́hɛ, ɛ́ vóɛ̄ ɓɛ́nɛ li pamblanɛ ndí tɔ li kɔnɛ lí woŋ, á lí ɓɔŋ nɛ́ miní yéɓé nɛ́ ɔlɔ́ ví Nyɔ́ŋ-Ɛsáŋɛ́ vá nyɛ́g.

Timotéo 1 4:1

M̀búl Mpúán ag laga kɔɔ nɛ́, á eceg yá tiile, ɓot ɓatám bíg kɛ li cóó lí ŋyéɓé á li oŋ lí ɓot bí ŋga jáŋɛ ɓɔ́, la li oŋle lí miéélé mí ŋga sɔ́le la mimbúl míɓē.

Timotéo 2 3:13

Ndí, biɓéɓéyɛ bí ɓot la ɓakatɓan mam bíg kondye ja lí súŋɓan á áɓē, bíg jáŋɛ ɓɔ́-mɛ̄n, ndí bíg jáŋɛ ki ɓatám.

Pétlos 2 2:1

Á kwakwáŋɛ, ɓapɔ́tle-bí-Ɔ́lolómɛ̄ bí mínaa bí ɓɛ́ɛ́ á lílōm lí Íslāɛl. Náŋ ki nɛ́ ɓáyēglɛ bí mínaa bí ŋga kɛ́ li ɓɛ́ á póla yāná. Bíg kɛ li níŋgɛ lí miéélé miɓé á nsɔlɓɛ́ á lí jáŋɛ lí ɓot, li pám á ɔ́vega ví bí ŋga táŋɓan Nyɔ́ŋ-Ɛsáŋɛ́ nyɔ́ a tɔ́hɔ́ ɓɔ, la li kɛla lí ɓɔ́-mɛ̄n mpápá á njáŋgá.

Yohánɛs 1 2:18

Á ɓɔ́ɔ̄n ɓáma, ŋgɛ́ŋ ya tíile nyí, maná ámblé bíg laga nɛ́ ǹlem a Kilístus ag sɔ́, ndí nyí vɔ́ŋɔ́ɔ, ŋgandag ɓálem-bí-kilístus ɛ́ lɛ́ váŋ. Náŋ nɛ́ a ŋga yíhɛ ɓɛ́hɛ nɛ́ ŋgɛ́ŋ ya tíile nyí.

Yohánɛs 1 2:7

Á elōgyāŋ yé édiŋ, ah mbéndá péná ɓé nɛ́ mi ŋga ciile ɓɛ́nɛ, ndí nlom á mbéndá nyú miní ŋga yí li ɓotle á míɓotlé; nyúŋ nlom á mbéndá á lɛ́ eɓaŋgá yé maná ámble.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.

Yohánɛs 3 1:11

Á édidíŋɛ yáma Gáyus, ɔh nyɔŋlégé ɓé ɔ́vega á jam liɓé, ndí nyɔŋlé ɔ́vega á jam lí m̀ɓɛɛŋ. Nyɔ́ la nyɔ́ a ŋga ɓɔ̄ŋ m̀ɓɛɛŋ a lɛ la Ɔlolómɛ̄, ndí nyɔ́ la nyɔ́ a ŋga ɓɔŋ aɓé áh yí ɓé Ɔlolómɛ̄.

Biyɛ́ɛ́léné 2:2

«Mag yí mísɔ̄n mɔ́ɔ, ndutu yɔɔ la m̀ɓán wɔ́ɔ, mag yí nɛ́ ɔh byɛ́ɛ́ ɓé eɔ́hánɛ ányúū bíɓēɓéyɛ bí ɓot. Wa céglɛ̄ ɓáŋ bísɛ bí ŋga lága nɛ́ bí lɛ ɓáōmɓɛ, ndom nɛ́ bí sē ɓé ɓɔ̄, la wá wu ɛ́n nɛ bí lɛ́ ɓot bí minaa.