Yohánɛs 1 3:8 - Esaa-líat ɛ́ péná

⁸ Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Yohánɛs 1 3:8 ပူးပေါင်းရင်းမြစ်များ

Matéus 12:28

Ndí kíyáɓɛ́nɛ la M̀búl nyú Ɔ́lolómɛ̄ nɛ mi ŋga dúhu mimbúl míɓē, yíán hɔ́ nɛ Likanʼyɛ lí Ɔ́lolómɛ̄ lá nyɛ́glé ɓɛ́nɛ.

Matéus 13:38

Ǹdíí a lɛ́ ŋkɔŋ-á-sí Elɔ́ŋgɔ mbóó mbahɛ ɛ́ lɛ́ ɓot bí Ékombo-lóō. Likáá-lí-ŋkóg lí lɛ́ ɓot bí M̀ɓɔŋ-aɓé.

Matéus 4:3

Ǹsɔhɔ ɔ sīŋglé nyɛ ɓɛɓɛ a byɛ́la nyɛ́ nɛ́: «Kíyáɓɛ́nɛ ɔ lɛ̄ Mɔ́ɔ̄n Ɔ́lolómɛ̄, kanʼyɛ́ yí ŋgɔg nɛ́ ɛ́ yáan bikɔgá.»

Málkus 1:24

«Mɔɔ́ a! Yéé ɔ ŋgɔ sōmle ɓɛ́hɛ á Yésus nyɔ́ á Názalɛt, ɓaá wa sɔ́ ja ɓɛ́hɛ li ɓɔgɔ é? Mag yí nzáá ɔ lɛ: Nyɔ́ Mpúán a Ɔlolómɛ̄.»

Lúkas 10:18

Yésus ɔ pélē ɓɔ nɛ́: «Mií ŋga ɛ́n Sátan ag ɓógo á lóō li ɓɛ́han á sí ákaa mbambat.

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Yohánɛs 16:11

Likɔlɓan la ŋkál, ag kɛ́ li étɛ nɛ́ ɓá yɔ́p ányúū nɛ Ɔlolómɛ̄ a kááhɛ́ ŋ̀kanʼyɛ a nyú ŋkɔŋ-á-sí

Yohánɛs 8:44

Ɛsɔ́ŋɛ́ wāná nɛ ǹsɔhɔ, nsom wɛ́ɛ́ nɛ miní byɛ́ɛ́ kóó li ɓɔŋ. Li ɓotle á ɔ́kolpáŋá, a tīŋɓéné á lí ólhánɛ lí mut-a-binam; áh tɔɓene ɓé á mbálɛ, ányúū nɛ mbálɛ ɛ sē ɓé la nyɛ. Eceg a ŋga ɓāŋ minaa, náŋ nɛ́ a lɛ líɓɛ́ɛg jɛ́ɛ́, ányúū nɛ a lɛ mut-a-minaa, ɛsáŋɛ́ a minaa.

Elōg-Lóma 16:20

Puh eceg, Ɔlolómɛ̄ a ŋga tíi nsaŋ ag kɛ li kɔgte lí Sátan nyɔ́ a lɛ ɓɛ́nɛ á sí míkoo. Ndómbo nyí Ɛtáŋɛ wahá Yésus Kilístus ɛ ɓɛ́ la ɓɛ́nɛ.

Elōg-Éféso 2:2

á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Kólóso 2:15

A yáanɛ́ Migɔ́mna mísɛ la Ŋguu ɛ́sɛ yɛmɛ́, ɔ yáanɛ́ ɓɔ jam lí vɔl á ntélélé, ɔ ɔ́ŋgɔ́ míŋ Migɔ́mna la yíŋ Ŋguu á sí, ɔ kɛ́la ɓɔ́ ŋkómá á elɔŋ ɛ́ ɓot ɛ́ ŋga sóphɛ la mivag nɛ́ Yésus a dí mbásá cíŋ.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Elōg-Hébɛl 9:26

Kí ɓɔ̄ŋ nɛ́ ɛ́ loolog náŋ, kí a táka ŋgéle ŋgandag li ɓotle á mívegɓɛ mí ŋkɔŋ-á-sí. Á mbálɛ, nyí vɔ́ŋɔ́ɔ á mí misúg mí bí bíceg, Yésus Kilístus a ɛ́ni ŋgéle ya ányúū yɔ́ ɛ́sɛ, á lí manɛ lí áɓē eceg a tíéé nyɛ́-mɛ̄n kaa nsúlé.

Pétlos 2 2:4

La mbálɛ, Ɔlolómɛ̄ āh láakɛ́ɛ ɓé áŋgɛl yí ɛ́ ɓɔŋɔ́ɔ́ áɓē, ndí a ómóó yɔ́ á eɓél ɛ́ nzáan, ápah a náŋɛ̄ yɔ ŋkágag la misáŋ mí bícɛɛ, á lí laaŋke lí ɔ́lɔ̄ ví ŋkál.

Yohánɛs 1 1:2

átɔm nɛ́ eniŋ yá yɛ́ɛ́lɛ, la ɓɛ́hɛ bu ɛ́n yɔ; biíg tíi mbóŋ yɛ́ɛ̄ ányúū náŋ nɛ́ bi ŋga lɛ́gɛ ɓɛ́nɛ pɔ́l nyí eniŋ éɓem, yé ɓɛ́ɛ́ á ŋgwáāg Etāa Ɔlolómɛ̄ ndí yú yɛ́ɛ́léné ɓɛ́hɛ yɔ́-mɛ̄n.

Yohánɛs 1 3:10

Jam lí ŋga ɓɔ̄ŋ nɛ́ bí lem ɓɔɔ́n bí Ɔ́lolómɛ̄ la ɓɔɔ́n bí ǹsɔhɔ li lɛ́ nɛ́, nyɔ́ la nyɔ́ a ŋgá ɓɔŋ ɓé yé ɛ́ tɛ́ɛ́ sim, tɔ li diŋ lí mɔ́ɔ̄nyāŋ a sē ɓé nyɔ́ a Ɔlolómɛ̄.

Yohánɛs 1 3:5

Ndí, ɓɛ́nɛ miníg yí nɛ́ Yésus Kilístus a sɔ́ á lí ɓógtɛ lí míɓē, la ki nɛ́, aɓé tɔ wá á sē ɓé la nyɛ́.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.

Yúde 1:6

Nlemlem, áŋgɛl yí yáh naŋɛ ɓé líɓɛ́ɛg jáɓá, ndí yú cóó lítɔɓéné jáɓá, Ɔlolómɛ̄ a náŋɛ̄ yɔ ŋkwɛɛ́hkɛ́gɛ la misáŋ-mí-bícɛɛ átē a livito á nlaaŋkán á ɔ́lɔ̄ vícɛ̄ŋ ví bíkááhɛ́nɛ́.

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.