Yohánɛs 1 3:5 - Esaa-líat ɛ́ péná

⁵ Ndí, ɓɛ́nɛ miníg yí nɛ́ Yésus Kilístus a sɔ́ á lí ɓógtɛ lí míɓē, la ki nɛ́, aɓé tɔ wá á sē ɓé la nyɛ́.

Yohánɛs 1 3:5 ပူးပေါင်းရင်းမြစ်များ

Matéus 1:21

Ag kɛ li byál lí mɔ́ɔ̄n-á-páam, nyɔ́ ɔ ŋgɔ kɛ̄ li lo lí jóō nɛ́ Yésus, ányúū nɛ nyɛ́ nɛ́ a ŋga kɛ́ li suŋ lí lílōm jɛ́ɛ́ á míɓē.»

Lúkas 23:41

Ányúū yāhá, náŋ a tɛ́ɛ. Bi lɛ li kuh lí nsála á miɓɔŋɔg máhá, ndí nyɛ́, āh ɓɔŋ ɓé jam liɓé tɔ já.»

Lúkas 23:47

Ɛnɛ́ ŋ̀kanʼyɛ nlɔŋ á eɓógo sónja a ɛ́n yéé yá loo, ɔ ɓégɛ́ Ɔlolómɛ̄, la li laga nɛ́: «La mbálɛ, nyɔ́ mut a mɓɛ́ kɔɔ a tɛ́ɛ sim.»

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 1:31

Mā-mɛ̄n mi ŋgí yí ɓé ma nyɛ́, ndí á lí ɓɔŋ nɛ́ lilóm lí Íslāɛl lí yí nyɛ́, jɔ́ nɛ́ ma sɔ́ li tíi lí nzoɓan átē a mindím.»

Yohánɛs 14:30

Li ɓotle nyí lɛn, mi ŋgá kwɛ̄l ɓé pɛ ma la ɓɛ́nɛ, ányúū nɛ́ ŋ̀kanʼyɛ a nyú ŋkɔŋ-á-sí a lɛ lí sɔ́; tɔ náŋ kaa a ŋgá la ɓé ma lí ɓɔŋ lí tɔ jam.

Yohánɛs 8:46

Nzáá á átē wāná, a lɛ nɛ́ a étɛ́ nɛ́ ma ɓɔ̄ŋ áɓē é? Ndí, kíyáɓɛ́nɛ mbálɛ nɛ́ mi ŋga pɔ́t, ányúū yéé miní ŋgá yéɓe ɓé la ma é?

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Timotéo 1 1:15

Yé eɓaŋgá ɛ́ ŋga lága nɛ́: «Yésus Kilístus a sɔ́ á ŋkɔŋ-á-sí ányúū li suŋ lí ɓáɓɔŋ-miɓé», yéŋ eɓaŋgá ɛ́ kɔ́ɔ́ nɛ́ ɓot bí váléné yɔ́ lípitá, ɓɔ́ bísɛ ki bí lɛ́glé yɔ́ ákaa ɛ́ ŋga sōmlɛ. Átē á ɓáŋ m̀ɓɔŋ-miɓé, ma nɛ́ mi lɛ nyɔ́ ɔsú.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.

Elōg-Hébɛl 7:26

Ɔɔ, nyíŋ titih ǹtíi-nsúlé ǹcɛ́ŋ nɛ ɛ ŋgí sōmlɛ ɓɛ́hɛ, nyí ɛ lɛ mpúán, nyí ɛ lɛ̄ ŋgíla njɔm, ŋgíla aɓé, nyí ɛ sē ɓé á élɔŋ yé ɓáɓɔŋ-miɓé, nyí Ɔlolómɛ̄ a ɓétɛ́ á lóō lóō.

Elōg-Hébɛl 9:26

Kí ɓɔ̄ŋ nɛ́ ɛ́ loolog náŋ, kí a táka ŋgéle ŋgandag li ɓotle á mívegɓɛ mí ŋkɔŋ-á-sí. Á mbálɛ, nyí vɔ́ŋɔ́ɔ á mí misúg mí bí bíceg, Yésus Kilístus a ɛ́ni ŋgéle ya ányúū yɔ́ ɛ́sɛ, á lí manɛ lí áɓē eceg a tíéé nyɛ́-mɛ̄n kaa nsúlé.

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.

Pétlos 1 1:18

Kasig miní ŋga yí nɛ́ ah la byoóm bí ŋga lɔ́ɓe ɓé, kaa góol tɔ sílba nɛ́ maná kɔplɛ́ á m̀ɓé a eniŋ yé maná kotó á yóg ɓasɔ́ŋɛ́ ɓáná,

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Pétlos 1 2:22

Nyɛ́, mut āh ɓɔŋ ɓé aɓé tɔ wá, anyu wɛ́ɛ́ ki wáh pɔ́t ɓé mínaa.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 1:2

átɔm nɛ́ eniŋ yá yɛ́ɛ́lɛ, la ɓɛ́hɛ bu ɛ́n yɔ; biíg tíi mbóŋ yɛ́ɛ̄ ányúū náŋ nɛ́ bi ŋga lɛ́gɛ ɓɛ́nɛ pɔ́l nyí eniŋ éɓem, yé ɓɛ́ɛ́ á ŋgwáāg Etāa Ɔlolómɛ̄ ndí yú yɛ́ɛ́léné ɓɛ́hɛ yɔ́-mɛ̄n.

Yohánɛs 1 1:7

Ndí, kíyáɓɛ́nɛ biíg wɛɛhɛnɛ á mípūū, ákaa nyɛ́-mɛ̄n Ɔlolómɛ̄ a lɛ́ átē a mipúú, ɛnɛ ɓɛ́hɛ la ɓɛ́nɛ ɓaá at, micii mí Mɔ́ɔ̄n wɛ́ɛ̄ Yésus ki míg púɛ́ ɓɛ́hɛ joó nɛ aɓé.

Yohánɛs 1 2:1

Á ɓɔ́ɔ̄n ɓáma, mag ciile ɓɛ́nɛ mí mam mísɛ á li ɓɔŋ nɛ́ miníh ɓɔŋɔ́g ɓé áɓē. Ndí, kí yá pám nɛ mut a ɓɔ́ŋ aɓé, bi byɛ́ɛ́ ŋ̀kále ɓɛ́hɛ á ɔ́sū ví Etāa nɛ́ Yésus Kilístus nyɔ́ a tɛ́ɛ́ sim,

Yohánɛs 1 2:2

átɔm nɛ́ a tí nyɛ́-mɛ̄n kaa nsúlé ányúū elaakɛ míɓē máhá, ah ɛmáhá mɔ́-ntámɛ́ ɓé, ndí la mí mí ŋkɔŋ-á-sí ásɛ ki.

Yohánɛs 1 2:29

Kasig miní ŋga yí nɛ́ a tɛ́ɛ́ sim. Miní yí nɛ́ tɔ nzáá a ŋga ɓɔ̄ŋ yé ɛ́ tɛ́ɛ́ sim a lɛ̄ mɔɔ́n Ɔlolómɛ̄.

Yohánɛs 1 3:8

Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,