Yohánɛs 1 3:2 - Esaa-líat ɛ́ péná

² Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.

Yohánɛs 1 3:2 ပူးပေါင်းရင်းမြစ်များ

Matéus 5:8

Misɔ́tá la ɓá bí ŋga púú mímīm, bíg kɛ li ɛ́n lí Ɔ́lolómɛ̄.

Lúkas 17:30

Nlemlem á jam nɛ́ á ŋga kɛ́ li loo á ɔ́lɔ̄ Mɔɔ́n Mut a ŋga kɛ́ li ɛ́ni.

Lúkas 20:36

Náŋ a lɛ nɛ́, bí ŋgá la ɓé pɛ li wú, ányúū nɛ́ bí lɛ́ nlemlem ákaa áŋgɛl; bí lɛ ɓɔ́ɔ̄n bí Ɔlolómɛ̄, ánsī nɛ bí lɛ́ ɓɔ́ɔ̄n bí lípahye.

Yohánɛs 1:12

Ndí ɓot ɓá lɛ́glé yɔ, bú yéɓé ki á jóō jɛ́ɛ́, yéŋ Eɓaŋgá yá tí ɓɔ kundɛ li yaan lí ɓɔ́ɔ̄n bí Ɔlolómɛ̄.

Yohánɛs 11:52

Ah ányúū jɔ́-ntámɛ́ ɓé já, ndí á lí komanɛ lí ɓɔ́ɔ̄n bí Ɔlolómɛ̄ ɓá cámān pɛ́ɛ́ ɛsɛ̄ nɛ́ bí ɓɛ́ mut wa.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Elōg-Lóma 8:16

Nyɔ́ŋ M̀búl nyɛ́-mɛ̄n nɛ́ á ŋga yíhɛ kɔɔ ɓɛ́hɛ nɛ́ bi lɛ̄ ɓɔ́ɔ̄n bí Ɔ́lolómɛ̄.

Elōg-Lóma 8:18

Ákaa ɛ́sɛ, mag ɔ́ŋɔ nɛ́, bí sē ɓé nɛ ɓá kēt bisɔghe bí lɛn la lipém jé Ɔ́lolómɛ̄ a ŋga kɛ́ ɓɛ́hɛ li étɛ ámbúh eceg.

Elōg-Lóma 8:19

Átɔm nɛ́, biveglé bísɛ bí lɛ́ lí laaŋke átē a evéhé nɛ́ Ɔlolómɛ̄ a yíhɛ́ ɓanzáá bí lɛ́ ɓɔ́ɔ̄n ɓɛ́ɛ́.

Elōg-Lóma 8:29

Ɓá a man lí pɔhɔ, a mān lí súgɛ nɛ́ bíg yáan puh la puh á épunan yé Mɔ́ɔ̄n wɛ́ɛ̄, nɛ́ ndí nyɔ́ŋ Mɔɔ́n wɛ́ɛ̄ a ɓɛ́ nyɔ́ ɔsú á lí byáa átē a linyaŋ licɛ́ŋ lí ɓot.

Elōg-Kɔlínto 1 13:12

Ndí nyí lɛn, biíg ɛ́n mam mbɛmɛ́-mbɛmɛ́ ákaa á ŋkunūg á élembán, ndí á álɔ̄ á ŋga kɛ́ li sɔ́, bíg kɛ mɔ́ lí ɛ́n pɛ́lɛ́ŋ. Nyí vɔ́ŋɔ́ɔ eyí yáma yá tunu, ndí múŋ á nyúŋ álɔ̄ á ŋga kɛ́ li sɔ́, mag kɛ li yí lí mām ákaa Ɔ́lolómɛ̄ a ŋga yí ma.

Elōg-Kɔlínto 1 15:49

Nlemlem kaa ɓaá punán la mut a ŋkɔŋ-á-sí, náŋ ki nɛ́ bi ŋga kɛ́ li punan la mut a ŋga sɔ́le á lóō.

Elōg-Kɔlínto 1 2:9

Ndí, ányúū náŋ nɛ́ yá ciiɓɛ́ nɛ: «Yé diíh lí ɓáág ŋgí lí ɛ́n, yé aɔ́ɔ́ a ɓáág ŋgí lí ámble, yé ɛ́ ɓáág ŋgí lí loole lí mut tɔ wa á míɔ̄ŋɔ, Ɔlolómɛ̄ a manáá yɔ́ lí ɓoŋhan ányúū ɓadiŋɛ nyɛ́.»

Elōg-Kɔlínto 2 3:18

Ɓɛ́hɛ bísɛ hɔ́ ɓá misú mí áhɛ́, epaa yé Nyɔ́ŋ-Ɛsáŋɛ́ ɛ́g ɛ́nyéné á nyuú yáhá kaa á élembán. Jɔ́ hɔ́ nɛ, kaa Nyɔ́ŋ-Ɛsáŋɛ́ a lɛ M̀búl, a yaanɛ́ ɓɛ́hɛ nlemlem ákaa nyɛ́, átē a lipém jé lí ɓáág já lícɛ̄ŋɛ́ la licɛ́ŋɛ́.

Elōg-Kɔlínto 2 4:17

Ɔɔ, kí ɓaá kēt bísɔghe bí nyí lɛn, bí lɛ́ yɛ̄mɛ́ á ŋgwáāg ádit nyú á lípēm lí pɔ́gɔ́-pɔgɔ jé bíŋ bisɔghe bí ŋga ɓóŋhan ɓɛ́hɛ.

Elōg-Gálátia 3:26

átɔm nɛ́ ɓɛ́nɛ bísɛ, maná yaán ɓɔ́ɔ̄n bí Ɔlolómɛ̄, li kele la ŋyéɓé wáná la Yésus Kilístus.

Elōg-Gálátia 4:6

Kasig miní lɛ́ kɔɔ ɓɔɔ́n ɓɛ́ɛ́, Ɔlolómɛ̄ a vá M̀búl á Mɔ́ɔ̄n wɛ́ɛ̄ átē á mimím máhá, nyúŋ M̀búl nɛ́ á ŋga lón nɛ́: «Ába!» Náŋ a lɛ nɛ́ Etāa.

Elōg-Fílípi 3:21

Nyɛ́ nɛ́ a ŋga kɛ́ li yaanɛ lí nyí nyuú yāhá aɓɔt ákaa nyúū yɛ́ɛ̄ nyí lipém, li loole la ŋguu yɛ́ɛ̄ nyí ɛ ŋga yígle nyɛ́ lí vá lí mam mísɛ á sí likanʼyɛ jɛ́ɛ́.

Elōg-Kólóso 3:4

Eceg Kilístus nyɔ́ a lɛ́ éniŋ yáná a ŋga kɛ́ li ɛ́ni, váŋ nɛ́ ɓɛ́nɛ ki miní ŋga kɛ́ li ɛ́ni elɔŋ la nyɛ́ átē a ŋyoganɛ́ wɛ́ɛ̄ a lipém.

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.

Pétlos 2 1:4

Li kele la jéŋ lipém la misɔ́n mɛ́ɛ́ mí m̀ɓɛɛŋ, Ɔlolómɛ̄ a tí ɓɛ́hɛ miɓɛɛŋ mí má loohán lí ɓɛ́ lí taŋ, mí á kákānɛ̄ ɓɛ́hɛ, á lí ɓɔŋ nɛ́, eceg miní ŋga kuh mɔ́, miní nɛ́ŋɛ̄ la kóó éɓē yí ɛ́ lɛ́ nyɛgá nyí ŋkɔŋ-á-sí, la ki nɛ́ miní āt la Ɔlolómɛ̄ nyɛ́-mɛ̄n.

Yohánɛs 1 2:28

La náŋ, á ɓɔ́ɔ̄n ɓáma, miní ɓɛ́ la nyɛ́ á lí ɓɔŋ nɛ́ eceg a ŋga kɛ́ li sɔ́, ɓɛ́hɛ bísɛ bi ɓɛ́ ŋgíla woŋ, la ki nɛ́ bi táág kɔ̄n ɔ́sɔ̄n á misɔ́ mɛ́ɛ́, kí ɔ nɛ́ŋɓɛ́ ɓɛ́hɛ la nyɛ́.

Yohánɛs 1 2:7

Á elōgyāŋ yé édiŋ, ah mbéndá péná ɓé nɛ́ mi ŋga ciile ɓɛ́nɛ, ndí nlom á mbéndá nyú miní ŋga yí li ɓotle á míɓotlé; nyúŋ nlom á mbéndá á lɛ́ eɓaŋgá yé maná ámble.

Yohánɛs 1 3:1

Léɓyán édiŋ ecɛ́ŋ Etāa a tí ɓɛ́hɛ kaa likaale, nɛ́ bi yáŋlɛ́ ɓɔɔ́n bí Ɔlolómɛ̄. Bi lɛ kɔɔ ɓɔ́! Kasig ŋkɔŋ-á-sí wáh yí ɓé Ɔlolómɛ̄, ányúū náŋ nɛ́ á ŋgá la ɓé ɓɛ́hɛ li yí.

Yohánɛs 1 3:10

Jam lí ŋga ɓɔ̄ŋ nɛ́ bí lem ɓɔɔ́n bí Ɔ́lolómɛ̄ la ɓɔɔ́n bí ǹsɔhɔ li lɛ́ nɛ́, nyɔ́ la nyɔ́ a ŋgá ɓɔŋ ɓé yé ɛ́ tɛ́ɛ́ sim, tɔ li diŋ lí mɔ́ɔ̄nyāŋ a sē ɓé nyɔ́ a Ɔlolómɛ̄.

Yohánɛs 1 3:21

Á élōgyāŋ yé édiŋ, kíyáɓɛ́nɛ m̀mím wáhá á ŋgá kááhɛ ɓé ɓɛ́hɛ, biíg pɔ́tɛ Ɔlolómɛ̄ ɛ́h ɓɛ́ ɓé woŋ.

Yohánɛs 1 5:1

Tɔ nzáá a ŋga yéɓe nɛ́ Yésus a lɛ Nyɔ́-a-Pɔ́hlɛ a byálɓɛ́ la Ɔ́lolómɛ̄. Tɔ nzáá a ŋga díiŋ Ɔlolómɛ̄, m̀byál, ag diŋ ki nyɔ́ a byálɓɛ́ la Ɔlolómɛ̄.

Biyɛ́ɛ́léné 2:28

ákaa Etāa a tí ma nyíŋ ŋguu, mág mag kɛ nyɛ́ yɔ li tíi, mi tí ki nyɛ́ ɔ́tɛ̄ ví miyɛ́ mí kítí.»

Biyɛ́ɛ́léné 22:4

Bíg kɛ li ɛ́n lí asú wɛ́ɛ́, joó jɛ́ɛ́ ki líg ɓɛ́ nciíg á mbɔm yáɓá.