Yohánɛs 1 3:17 - Esaa-líat ɛ́ péná

¹⁷ Kíyáɓɛ́nɛ mut a yáhɛ la abyaŋ á ŋkɔŋ-á-sí, la nyɛ́ a ɛ́n mɔ́ɔ̄nyāŋ nyɔ́ a byɛ́ɛ̄ kóó la jam, ndí á létlé nyɛ m̀mím, nɛ láá hɔ́ ediŋ Ɔlolómɛ̄ ɛ lɛ́ nɛ yá ɓɛ́ la nyɛ́ é?

Yohánɛs 1 3:17 ပူးပေါင်းရင်းမြစ်များ

Lúkas 3:11

Nyɛ́g ɔ pélē ɓɔ nɛ́: «tɔ nzáá a byɛ́ɛ̄ mbɔ́tí ɛ́ɓáa, a tí nyɔ́ ah byɛ́ɛ́ ɓé; nyɔ́ ki a byɛ́ɛ̄ lídī, a ɓɔ̄ŋ nlemlem á jam.»

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Elōg-Hébɛl 13:16

Miníh vólkágánɛ́ ɓé lí ɓɔŋ lí m̀ɓɛɛŋ la nɛ́ ɓɛ́nɛ la ɓɛ́nɛ miní óŋghan, átɔm nɛ́, yíŋ patí mísūlé nɛ ɛ́ ŋga nyɛ́ɛle Ɔlolómɛ̄.

Yákop 2:15

Ákaa ɔvega, kíyáɓɛ́nɛ mɔɔ́nɛ́tāŋ wa átē a ŋyéɓé ag wɛɛ nsɔ́, tɔ nɛ́ āh byɛɛ́ ɓé yoóm li dí ɔlɔ́ sig,

Yákop 2:16

ndí mut wa á élɔŋ yáná a lágá nyɛ nɛ́: «Kɛnɛ́g la nsaŋ, jál mbɔ́tí ɛ́ ŋga díitanɛ wā nyúū, lidí lí nyɛɛlé wa.» Kíyáɓɛ́nɛ nyɔ́ŋ mut āh tíi ɓé nyɛ yé ɛ́ ŋga sōmlɛ nyɛ́ ányúū eniŋ, ɛnɛ a sál yéé é?

Yohánɛs 1 4:20

Kíyáɓɛ́nɛ mut ag laga nɛ́: «Mag diŋɛ Ɔlolómɛ̄», ndí ag síŋgɛ mɔɔ́nyāŋ, ɛnɛ a lɛ́ mut-a-minaa. La mbálɛ, nyɔ́ la nyɔ́ a ŋgá diŋɛ ɓé mɔ́ɔ̄nyāŋ nyɔ́ a ŋga ɛ́n, a ŋgá la ɓé tɔ li diŋɛ lí Ɔ́lolómɛ̄ nyɔ́ a ŋgá ɛ́n ɓé.

Yohánɛs 1 5:1

Tɔ nzáá a ŋga yéɓe nɛ́ Yésus a lɛ Nyɔ́-a-Pɔ́hlɛ a byálɓɛ́ la Ɔ́lolómɛ̄. Tɔ nzáá a ŋga díiŋ Ɔlolómɛ̄, m̀byál, ag diŋ ki nyɔ́ a byálɓɛ́ la Ɔlolómɛ̄.