Yohánɛs 1 3:16 - Esaa-líat ɛ́ péná

¹⁶ Ndembye ediŋ bi byɛ́ɛ̄ nyí lɛn ɛ lɛ nɛ́, nyɛ́ Yésus a tí éniŋ yɛ́ɛ́ ányúū yāhá, ɓɛ́hɛ ki, ɓaá nyɛ́ɛ lí tíi lí éniŋ yáhá ányúū elōgyāŋ yáhá.

Yohánɛs 1 3:16 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Yohánɛs 10:11

Yésus ɔ kóndyé sīg-pɛ nɛ́: «Ma nɛ́ mí lɛ taŋ ǹtát líɓembá. Taŋ ǹtát líɓembá ɛ́g tíi eniŋ yɛ́ɛ́ ányúū mitómbɛ́ mɛ́ɛ́.

Yohánɛs 10:15

nlemlem kaa Etāa a ŋga yí ma, náŋ nɛ́ mág mi ŋga yí Etāa, mag tíi eniŋ yáma ányúū mitómbɛ́.

Yohánɛs 13:34

Mag tíi ɓɛ́nɛ litiŋ lí péná jé lí mbéndá: miní diŋán ɓɛ́nɛ la ɓɛ́nɛ; nlemlem kaa ma dīŋ ɓɛ́nɛ, ɓɛ́nɛ ki miní diŋán ɓɛ́nɛ la ɓɛ́nɛ.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Elōg-Lóma 16:4

Ányúū lí suŋ lí ma, bí ɓɛ́ɛ́ bú jáŋɛ́ éniŋ yáɓá. Ah mā-ntámɛ́ ɓé nɛ mi ŋga tíi ɓɔ́ mítamlan, ndí Biɓasɛ bísɛ bí bí sē ɓé á lílōm lí Élōg-Yúda byɔ́g bíg tíi ɓɔ́ mítamlan.

Elōg-Lóma 5:8

Ndí, ndembye nyí ɛ ŋga étɛ nɛ́ Ɔlolómɛ̄ ag diŋ ɓɛ́hɛ yɔ nyí nɛ́: Nyɔ́-a-Pɔ́hlɛ a wú ányúū yāhá, kí bi ŋgí lɛ ɓáɓɔŋ-miɓé.

Elōg-Kɔlínto 2 4:12

La náŋ, nyɛmb ɛ lɛ̄ la ɓɛ́hɛ, ndí eniŋ yɔ́ yú ɓɛ́ la ɓɛ́nɛ.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Éféso 5:25

Á ɓálōm, diŋán ɓaá ɓáná ákaa Nyɔ́-a-Pɔ́hlɛ a dīŋ Éɓasɛ, nɛ́-tɛ́ɛ ɔ tí eniŋ yɛ́ɛ́ ányúū yɔ́,

Elōg-Fílípi 2:17

Ndí, tɔ yá pám ja nɛ́ micii máma má nyɛ́ɛ lí kómɓɛ ákaa likaale lí ŋga ɓátle á nsúlé nyú á lɛ́ nsɔ́n miní ŋga sál ányúū ŋyéɓé wáná, náŋ ag kɔnɛ jā ma mívag, mi sōphɛ́ ki elɔŋ la ɓɛ́nɛ bísɛ.

Elōg-Fílípi 2:30

átɔm nɛ́, a mɓɛ́ ɔ wú ányúū nsɔ́n á Nyɔ́-a-Pɔ́hlɛ, a mɓɛ́ ɔ ɓɔ́lán éniŋ yɛ́ɛ́ á lí óŋgánɛ lí ma, jam jé ɓɛ́nɛ-mɛ̄n manáh kuh ɓé póla á lí ɓɔŋle lí ma.

Elōg-Tésaloníka 1 2:8

Ŋgandag ekɔ́ɔ́ bi ɓɛ́ɛ́la ányúū yāná yú yíglé ɓɛ́hɛ nɛ́, amáh sig Pɔ́l M̀ɓɛɛŋ Ɔlolómɛ̄ ɓaá tí ɓɛ́nɛ, bi ɓɛ́ɛ́ ɓɛ́ɓɛ li tíi lí éniŋ yáhá yɔ́-mɛ̄n ányúū yāná, ányúū nɛ miní timáán ɓɛ́hɛ li ɓɛ́ lí díyɛ ŋgandag.

Títo 2:13

á nlaaŋkán á mísɔ̄tá bií ŋga pītye, la lipém lí ŋga kɛ́ li ɛ́ni jé lí Loó lí míloó nyɔ́ a lɛ Ǹsuŋ wahá Yésus Kilístus.

Pétlos 1 1:18

Kasig miní ŋga yí nɛ́ ah la byoóm bí ŋga lɔ́ɓe ɓé, kaa góol tɔ sílba nɛ́ maná kɔplɛ́ á m̀ɓé a eniŋ yé maná kotó á yóg ɓasɔ́ŋɛ́ ɓáná,

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 2:6

Tɔ nzáá a ŋga laga nɛ́ a lɛ́ jam já la Ɔlolómɛ̄, a nyɛ́ɛ li wɛɛ ákaa nyɛ́-mɛ̄n a wɛ́ɛ.

Yohánɛs 1 2:9

Tɔ nzáá a ŋga lága nɛ́ a lɛ átē a mipúú, ndí ag síŋgɛ mɔɔ́nyāŋ, ɛnɛ a ŋgí lɛ átē á livito.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,

Biyɛ́ɛ́léné 5:9

Bí ŋgí lɔ́ŋgɛ ŋgoso péná nɛ: «Ɔ kɔ́ɔ́ li lɛ́gle lí kálati la li kɔpɔ lí bíɓátan bí ndembye byɛ́ɛ́; ányúū nɛ ɓá sɛ́m wa líbīt, bú tí wa ákaa nsúlé; ányúū Ɔlolómɛ̄, wu sóm la micii mɔ́ɔ, ɓot bí jóō nɛ bikombo, bí jóō nɛ lilóm, bí jóō nɛ lilómɛ la ɓá bí mípɔ̄t mísɛ.