Yohánɛs 1 2:6 - Esaa-líat ɛ́ péná

⁶ Tɔ nzáá a ŋga laga nɛ́ a lɛ́ jam já la Ɔlolómɛ̄, a nyɛ́ɛ li wɛɛ ákaa nyɛ́-mɛ̄n a wɛ́ɛ.

Yohánɛs 1 2:6 ပူးပေါင်းရင်းမြစ်များ

Matéus 11:29

Ɓɛglán mbɛ́gɛ yama, miní níŋgí á ésukúlu yáma, átɔm nɛ́ mi lɛ̄ pií la esuhɛ-nyuú; la náŋ, miníg kɛ li kuh lí évɛɛɓan.

Yohánɛs 13:15

Ɔvega víŋ ma tí ɓɛ́nɛ, ɓɛ́nɛ ki, kɛnán miní ɓɔŋ nlemlem á jam.

Yohánɛs 15:10

Kíyáɓɛ́nɛ maná oŋlé mítiŋ máma mí mbéndá, miníg kɛ li tɔɔ átē á ediŋ yáma; náŋ a lɛ nlemlem kaa ma ōŋlé mítiŋ mí mbéndá nyí Etāa, mag mu tɔ́ɓēné átē á ediŋ yɛ́ɛ́.»

Elōg-Kɔlínto 1 11:1

Miní yégé ma, káa yé mág mi ŋga yége Nyɔ́-a-Pɔ́hlɛ.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Pétlos 1 2:21

Ányúū náŋ nɛ́ maná yáŋlɛ, átɔm nɛ́ Nyɔ́-a-Pɔ́hlɛ nyɛ́g a sɔ̄ghe ányúū yáná, la nyɛ́ ɔ yíglé ɓɛ́nɛ náŋ kaa ndembye á li ɓɔŋ nɛ́ miní oŋlé míkoo mɛ́ɛ́.

Yohánɛs 1 2:28

La náŋ, á ɓɔ́ɔ̄n ɓáma, miní ɓɛ́ la nyɛ́ á lí ɓɔŋ nɛ́ eceg a ŋga kɛ́ li sɔ́, ɓɛ́hɛ bísɛ bi ɓɛ́ ŋgíla woŋ, la ki nɛ́ bi táág kɔ̄n ɔ́sɔ̄n á misɔ́ mɛ́ɛ́, kí ɔ nɛ́ŋɓɛ́ ɓɛ́hɛ la nyɛ́.

Yohánɛs 1 2:4

Tɔ nzáá a ŋga lága nɛ́: «Mag yí nyɛ́», ndí āh náŋɛ ɓé mbéndá yɛ́ɛ́, a lɛ mut a minaa, mbálɛ ki yu nɛ́ŋɛ̄ la nyɛ́.

Yohánɛs 1 3:24

Nyɔ́ la nyɔ́ a ŋga náŋɛ mbéndá yí Ɔlolómɛ̄, a lɛ la Ɔlolómɛ̄, Ɔlolómɛ̄ ki ɔ ɓɛ́ la nyɛ́. Náŋ nɛ́ bi ŋga yí nɛ́ a lɛ lā ɓɛ́hɛ, li kele la M̀búl Mpúán a tí ɓɛ́hɛ kaa likaale.

Yohánɛs 1 3:6

Tɔ nzáá a lɛ̄ la nyɛ́ a ŋgá ɓɔŋ ɓé pɛ aɓé. Tɔ nzáá a ŋga ɓɔ̄ŋ aɓé, āh ɛ́n ɓé nyɛ ndí tɔ li yí lí nyɛ.

Yohánɛs 1 4:17

Kíyáɓɛ́nɛ bi byɛ́ɛ́ taŋ ediŋ á póla yahá, bi ŋgá kɔn ɓé woŋ á ɔ́lɔ̄ ví ŋkál, ányúū nɛ ákaa nyɛ́ Yésus, a lɛ, náŋ nɛ́ ɓɛ́hɛ ki bi lɛ á nyū ŋkɔŋ-á-sí.