Yohánɛs 1 2:22 - Esaa-líat ɛ́ péná

²² Nzáá a lɛ mut á minaa é? Mut a minaa a lɛ nyɔ́ a ŋga táŋ nɛ́ Yésus a lɛ Nyɔ́-a-Pɔ́hlɛ. Nyɔ́ la nyɔ́ a ŋga táŋɓan Etāa la Mɔɔ́n wɛ́ɛ̄, nyɛ́ nɛ́ a lɛ ǹlem a Kilístus.

Yohánɛs 1 2:22 ပူးပေါင်းရင်းမြစ်များ

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 24:5

átɔm nɛ́, ɓot ŋgandag bíg kɛ li sɔ́ á jóō jáma; bí ɓɛ́ bíg laga nɛ́: ‹Ma nɛ́ mi lɛ Nyɔ́-a-Pɔ́hlɛ›. Bíg kɛ li jáŋɛ lí ɓot ŋgandag.

Yohánɛs 8:44

Ɛsɔ́ŋɛ́ wāná nɛ ǹsɔhɔ, nsom wɛ́ɛ́ nɛ miní byɛ́ɛ́ kóó li ɓɔŋ. Li ɓotle á ɔ́kolpáŋá, a tīŋɓéné á lí ólhánɛ lí mut-a-binam; áh tɔɓene ɓé á mbálɛ, ányúū nɛ mbálɛ ɛ sē ɓé la nyɛ. Eceg a ŋga ɓāŋ minaa, náŋ nɛ́ a lɛ líɓɛ́ɛg jɛ́ɛ́, ányúū nɛ a lɛ mut-a-minaa, ɛsáŋɛ́ a minaa.

Yohánɛs 1 1:6

Kí ɓaá lága nɛ: «Ɓaá aát la nyɛ́», ndí biíg wɛɛhɛnɛ á lívito, ɛnɛ biíg ɓaŋ minaa bi ŋgá niŋle ɓé á mbálɛ.

Yohánɛs 1 2:18

Á ɓɔ́ɔ̄n ɓáma, ŋgɛ́ŋ ya tíile nyí, maná ámblé bíg laga nɛ́ ǹlem a Kilístus ag sɔ́, ndí nyí vɔ́ŋɔ́ɔ, ŋgandag ɓálem-bí-kilístus ɛ́ lɛ́ váŋ. Náŋ nɛ́ a ŋga yíhɛ ɓɛ́hɛ nɛ́ ŋgɛ́ŋ ya tíile nyí.

Yohánɛs 1 2:23

Tɔ nzáá a ŋga táŋɓan Mɔɔ́n ah byɛ́ɛ́ ɓé Étāa. Nyɔ́ la nyɔ́ a ŋga páha ɔ́sū ví ɓot nɛ́ ag yéɓé la Mɔɔ́n a byɛ́ɛ́ ki Etāa.

Yohánɛs 1 2:4

Tɔ nzáá a ŋga lága nɛ́: «Mag yí nyɛ́», ndí āh náŋɛ ɓé mbéndá yɛ́ɛ́, a lɛ mut a minaa, mbálɛ ki yu nɛ́ŋɛ̄ la nyɛ́.

Yohánɛs 1 4:20

Kíyáɓɛ́nɛ mut ag laga nɛ́: «Mag diŋɛ Ɔlolómɛ̄», ndí ag síŋgɛ mɔɔ́nyāŋ, ɛnɛ a lɛ́ mut-a-minaa. La mbálɛ, nyɔ́ la nyɔ́ a ŋgá diŋɛ ɓé mɔ́ɔ̄nyāŋ nyɔ́ a ŋga ɛ́n, a ŋgá la ɓé tɔ li diŋɛ lí Ɔ́lolómɛ̄ nyɔ́ a ŋgá ɛ́n ɓé.

Yohánɛs 1 4:3

Tɔ nzáá ki a ŋga pún lí páha lí jéŋ liɓɛ́ɛg lí Yésus a sē ɓé nyɔ́ a Ɔlolómɛ̄, a lɛ́ jā ǹlem a Kilístus ányúū yɛ́ɛ̄ nɛ, maná ámblé bíg lɛgɛ nɛ́, ǹlem a Kilístus ag sɔ́, nyí vɔ́ŋɔ́ɔ a nyɛ́g á ŋkɔŋ-á-sí.

Yohánɛs 1 5:1

Tɔ nzáá a ŋga yéɓe nɛ́ Yésus a lɛ Nyɔ́-a-Pɔ́hlɛ a byálɓɛ́ la Ɔ́lolómɛ̄. Tɔ nzáá a ŋga díiŋ Ɔlolómɛ̄, m̀byál, ag diŋ ki nyɔ́ a byálɓɛ́ la Ɔlolómɛ̄.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.

Yúde 1:4

Mag ciile ɓɛ́nɛ ányúū nɛ ɓot ɓaɓé ɓá níŋgí nsɔlɓɛ́ á póla yaná. Ɓáŋ ɓot ekɔ́ghɛ yáɓá yá ciiɓɛ́ ɓɛɛvéé á Lícii-Lipúán. Bí lɛ́ ɓot bí ŋgíla ŋyéɓé, ɓá bí ŋga véŋe pɔ́l ediŋ yé Ɔ́lolómɛ̄ Loó jáhá ányúū li niŋ lí éniŋ ɛ́ mpuŋgú. Bíg táŋɓan ki Yésus Kilístus, pɔ̄m yahá Ŋ̀kanʼyɛ la Ɛtáŋɛ.

Biyɛ́ɛ́léné 3:9

Ɛ́n sig, mag nuŋlɛ wa ɓot bí nlɔŋ á Sátan, ɓá bí ŋga lága nɛ́ bí lɛ́ ɓɔ́ɔ̄n bí Élōg-Yúda, ndom nɛ́ bí sē ɓé ɓɔ̄, bíg ɓaŋ minaa. Ɛ́n sig, mag kɛ ɓɔ́ lí sɔ́la nɛ́ bí úm miɓɔ́ŋ á sí yɔ́ɔ míkoo, la náŋ bíg kɛ li yí nɛ́ ma dīŋ wa.