Yohánɛs 1 2:2 - Esaa-líat ɛ́ péná

² átɔm nɛ́ a tí nyɛ́-mɛ̄n kaa nsúlé ányúū elaakɛ míɓē máhá, ah ɛmáhá mɔ́-ntámɛ́ ɓé, ndí la mí mí ŋkɔŋ-á-sí ásɛ ki.

Yohánɛs 1 2:2 ပူးပေါင်းရင်းမြစ်များ

Lúkas 14:22

Ámbúh eceg, m̀ɓɔŋle ɔ tímān nyɛ li laga nɛ́: Etāa, yá ɓɔŋɓɛ ákaa wa yó, ndí bitɔ bí ŋgí lɛ á ndáá.

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 12:32

Ndí ma, eceg bí ŋga kɛ́ ma lí ɓógtɛ á ŋkɔŋ-á-sí, mag kɛ li duutɛ lí ɓot bísɛ á ŋgwáāg yáma.»

Yohánɛs 4:42

La ɓɔ́ bú lāgá nyɔ́ mindígá nɛ: «Ah ányúū li laglag jɔ́ɔ jɔ́-ntámɛ́ ɓé pɛ nɛ́ bi ŋga yéɓé, ndí ányúū nɛ ɓɛ́hɛ-mɛ̄n ɓaá ámblé nyɛ, biíg yí kɔɔ la mbálɛ nɛ́ nyɛ́ nɛ́ a lɛ Ǹsuŋ ɓot bí ŋkɔŋ-á-sí.»

Elōg-Hébɛl 2:17

Ányúū náŋ nɛ́ a ŋga nyɛ́ɛ li punan la elōgésāŋ á pánd ɛ́sɛ, nɛ́ ndí a yáan ǹtíi-nsúlé ǹcɛ́ŋ nyɔ́ a yáhɛ́ la m̀mím á ŋgɔ́ɔ́, nyɔ́ a ŋga sál nsɔ́n wɛ́ɛ́ kaa ɛ́ ŋga sōmlɛ ɔ́sū ví Ɔ́lolómɛ̄. Nyɛ́ nɛ́ a tɛ́ɛ́ɓɛ́ á lí kuhle lí ɓot-bí-bínam elaakɛ-miɓé.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 1:7

Ndí, kíyáɓɛ́nɛ biíg wɛɛhɛnɛ á mípūū, ákaa nyɛ́-mɛ̄n Ɔlolómɛ̄ a lɛ́ átē a mipúú, ɛnɛ ɓɛ́hɛ la ɓɛ́nɛ ɓaá at, micii mí Mɔ́ɔ̄n wɛ́ɛ̄ Yésus ki míg púɛ́ ɓɛ́hɛ joó nɛ aɓé.

Yohánɛs 1 3:5

Ndí, ɓɛ́nɛ miníg yí nɛ́ Yésus Kilístus a sɔ́ á lí ɓógtɛ lí míɓē, la ki nɛ́, aɓé tɔ wá á sē ɓé la nyɛ́.

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Yohánɛs 1 4:14

Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;