Yohánɛs 1 2:18 - Esaa-líat ɛ́ péná

¹⁸ Á ɓɔ́ɔ̄n ɓáma, ŋgɛ́ŋ ya tíile nyí, maná ámblé bíg laga nɛ́ ǹlem a Kilístus ag sɔ́, ndí nyí vɔ́ŋɔ́ɔ, ŋgandag ɓálem-bí-kilístus ɛ́ lɛ́ váŋ. Náŋ nɛ́ a ŋga yíhɛ ɓɛ́hɛ nɛ́ ŋgɛ́ŋ ya tíile nyí.

Yohánɛs 1 2:18 ပူးပေါင်းရင်းမြစ်များ

Matéus 24:11

Ɓapɔ́tle-bí-Ɔ́lolómɛ̄ bí mínaa bíg kɛ li ɓɛ́ ŋgandag, la ɓɔ́ ɓá jáŋɛ́ ɓot ŋgandag.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 24:5

átɔm nɛ́, ɓot ŋgandag bíg kɛ li sɔ́ á jóō jáma; bí ɓɛ́ bíg laga nɛ́: ‹Ma nɛ́ mi lɛ Nyɔ́-a-Pɔ́hlɛ›. Bíg kɛ li jáŋɛ lí ɓot ŋgandag.

Málkus 13:6

Átɔm nɛ́, ɓot ŋgandag bíg kɛ li sɔ́ la joó jáma; bí ɓɛ́ bíg laga nɛ́: ‹Ma nɛ́ mi lɛ Nyɔ́-a-Pɔ́hlɛ.› Bíg kɛ li léé lí ɓot ŋgandag á nzen eɓé.

Yohánɛs 21:5

Ɔ lága ɓɔ nɛ́: «Á ɓɔ́ɔ̄n, maná ól puh kɔh wóŋ é?» Bú pélē nyɛ nɛ́: «Kɛ́m.»

Elōg-Lóma 13:11

Ákaa miní ŋga yí yɔɔ́yɔ́ɔ eceg bi byɛɛ́, eceg yé nɛ́ miní vɛɛɓé á ɔ́lɔ̄. Nyí vɔ́ŋɔ́ɔ, lisuŋga lá sīŋglé ɓɛ́ɓɛ ɓɛɓɛ la ɓɛ́hɛ li loo lí á éceg bi ɓōtléé lí yéɓe la Kilístus.

Elōg-Lóma 13:12

Díɓe la kɛ, kítí ɛ lɛ ɓɛ́ɓɛ. Bi cóó hɔ́ mísɔ̄n mí lívito, bi nyɔ̄ŋ bidulé-bí-wélan bí bi ŋga ɓɔ̄ŋle á mípūū.

Elōg-Hébɛl 1:2

Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Pétlos 1 1:5

Á ɓɛ́nɛ ɓá ŋguu Ɔlolómɛ̄ ɛ ŋga tát li kele la ŋyéɓé ányúū lisuŋga lí ŋga kɛ́ li ɛ́ni á lísūg lí eceg.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Pétlos 2 2:1

Á kwakwáŋɛ, ɓapɔ́tle-bí-Ɔ́lolómɛ̄ bí mínaa bí ɓɛ́ɛ́ á lílōm lí Íslāɛl. Náŋ ki nɛ́ ɓáyēglɛ bí mínaa bí ŋga kɛ́ li ɓɛ́ á póla yāná. Bíg kɛ li níŋgɛ lí miéélé miɓé á nsɔlɓɛ́ á lí jáŋɛ lí ɓot, li pám á ɔ́vega ví bí ŋga táŋɓan Nyɔ́ŋ-Ɛsáŋɛ́ nyɔ́ a tɔ́hɔ́ ɓɔ, la li kɛla lí ɓɔ́-mɛ̄n mpápá á njáŋgá.

Pétlos 2 3:3

Sɔ́kágánɛ́ biíg kɛ ɔ́sū, yíán nɛ́, á álɔ̄ wa tiile, ɓot bí nlegtanɛ́ a nsiika bíg kɛ li sɔ́, bí ɓɛ́ bíg wɛɛhɛnɛ á byoóm byá nyɔ̄ŋ ɓɔ m̀mím,

Yohánɛs 1 2:22

Nzáá a lɛ mut á minaa é? Mut a minaa a lɛ nyɔ́ a ŋga táŋ nɛ́ Yésus a lɛ Nyɔ́-a-Pɔ́hlɛ. Nyɔ́ la nyɔ́ a ŋga táŋɓan Etāa la Mɔɔ́n wɛ́ɛ̄, nyɛ́ nɛ́ a lɛ ǹlem a Kilístus.

Yohánɛs 1 4:1

Á élōgyāŋ yé ediŋ, Miníh yéɓyág ɓé la ɓá bísɛ bí ŋga yó nɛ́ bí byɛ́ɛ́ M̀búl Mpúán, ndí miní ceglɛ́ ɓɔ́, á lí yí tɔ nɛ́ m̀búl bí byɛ́ɛ̄ a lɛ́ nyú á Ɔlolómɛ̄, átɔm nɛ́ ŋgandag ɓapɔ́tle-bí-Ɔ́lolómɛ̄ bí mínaa yá cámān á ŋkɔŋ-á-sí.

Yohánɛs 1 4:3

Tɔ nzáá ki a ŋga pún lí páha lí jéŋ liɓɛ́ɛg lí Yésus a sē ɓé nyɔ́ a Ɔlolómɛ̄, a lɛ́ jā ǹlem a Kilístus ányúū yɛ́ɛ̄ nɛ, maná ámblé bíg lɛgɛ nɛ́, ǹlem a Kilístus ag sɔ́, nyí vɔ́ŋɔ́ɔ a nyɛ́g á ŋkɔŋ-á-sí.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.

Yúde 1:18

Bí ŋgí laga ɓɛ́nɛ nɛ́: «Á lísūg lí bíceg, ɓot bí ɓɛ́ bíg keeyɛ ɓɛ́nɛ, bí ɓɛ́ bíg niŋ li oŋle la kóó-míson eɓé yáɓá.»