Yohánɛs 1 2:14 - Esaa-líat ɛ́ péná

¹⁴ Ma cíilé hɔ́ ɓɛ́nɛ náŋ á ɓɔ́ɔ̄n ɓáma ányúū nɛ́, Miníg yí Etāa. Á ɓabyál, ma cíilé ɓɛ́nɛ náŋ ányúū nɛ́, Miníg yí nyɔ́ a lɛ li ɓotle á míɓotlé. Á áwāndá, ma cíilé ɓɛ́nɛ náŋ ányúū nɛ́, Miní byɛ́ɛ́ ŋguu, eɓaŋgá Ɔ́lolómɛ̄ ɛ́ lɛ́ la ɓɛ́nɛ la ki nɛ́ maná dí Ǹlem cíŋ.

Yohánɛs 1 2:14 ပူးပေါင်းရင်းမြစ်များ

Yohánɛs 15:7

Kíyáɓɛ́ hɔ́ nɛ maná kōndyé lí átɓe la ma, ndí maná naŋɛ ki biɓaŋgá byáma, ɓatán yé miní ŋga sómo, miníg kɛ yɔ́ lí kuh.

Yohánɛs 5:38

La ki nɛ́, miní ŋgá naŋɛ ɓé bíɓaŋgá byɛ́ɛ́, ányúū nɛ miní ŋgá yéɓe ɓé la nyɔ́ a óm ma.

Yohánɛs 8:31

Yésus ɔ laga hɔ́ ɓɔ́ɔ̄n bí Élōg-Yúda ɓá bí yéɓyéé la nyɛ nɛ́: «Kíyáɓɛ́nɛ maná tiŋɓé á bíɓaŋgá byáma, ɛnɛ miní lɛ́ kɔɔ ɓayége ɓáma.

Yohánɛs 8:37

Mag yí nɛ́ miní lɛ́ mbota nyí Áblaháam, ndí miníg somo ma lí ólhánɛ, ányúū nɛ eɓaŋgá yáma ɛ́ ŋgá siiɓan ɓé ɓɛ́nɛ.

Elōg-Éféso 6:10

Á mímanlé, miní nyɔŋlé ŋguu á ŋ̀atanɛ́ wāná la Nyɔ́ŋ-Ɛsáŋɛ́ a Ŋguu-mísɛ.

Elōg-Fílípi 4:13

Mag la li ɓɔŋ lí mam mísɛ á jóō lí nyɔ́ a ŋga tíi ma ŋguu.

Elōg-Kólóso 1:11

La náŋ, ŋguu nyí lipém jɛ́ɛ́ ɛg kɛ ɓɛ́nɛ li letɛ á mam mísɛ, á lí ɓɔŋ nɛ́ miní la li ɔ́hánɛ lí byoóm bísɛ ɛ́h ɓɛ́ ɓé ntɔghanɛ́. Átē a mivag mísɛ,

Elōg-Kólóso 3:16

Eɓaŋgá Kilístus ɛ́ tɔ́ɔ á póla yáná la abyaŋ wɛ́ɛ́ ásɛ. Jɔ́ nɛ́, mut sig a yéglɛ́ nyɔ́ŋɔ́, miní tíélán ŋgéélé ɓɛ́nɛ la ɓɛ́nɛ átē a peg. Tíán Ɔlolómɛ̄ mítamlan la m̀mím wáná ásɛ, lóŋghánɛ̄ nyɛ́ byaá bí ŋgoso enyɛŋgɛ, byaá bí lípēm la byaá bí éɓégɛ bí ŋga sɔ́le la M̀búl Mpúán.

Timotéo 2 2:1

Wa hɔ́, á mɔ́ɔ̄n wáma, nyɔŋlé ŋguu yɔ́ɔ á líōŋgánɛ lí ŋga sɔ́le á ŋ̀atanɛ́ la Yésus Kilístus.

Elōg-Hébɛl 8:10

Nyɔ́ŋ-Ɛsáŋɛ́ ag kɛ la ɔsú nɛ́: «Esaa-líat mi ŋga kɛ́ li ɓɔ̄ŋ la lilóm lí Íslāɛl, ámbúh nyúŋ alɔ́ yɔ́ yé nɛ́, eceg mi ɓɛ́ mag tíi ɓɔ́ mbéndá yáma, mag kɛ ja yɔ́ lí cíi á míɔ̄ŋɔ máɓá la á mímīm máɓá. Mag kɛ li ɓɛ́ lí Loó jáɓá, ɓɔ́g bí ɓɛ́ lilóm jáma.

Yohánɛs 1 1:1

Yé ɓɛ́ɛ́ li ɓotle á bíɓotlé, ɛ́ ɓɛ́ɛ́ jā Eɓaŋgá ɛ́ ŋga tíi eniŋ. Yɔ́ nɛ́ ɓaá ámble, bu ɛ́n ɓɛ́hɛ-mɛ̄n la miíh máhá, bu mɛ́mɛ, bu síiɓán yɔ la mɔ máhá,

Yohánɛs 1 1:10

Kíyáɓɛ́nɛ biíg lága nɛ́: «Bi sē ɓé ɓɛ́hɛ ɓaɓɔŋ-miɓé», ɛnɛ ɓaá yaanɛ́ Ɔ́lolómɛ̄ mut-a-minaa, tɔ eɓaŋgá yɛ́ɛ́ ki ɛ́ sē ɓé átē wāhá.

Yohánɛs 1 2:13

Á ɓɛ́nɛ ɓabyál, mag ciile ɓɛ́nɛ ányúū nɛ́, Miníg yí nyɔ́ a lɛ li ɓotle á míɓotlé. Á ɓɛ́nɛ áwāndá, mag ciile ɓɛ́nɛ ányúū nɛ́: Maná dí Ǹlem cíŋ.

Yohánɛs 2 1:2

kasig ɛ tɔɔ́ la ɓɛ́hɛ, ɛg ɓɛ́ la ɓɛ́hɛ eceg ɛ́sɛ.

Yohánɛs 3 1:3

Ákaa ɛ́sɛ, ma kɔ̄n mivag ŋgandag nɛ́, eceg ndog yahá yá pám mú, yá tí mbóŋ élāām nyí eniŋ yɔ́ɔ; ányúū nɛ ɔg wɛɛhɛnɛ á mbálɛ.

Biyɛ́ɛ́léné 2:3

Ɔ byɛ́ɛ m̀ɓán, wa táka ányúū joó jáma, ndí tɔ la náŋ wu létɛ̄ nyúū.

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»