Yohánɛs 9:7 - Esaa-líat ɛ́ péná

⁷ ɔ lága nyɛ nɛ́: «Kɛɛ́n soɓán á éɓēl-écɛ̄ŋ-mísoɓan yé lɛ́ á Síloe.» Jéŋ joó líg mínɛ nɛ́ ŋ̀ómɓɛ. Mut-a-ndím ɔ kɛ wóŋ, ɔ sóɓan, á mísoa mɛ́ɛ́, ɔ ɓōtlé lí ɛ́nan.

Yohánɛs 9:7 ပူးပေါင်းရင်းမြစ်များ

Matéus 11:5

vɔ́ŋɔ́ɔ, ɓot-bí-ndím bíg ɛ́n, biɓóg-bí-ɓōt bíg wɛɛ m̀ɓɛɛŋ, ɓá bí mívɛlɛ bíg tɔɔ mbólí, ɓá bí ndɔ́g bíg ámble, ɓá ɓá wū bíg pahye; Pɔ́l M̀ɓɛɛŋ ya lɛ̄glɛ́ ɓáyɛ̄ɛ̄yɛ́ɛ.

Lúkas 13:4

Tɔ nɛ́ jé jóom lí ɓot la mwaam, jé njoŋgi yá ɓɛ́hán a lóō á Síloe yú ól, ɓaá miní ɔ́ŋɔ nɛ́ bí ɓɛ́ɛ́la avuha ŋgandag li loo lí ɓáŋá ɓot bí Yélūsalɛm bísɛ é?

Lúkas 2:32

mipúú mí ŋga páaye ɓá bí sē ɓé ɓɔ́ɔ̄n bí Élōg-Yúda, la lipém lí Íslāɛl lilóm jɔ́ɔ.»

Yohánɛs 10:36

Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 11:37

Jogo lí ɓot á elɔŋ yáɓá lú lagá nɛ́: «Nyɛ́ mut a ɓɔ̄ŋ nɛ mut-a-ndím a ɛ́nán, nɛ́ láá ah la ɓé pɛ li céŋɛ nɛ́ Lásalo ah wúág ɓé é?»

Yohánɛs 9:11

Ɔ pélē nɛ: «Nyɔ́ mut bí ŋga yáŋa nɛ́ Yésus a púu ndɔɔ, ɔ ɔ́gɛ́ ma yɔ á miíh, ɔ yó ma nɛ́: ‹Kɛɛ́n á Síloe, ɔ sóɓán.› La ma, mu kɛ, mu sóɓan, mu ɓōtlé lí ɛ́nan.»

Yohánɛs 9:39

Ámbúh náŋ, Yésus ɔ lága nyɛ nɛ́: «Ma sɔ́ ja lí kááhɛ lí ɓot bí ŋkɔŋ-á-sí, á lí ɓɔŋ nɛ́ ɓá bí ŋgí ɛ́nan ɓé bí ɛ́nán, ɓá ki bí ŋga ɛ́nan bí ku ndím.»

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,