Yohánɛs 9:39 - Esaa-líat ɛ́ péná

³⁹ Ámbúh náŋ, Yésus ɔ lága nyɛ nɛ́: «Ma sɔ́ ja lí kááhɛ lí ɓot bí ŋkɔŋ-á-sí, á lí ɓɔŋ nɛ́ ɓá bí ŋgí ɛ́nan ɓé bí ɛ́nán, ɓá ki bí ŋga ɛ́nan bí ku ndím.»

Yohánɛs 9:39 ပူးပေါင်းရင်းမြစ်များ

Matéus 11:5

vɔ́ŋɔ́ɔ, ɓot-bí-ndím bíg ɛ́n, biɓóg-bí-ɓōt bíg wɛɛ m̀ɓɛɛŋ, ɓá bí mívɛlɛ bíg tɔɔ mbólí, ɓá bí ndɔ́g bíg ámble, ɓá ɓá wū bíg pahye; Pɔ́l M̀ɓɛɛŋ ya lɛ̄glɛ́ ɓáyɛ̄ɛ̄yɛ́ɛ.

Matéus 15:14

Mwahánɛ̄ ɓɔ́! Ɓot-bí-ndím ɓāŋ, bíg wɛ́ɛla ɓot-bí-ndím ɓátām. Jɔ́ nɛ́, kíyáɓɛ́nɛ mut-a-ndím ag wɛɛla nyɔ́ŋɔ́ mut-a-ndím ntám, ɓɔ́ bíɓáa bíg ɓɛ́han á éɓēl.»

Matéus 6:23

Ndí, kíyáɓɛ́nɛ diíh jɔ́ɔ líg kɔn, nyuú yɔ́ɔ ɛsɛ̄ ɛg ɓɛ́ á lívito. Kíyáɓɛ́ hɔ́ nɛ, mipúú mí lɛ́ á átē wɔ́ɔ mí lɛ́ lívito, livito jɔ́ɔ lí lɛ́ viuú!»

Lúkas 1:79

Míg paaye ɓá bísɛ bí lɛ́ átē á livito, la ɓá bí lɛ́ á m̀ɓel-á-sɔŋ á lí tɛ́ɛ́yɛ lí míkoo máhá á nzen nsaŋ.»

Lúkas 13:30

La náŋ, ɓot bí mbúh ɓá, bíg kɛ li ɓɛ́ lí ɓá bí ɔ́sū; ɓot bí ɔ́sū ɓá ki, bí ɓɛ́ ɓá bí mbúh.»

Lúkas 2:34

Síméon ɔ lómbó ɓɔ aá la nyaŋɛ́ Mālía nɛ́: «Nyɔ́ mɔɔ́n á sɔ́ ja á li ɓɛ́h la li tɛ́ɛ́yɛ lí ŋgandag ɓot á Íslāɛl la li ɓɛ́ lí ndembye nyí ɓot bí ŋga pún.

Lúkas 4:18

M̀búl á Nyɔ́ŋ-Ɛsáŋɛ́ á káhɛ á lóō jáma, nyɛ́ nɛ́ a pɔ́hɔ̄ ma nɛ́ mi lɛgɛ ɓot bí ŋgɔ́ɔ́ Pɔ́l m̀ɓɛɛŋ. Ɔ óm ma li lɛgɛ lí ɓot-bí-míɓog nɛ́ bíg kɛ li tɛ́lɛ lí kundɛ; nɛ́ ɓot-bí-ndím bíg kɛ́ li ɛ́n, nɛ́ ɓá bí lɛ a ndutu, bíg kɛ́ li kuh lí étɔ́hɔ;

Lúkas 7:21

Á nlemlem á eceg, Yésus ɔ mánɛ ɓot ŋgandag ákɔn. Ɔ mánɛ biɓóg-bí-ɓōt, ɔ pámɛ́ ɓáŋá mímbūl míɓē á nyúū, la nyɛ́ ɔ ɓɔŋ nɛ́ ŋgandag ɓot-bí-ndím bú ɛ́n.

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Yohánɛs 12:46

Ma nɛ́ mi lɛ mípūū, ma sɔ́ á ŋkɔŋ-á-sí, nɛ́ nyɔ́ la nyɔ́ a ŋga yéɓe la ma, ah tɔɓág ɓé pɛ átē a livito.

Yohánɛs 3:17

La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 3:19

Nyúŋ ŋkál, wɔ́ nyú nɛ́: mipúú má sɔ́ á ŋkɔŋ-á-sí, ndí ɓot bú pɔ̄hɔ́ lívito, ányúū nɛ misɔ́n máɓá mí lɛ́ míɓē.

Yohánɛs 8:12

Ámbúh náŋ, Yésus ɔ laga sīg-pɛ jéŋ límut nɛ́: «Ma nɛ́ mi lɛ mípūū mí ɓot bí ŋkɔŋ-á-sí Nyɔ́ la nyɔ́ a ŋga ōŋ ma a ŋgá kɛ ɓé lí wɛɛhɛnɛ á lívito, ag ɓɛ́la mipúú mí ŋga tíi eniŋ.»

Yohánɛs 8:15

Miníg kááhɛ á nyaa nyí ɓot-bí-bínam, ndí ma, mi ŋgá kááhɛ ɓé ma tɔ mut.

Yohánɛs 9:25

Ɔ pélē ɓɔ nɛ́: «Mi ŋgá yí ɓé ma kí nɛ́ a lɛ m̀ɓɔŋ-miɓé, jam mi ŋga yí lí lɛ́ nɛ́: mi ɓɛ́ɛ́ ndím, ndí nyí vɔ́ŋɔ́ɔ mag ɛ́nan!»

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Kɔlínto 2 2:16

Ányúū ɓá ɓá tiile, nyíŋ nziŋ ɛ lɛ́ nzīŋ nyɛmb nyí ɛ́ ŋga óm á nyɛmb, ányúū ɓá bí ɔ́sū, ɛ lɛ̄ nzīŋ nyí eniŋ nyí ɛ ŋga tíi eniŋ. Ɓaá nzáá a kɔɔ́ la nyíŋ patí nsɔ́n é?

Elōg-Éféso 5:14

átɔm nɛ́, yé ɛ́sɛ ɛ́ ŋga pám á ápūū ɛ́ lɛ́ mípūū. Ányúū náŋ nɛ́ bí ŋga laga nɛ́: vɛɛɓé, wa nyɔ́ ɔ ŋgɔ lál, tɛ́lɛ́ á póla ɓá ɓá wū, mipúú mí Nyɔ́-a-Pɔ́hlɛ míg kɛ wa lí paaye.

Elōg-Tésaloníka 2 2:10

Átē a misɔ́n mɛ́ɛ́ míɓē mísɛ, ag ɓɛ́ ag yɛ́ɛ ɓot bí lɛ́ á nzen njáŋgá, ányúū nɛ ɓáh lɛ́glé ɓé mbálɛ ndí tɔ li diŋ lí yɔ, nyaa nɛ́ nyíŋ mbálɛ nɛ́ ɛ mɓɛ́ nɛ ya sūŋ ɓɔ.

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Yohánɛs 1 2:11

Ndí tɔ nzáá a ŋga síŋgɛ mɔɔ́nyāŋ a lɛ átē á livito, ag wɛɛhɛnɛ ki átē á livito, a ŋgá yí ɓé ápah a ŋga kɛ́, ányúū nɛ livito lá dím nyɛ miíh.