Yohánɛs 9:16 - Esaa-líat ɛ́ péná

¹⁶ Jogo lí ɓot bí Élōg-Falísái, bú ɓōtlé lí laga nɛ́: «Nyɔ́ŋ mut a ŋgá ditɛ ɓé ɔlɔ́ váhá ví évɛɛɓan, la náŋ a sē ɓé nyɔ́ a Ɔlolómɛ̄.» Ndí ɓatám bí ŋgí laga nɛ́: «Nɛ́-láá m̀ɓɔŋ-miɓé a ŋga lá li ɓɛ́la lí ŋguu li ɓɔŋ lí nyíŋ nyaa bínanaŋga bí mam é?» La ɓɔ́ bú káaɓan.

Yohánɛs 9:16 ပူးပေါင်းရင်းမြစ်များ

Matéus 12:10

Mut wa a ɓɛ́ɛ́ múŋ nyɔ́ a ɓɛ́ɛ́la elɛ́m á énam; ákaa bí ŋgí somle Yésus njɔm á li sɔ́mánɛ lí nyɛ, bú bíhī nyɛ nɛ́: «Ɓaá, ɛ́ lɛ́ kúndɛ li tɔɔyɛ lí mut mbólí á ɔ́lɔ̄ ví évɛɛɓan é?»

Matéus 12:2

Ɛnɛ́ ɓot bí Falísái ɓá ɛ́n naŋ, bú lāgá Yésus nɛ́: «Ɛ́n sig yé ɓayége ɓɔ́ɔ́ bí ŋga ɓɔ̄ŋ á m̀bya á évɛɛɓan, náŋ a lɛ écila.»

Lúkas 13:14

Ndí ŋ̀kanʼyɛ ndáá-miɓomán, ah ɛ́nɛ́ɛ ɓé náŋ m̀ɓɛɛŋ nɛ́ Yésus a mánɛ mut ɔkɔn á ɔlɔ́ ví évɛɛɓan. La nyɛ́ ɔ nyɔŋ ŋkwɛl, a byɛ́la limut nɛ́: «Alɔ́ ásáama á lɛ ányúū nsɔ́n. Múŋ á nyúŋ alɔ́ nɛ maná nyɛ́ɛ lí sɔ́ li kuh lí mítāālán, ndí á ɔ́lɔ̄ ví évɛɛɓan ví Élōg-Yúda ɓé.»

Yohánɛs 10:19

Bíŋ biɓaŋgá bú kóndyé sīg-pɛ m̀ɓáglanɛ́ á póla ɓɔɔ́n bí Élōg-Yúda.

Yohánɛs 14:11

Miní yéɓé la ma, mi lɛ átē a Etāa, Etāa ki ɔ ɓɛ́ á átē wama. Kíyáɓɛ́nɛ manáh yéɓe ɓé bíɓaŋgá byáma, yéɓyán tɔ ányúū míŋ misɔ́n mi ŋga sál.

Yohánɛs 15:24

Kí ɓɔŋ nɛ́, mih ɓɔ̄ŋ ɓé ma míŋ mísɔ̄n, mí mí lɛ́ nɛ́ mut tɔ wa áh la ɓé lí ɓɔŋ á póla yaɓá, kí ɓáh ɓɔŋ ɓé áɓē. Ndí nyí vɔ́ŋɔ́ɔ, tɔ kaa ɓá ɛ́n míŋ misɔ́n, bí ŋgí kondyégé lí síŋgɛ lí Etāa la ma.

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 3:2

Ɔ sɔ́ lí ɛ́n lí Yésus díɓe la díɓe, aá la nyɛ́: «Lábi, biíg yí nɛ́ ɔ lɛ ŋ̀yéglɛ nyɔ́ Ɔlolómɛ̄ a óm, átɔm nɛ́ mut tɔ wa a ŋgá la ɓé li ɓɔŋ lí mínɛ̄ŋ ɔ ŋgɔ ɓɔ̄ŋ kíyáɓɛ́nɛ Ɔlolómɛ̄ a sē ɓé la nyɛ́.»

Yohánɛs 5:10

Váŋ nɛ́ ɓɔ́ɔ̄n bí Élōg-Yúda ɓá lagá nyɔ́ŋ mut a tɔ́ɔ̄ mbólí nɛ: «Lɛn a lɛ ɔlɔ́ váhá ví évɛɛɓan, ɔh byɛ́ɛ́ ɓé kundɛ li ɓɛgɛ lí ébúŋga yɔ́ɔ.»

Yohánɛs 5:36

Ndí ma, mbóŋ ɛ ŋga tíéɓɛ ányúū yáma ɛg lōo nyí Yohánɛs, yɔ nɛ́ ɛ lɛ mísɔ̄n mí Etāa a tí ma nɛ́ mí ɓɔ̄ŋ. Mag ɓɔŋ mɔ́, mɔ́ nɛ́ mí ŋga tíi mbóŋ yama ɛ ŋga étɛ nɛ́ Etāa nɛ́ a óm ma.

Yohánɛs 6:52

Váŋ nɛ́ ɓɔ́ɔ̄n bí Élōg-Yúda bí ɓōtléé ŋguu míkālá ɓɔ́ la ɓɔ́, la li ɓatɓan nɛ́: «Nɛ́-láá nyɔ́ mut a lɛ́ nɛ a tí ɓɛ́hɛ nyuú yɛ́ɛ̄ kaa lidí é?»

Yohánɛs 7:12

Ɓot bí jéŋ limut bí ŋgí kála ŋgandag likɔlɓan la nyɛ́, jogo já lí ŋgí laga nɛ́: «A lɛ elɔ́ŋgɔ mut», jéŋé ki líg yó nɛ́: «Kɛ́m, ag jáŋɛ ɓot.»

Yohánɛs 7:23

Kíyáɓɛ́nɛ miníg kwɛɛ hɔ́ ɓot á ɔlɔ́ ví évɛɛɓan ví Élōg-Yúda, ndí náŋ ah sáá ɓé mbéndá nyí Móse, ányúū yéé miní ŋga álye ma, eceg mi ŋga tɔ́ɔ̄yɛ mut mbólí nɛ́ ɓam ɓam á ɔlɔ́ ví évɛɛɓan é?

Yohánɛs 7:43

La náŋ, ányúū yɛ́ɛ̄, limut lú kaaɓan.

Yohánɛs 9:24

Elōg-Falísái yú yáŋa nyɔ́ŋ mut a ɓɛ́ɛ́ ndím ŋgele ya yáhɛ́ ɛ́ɓáa, yú lagá nyɛ nɛ́: «Pɔ́t mbálɛ ɔ́sū ví Ɔ́lolómɛ̄! Ɓɛ́hɛ biíg yí nɛ́ nyɔ́ŋ mut a lɛ m̀ɓɔŋ-miɓé.»

Misɔ́n mí Ɓáōmɓɛ 14:4

Ɓot bí nyíŋ tísɔn bú káaɓan: ɓot ɓá bú ɓɛ́ á épah yé ɓɔ́ɔ̄n bí Élōg-Yúda, ɓáŋá ki á epah yé ɓáōmɓɛ.