Yohánɛs 8:54 - Esaa-líat ɛ́ péná

⁵⁴ Yésus ɔ pélē ɓɔ́ nɛ́: «Kí ɓɔŋ nɛ́ mag tíi mā-mɛ̄n lipém, kí jéŋ lipém líh byɛ́ɛ́ ɓé ádit; ndí, Etāa nɛ́ a ŋga tíi ma jéŋ lipém, nyɛ́ nɛ́ miní ŋga kātɓan nɛ́ a lɛ Ɔ́lolómɛ̄ wāná.

Yohánɛs 8:54 ပူးပေါင်းရင်းမြစ်များ

Yohánɛs 17:1

Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 5:41

Lipém lí ŋgá sɔ́léne ɓé ma la ɓot-bí-bínam.

Yohánɛs 7:18

Mut la mut a ŋga pɔ́t á jóō jɛ́ɛ́, ag somo ja lipém jɛ́ɛ́ nyɛ́-mɛ̄n. Ndí nyɔ́ a ŋga sómo lipém lí mut a óm nyɛ́ nɛ́ a lɛ mbálɛ. Yoóm mínaa tɔ yá ɛ́ sē ɓé á m̀mím wɛ́ɛ́.

Yohánɛs 7:39

A ŋgí kwɛlene M̀búl Mpúán nyɔ́ a lɛ nɛ́ ɓot ɓá yéɓe la nyɛ́ bí ŋgí kɛ lí kuh. Á mbálɛ, M̀búl Mpúán a ɓɛ́ɛ́ ŋgí lí suh ányúū nɛ Yésus a ɓɛ́ɛ́ ŋgí lí níŋgi á lípēm jɛ́ɛ́.

Yohánɛs 8:41

Ndí ɓɛ́nɛ, miníg ɓɔŋ misɔ́n mí ɛ́sɔ̄ŋɛ́ wāná.» Ɓɔ́g bú pélē nyɛ nɛ́: «Ɓɛ́hɛ ɓáh byááye ɓé ɓɛ́hɛ á ŋkaŋ á ndeŋg, bí byɛ́ɛ́ ja Etāa wa, Ɔlolómɛ̄.»

Yohánɛs 8:50

Mih byɛ́ɛ́ ɓé nɛ́ mi sómó lípēm jama mā-mɛ̄n; ndí, Mut ntám a lɛ nyɔ́ a ŋga sómo lipém jáma, ndí ag kááhɛ ki.

Misɔ́n mí Ɓáōmɓɛ 3:13

Loó lí Áblaháam, lí Ísaak la Yákob, Loó lí ɓatáŋɛ ɓáhá, a tí m̀ɓɔŋle wɛɛ́ Yésus lipém, nyɔ́ ɓɛ́nɛ maná nuŋu, munú táŋɓán ki ɔ́sū ví Piláto, nyɔ́ a nyɔŋɔ́ɔ́ bísúghɛ́nɛ́ nɛ ag mwahɛ nyɛ́.

Elōg-Kɔlínto 2 10:18

Ah mut a ŋga séme nyɛ́-mɛ̄n ɓé nɛ Nyɔ́ŋ-Ɛsáŋɛ́ a ŋga dítɛ, ndí Nyɔ́ŋ-Ɛsáŋɛ́ nɛ a ŋga dítɛ mut nyɛ́ a ŋga séme.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Pétlos 2 1:17

Átɔm nɛ́, Etāa Ɔlolómɛ̄ a tí nyɛ adit la lipém, eceg cíŋ Ɔlolómɛ̄ ɛ sɔ́léé á épapáɛ mbaga, yu lagá nɛ: «Nyɔ́ nɛ́ a lɛ édidíŋɛ yáma Mɔ́ɔ̄n, nyɛ́ nɛ́ ma dīŋ lí pɔhɔ.»