Yohánɛs 8:31 - Esaa-líat ɛ́ péná

³¹ Yésus ɔ laga hɔ́ ɓɔ́ɔ̄n bí Élōg-Yúda ɓá bí yéɓyéé la nyɛ nɛ́: «Kíyáɓɛ́nɛ maná tiŋɓé á bíɓaŋgá byáma, ɛnɛ miní lɛ́ kɔɔ ɓayége ɓáma.

Yohánɛs 8:31 ပူးပေါင်းရင်းမြစ်များ

Matéus 24:13

Ndí, nyɔ́ a ŋga kɛ́ li ɔ́hánɛ nɛ́-tɛ́ɛ la á lísūg, nyɛ́ nɛ́ a ŋga kɛ́ li suŋɓɛ.

Yohánɛs 1:47

Yésus ɔ légɓé Natánáɛl ag siŋgle nyɛ́ ɓɛɓɛ, ɔ lāgá líkɔlɓan la nyɔ́ŋ nɛ́: «Taŋ mɔɔ́n Íslāɛl nyí, nyɔ́ a sē ɓé micaŋg tɔ puh.»

Yohánɛs 2:2

Yésus la ɓayége ɓɛ́ɛ́ ki bí yáŋlɛ́ɛ átē.

Yohánɛs 6:55

átɔm nɛ́, nyuú yáma ɛ lɛ́ taŋ lidí, micii máma ki mú ɓɛ́ taŋ bínyūnyú.

Yohánɛs 8:36

La náŋ, kíyáɓɛ́nɛ Mɔɔ́n Mut nɛ́ a yáanɛ́ ɓɛ́nɛ kundɛ-ɓōt, miníg ɓɛ́ kɔɔ kundɛ-ɓōt.

Misɔ́n mí Ɓáōmɓɛ 13:43

Ɛnɛ́ ŋkɔtanɛ́ a ɓot a cáman, jogo licɛ́ŋ lí ɓɔ́ɔ̄n bí Élōg-Yúda la ɓá bí níŋgléé á éɓasɛ yáɓá, bú ōŋ Póol la Balnábas. Ɓáŋ bí ŋgí máŋlɛ ɓɔ́ la li tíi lí ɓɔ mikúndá nɛ bí tiŋɓé já la likaale lí Ɔ́lolómɛ̄.

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Misɔ́n mí Ɓáōmɓɛ 26:22

Ndí, tɛɛla nyí lɛn, ŋguu Ɔlolómɛ̄ nɛ ɛ ŋgí tátág ma, ányúū náŋ nɛ́ mi ŋgí tíág nyíŋ mbóŋ ɔ́sū ví ɓácɛ̄ŋ la ɓátɔ̄ga. Ɓapɔ́tle-bí-Ɔ́lolómɛ̄ la Móse ɓá dúgú lí laga lí yé ɛ́ ŋga kɛ́ li sɔ́, ma, mi ŋgá kondye ɓé ma jam tɔ já átē.

Elōg-Lóma 11:22

Légɓé hɔ́, Ɔlolómɛ̄ a lɛ élɔ́ŋgɔ ndí ag ɓéé ki ɔún. Ag ɓéé ɔ́ūn á ŋgwáāg ɓá ɓá ku, ɔ ɓɛ́ ki elɔ́ŋgɔ ányúū yɔ́ɔ, Ndí ɛ́g somlɛ nɛ́ ɔ kóndyé lí ɛ́gɓéne á líɓɛ́ɛg jɛ́ɛ́ lí élɔ́ŋgɔ, ah la náŋ ɓé, wág ɔg kɛ li sɛ́mɓɛ kaa míŋ ntom.

Elōg-Lóma 2:7

Ɓot bí lɛ́ kɔ́kɔ á lí ɓɔŋ lí mam á nyaa m̀ɓɛɛŋ, ag kɛ ɓɔ́ lí tíi lí éniŋ éɓem, ɓɔ́ nɛ́ bí ŋga sómo lípēm, adit la eniŋ yé ŋgíla nyɛmb.

Elōg-Kólóso 1:23

Ndí, ɛ́g somlɛ nɛ́, li kele la ŋyéɓé, miní lēt, miní byēlɓán, miní ɓɛ́la ki ŋguu taŋ, ɛ́h ɓɛ́ ɓé ɓɛ́nɛ li mwahɛ nɛ́ jam tɔ já lí ɓógtɛ́ ɓɛ́nɛ lipitá miní byɛ́ɛ̄ la Pɔ́l M̀ɓɛɛŋ nyí maná ámble, nyí joó nɛ eveglé ɛ́ lɛ́ á sí vaŋgá yá ámble, nyí Pɔ́l M̀ɓɛɛŋ ɛ lɛ nɛ́ ma Póol ma yáan m̀ɓɔŋle.

Timotéo 1 2:15

Ndí tɔ la náŋ, ag kɛ li suŋɓɛ ányúū nɛ a lɛ̄ nyáŋɛ̄ a ɓɔɔ́n, ndí, ɛ́g kɛ li ɓat nɛ́ a tíŋɓé á ŋyéɓé, a tíŋɓé á ediŋ, a tíŋɓé á eniŋ yé mipúú, bíŋ bísɛ á nyaa ɛ kɔ́ɔ̄.

Timotéo 1 4:16

Nyɔ̄ŋ éceg la wā-mɛ̄n ndí la yé ɔ ŋgɔ yéglɛ ɓot ki, tiŋɓéné múŋ. Eceg ɔ ŋgɔ ɓɔ̄ŋ náŋ, ɔg kɛ li suŋ lí wā-mɛ̄n elɔŋ la ɓot bí ŋga ámble wa.

Timotéo 2 3:14

Ndí wa, tiŋɓé m̀ɓɛɛŋ á yé wa yégé, yé ɔ yéɓyéé ákaa taŋ jam, kasig ɔ ŋgɔ yí nzáá a yéglɛ́ wa.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Elōg-Hébɛl 8:9

Ndí, ah kaa esaa-líat yé mi ɓɔŋɔ́ɔ́ la ɓasáŋɛ́ ɓáɓá ɓé, ɔlɔ́ ví mi byeléé ɓɔ́ á wɔ á lí pámɛ lí ɓɔ á ékombo yé Égípto. Kasig ɓɔ́-mɛ̄n ɓáh tɔɓene ɓé á ésaa-líat ma ɓɔ̄ŋ la ɓɔ́, ányúū náŋ nɛ́ ma cóó ɓɔ, Nyɔ́ŋ-Ɛsáŋɛ́ nɛ a pɔ́t.»

Yákop 1:25

Ndí, nyɔ́ la nyɔ́ a ŋga ɛ́gɓéne á taŋ mbéndá nyí ɛ ŋga tɛ́ɛ́yɛ kundɛ, la nyɛ́ a tíŋɓéné átē, ag kɛ li kuh lí mísɔ̄tá á mam mísɛ a ŋga kɛ́ li ɓɔŋ. A ŋgá ɓɛ́ ɓé ákaa nyɔ́ mut a ámble yɔ, la nyɛ́ ɔ vólanɛ, ndí ag ɓɛ́ ákaa nyɔ́ a ŋga ógle yɔ́.

Yohánɛs 1 2:19

Ɓá ɓógyéné á yóg yáhá, ndí bíh mɓɛ́ ɓé ɛ́ɓáhá, kí ɓɔŋ nɛ́ bí ɓɛ́ ɛɓáhá, kí ɓá tɔ́ɔ̄ elɔŋ la ɓɛ́hɛ. Ndí, ɛ́ ŋga sōmlɛ nɛ́ ɓot bí ɛ́n nɛ́, nyí vɔ́ŋɔ́ɔ tɔ ɓá ɓɛ́ láá ɔ́bul, ɓɔ́ bísɛ bíh sē ɓé ɛ́ɓáhá.

Yohánɛs 1 2:24

Ndí ɓɛ́nɛ, naŋʼyán pɔ́l maná ámblé li ɓōtlé á míɓotlé. Kíyáɓɛ́nɛ pɔ́l maná ámblé li ɓotle á míɓotlé ya ɓɛ́ átē wāná, ɓɛ́nɛ ki miníg kɛ li ɓɛ́ átē á Mɔ́ɔ̄n la Ɛsáŋɛ́.

Yohánɛs 2 1:9

Tɔ nzáá a ŋgá tɔɓene ɓé á bíyéglɛ́nɛ́ bí Nyɔ́-a-Pɔ́hlɛ ndí á kóndyé jam litám átē a sē ɓé la Ɔlolómɛ̄. Ndí nyɔ́ la nyɔ́ a ŋga tɔ́ɓene á bíyéglɛ́nɛ́ a lɛ lā Etāa elɔŋ la Mɔɔ́n.