Yohánɛs 8:28 - Esaa-líat ɛ́ péná

²⁸ Yésus ɔ lága hɔ́ ɓɔ́ nɛ́: «Eceg miní ŋga kɛ́ li ɓétɛ lí Mɔɔ́n Mut á lóō, váŋ miníg kɛ li yí nɛ́ má Mi Lɛ, la ki nɛ́ mi ŋgá ɓɔŋ ɓé ma jam tɔ já la mā-mɛ̄n; mag laga ja yé Etāa a yéglɛ́ ma.

Yohánɛs 8:28 ပူးပေါင်းရင်းမြစ်များ

Matéus 24:5

átɔm nɛ́, ɓot ŋgandag bíg kɛ li sɔ́ á jóō jáma; bí ɓɛ́ bíg laga nɛ́: ‹Ma nɛ́ mi lɛ Nyɔ́-a-Pɔ́hlɛ›. Bíg kɛ li jáŋɛ lí ɓot ŋgandag.

Málkus 13:6

Átɔm nɛ́, ɓot ŋgandag bíg kɛ li sɔ́ la joó jáma; bí ɓɛ́ bíg laga nɛ́: ‹Ma nɛ́ mi lɛ Nyɔ́-a-Pɔ́hlɛ.› Bíg kɛ li léé lí ɓot ŋgandag á nzen eɓé.

Lúkas 21:8

Yésus ɔ yó ɓɔ nɛ́: «Nyɔŋán lítāt, miníh mwahkɛ́gɛ́ ɓé nɛ bí yɛ́ɛ́ ɓɛ́nɛ. Átɔm nɛ́ ɓot ŋgandag bíg kɛ li sɔ́ á jóō jáma; bí ɓɛ́ bíg laga nɛ́: Ma nɛ́ mi lɛ nyɔ́ miní ŋga láaŋke; eceg yá kɔlan! Miníh oŋóg ɓé ɓɔ.

Yohánɛs 11:42

Mag yí la mbálɛ nɛ́ ɔg ámble ma eceg sig. Ndí, ányúū jé limut la díí ma, mag pɔ́t nɛ́ ndí bí yéɓé nɛ́ wa nɛ́ wa óm ma.»

Yohánɛs 13:19

Nyí vɔ́ŋɔ́ɔ, mag laga ɓɛ́nɛ míŋ mam sɔ́kágánɛ́ míg ɓɔŋɓɛ, á lí somo nɛ́ eceg náŋ a ŋga kɛ́ li ɓɔŋɓɛ, miní yéɓé nɛ́ Mi Lɛ.

Yohánɛs 16:10

Likɔlɓan la etɛ́l-sim, ag kɛ́ li étɛ nɛ́ ɓá yɔ́p ányúū nɛ mag kɛ á yóg Etāa, miní ŋga kɛ ɓé pɛ ma lí ɛ́n.

Yohánɛs 18:32

Váŋ nɛ́ éɓaŋgá yé Yésus a éthɛ́nɛ́ patí nyɛmb a ŋgí nyɛɛ li wú yá yál.

Yohánɛs 19:18

Váŋ á nyɔ́ŋ voóm nɛ́ bí tōmléé nyɛ́ á mbásá elɔŋ la ɓot bíɓáa ɓatám; wa á yé epah, nyɔ́ŋɔ́ ki á yéŋé, Yésus ɔ ɓɛ́ á m̀mím.

Yohánɛs 3:11

La mbálɛ-mbálɛ, mag laga wa nɛ́, biíg pɔ́t mam bi ŋga yí, bi lɛ mbóŋ yé ɓaá ɛ́n, ndí tɔ la náŋ, miní ŋgá yéɓe ɓé mbóŋ yāhá.

Yohánɛs 3:14

Nlemlem kaa Móse a pānɛ́ nyɔ á lóō lí njéŋ á éyāŋ, náŋ ki nɛ́ Mɔɔ́n Mut a nyɛ́ɛ lí panɓɛ,

Yohánɛs 4:26

Yésus ɔ lága nyɛ nɛ́: «Mā mut mi lɛ̄ wā lí pɔ́tɛ nɛ́ mi lɛ Nyɔ́-a-Pɔ́hlɛ.»

Yohánɛs 5:19

Yésus ɔ nyɔ̄ŋ sīg-pɛ mpɔ́t aá la ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, Mɔɔ́n a ŋgá la ɓé li ɓɔŋ lí jam tɔ já la nyɛ́-mɛ̄n, ndí ag ɓɔŋ ja yé a ɛ́n Ɛsáŋɛ́ ag ɓɔŋ; átɔm nɛ́ yé Ɛsáŋɛ́ a ŋga ɓɔ̄ŋ, Mɔɔ́n nyɛ́g ag ɓɔŋ yɔ́ nlemlem.

Yohánɛs 5:30

Ma, mí ŋgá la ɓé ma lí ɓɔŋ lí jam tɔ já la mā-mɛ̄n. Mag kááhɛ li oŋle la yé mi ŋga ámble. Mbag-ŋkál yáma mi ŋga tíi ɛ tɛ́ɛ ányúū nɛ mi ŋgá somo ɓé ma li ɓɔŋ lí nsom wáma mā-mɛ̄n, ndí mag ɓɔŋ ja nsom á nyɔ́ a óm ma.»

Yohánɛs 6:38

Átɔm nɛ́ ma sɔ́léné á lóō á lí ɓɔŋ lí nsom á mut a óm ma, ndí ah nsom wáma ɓé.

Yohánɛs 8:24

Jɔ́ hɔ́ nɛ́ ma lága ɓɛ́nɛ nɛ́, miníg kɛ li wú átē a miɓé máná. La mbálɛ, kíyáɓɛ́nɛ manáh yéɓe ɓé nɛ má Mi Lɛ, miníg kɛ li wú átē a miɓé máná.»

Yohánɛs 8:27

Ndí ɓɔ́ bíh sɔ́ŋtánɛɛ ɓé nɛ a ŋgí kwɛlɛ ɓɔ́ líkɔlɓan la Ɛsáŋɛ́.

Yohánɛs 8:58

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, sɔ́kágánɛ́ Áblaháam ag ɓɛ́, kí má Mí Lɛ.»

Misɔ́n mí Ɓáōmɓɛ 2:41

Ɓáŋ bísɛ bí yéɓyéé yéŋ eɓaŋgá yɛ́ɛ́ bú kūh nzóɓan. Víŋ ɔlɔ́, jam-kaa akóó á ɓot áŋháa wú byáŋ élɔŋ la ɓɔ́.

Misɔ́n mí Ɓáōmɓɛ 4:4

Á átē a ɓa-ámble nyíŋ Pɔ́l, ŋgandag yú yáan ɓáyēɓe Ɔlolómɛ̄, bí ɓɛ́ɛ́ jam-kaa akóó á ɓot átáan.

Elōg-Lóma 1:4

li loole la M̀búl Mpúán, Ɔ́lolómɛ̄ ɔ tɛ́ɛ́yɛ́ nyɛ́ Mɔ́ɔ̄n wɛ́ɛ̄, ɔ tí nyɛ ŋguu, eceg a pāhyɛ́ nyɛ̄ á póla ɓá ɓá wū. Nyɛ́ nɛ́ a lɛ Yésus Kilístus Ɛtáŋɛ wahá.