Yohánɛs 7:6 - Esaa-líat ɛ́ péná

⁶ Yésus ɔ lága hɔ́ ɓɔ́ nɛ́: «Eceg yáma ɛ́h kɔlkágán ɓé, ányúū yāná biceg bísɛ bí lɛ́ m̀ɓɛɛŋ.

Yohánɛs 7:6 ပူးပေါင်းရင်းမြစ်များ

Matéus 26:18

Yésus ɔ pélē ɓɔ́ nɛ́: «Kɛnán á tísɔn, á yóg sémɛ, laglán nyɛ́ nɛ́: ‹Ŋ̀yéglɛ ag laga nɛ́, eceg yáma yá siŋgle, á mbóg yɔ́ɔ nɛ́ mi ŋga lóɛ Páska la ɓaómɓɛ ɓáma›.»

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 17:1

Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Yohánɛs 2:4

Ndí Yésus ɔ pélē nyɛ nɛ́: «Á míndīgá, yéé ɔ ŋgɔ sōmle ma é? Ŋgɛ́ŋ yáma ɛ lɛ́ ŋgí lí kɔlan.»

Yohánɛs 7:30

Váŋ hɔ́ nɛ ɓá somó nyɛ lí byee, ndí mut tɔ wa ah siiɓan ɓé nyɛ átɔm nɛ́ ŋgɛ́ŋ yɛ́ɛ̄ ɛ ɓɛ́ɛ́ ŋgí lí kɔlan.

Yohánɛs 7:8

Kɛnkágán hɔ́ á nyíŋ ŋgand, ma, mi ŋgá kɛ ɓé ma wóŋ átɔm nɛ́ eceg yáma ɛ́h kɔlkágán ɓé.»

Yohánɛs 8:20

Yésus a pɔ́tɔ́ɔ́ bíŋ biɓaŋgá, eceg a ŋgí yéglɛ á ndáá-ēcɛ́ŋ-Ɔlolómɛ̄, á voóm bí ŋga nāŋʼye joó nɛ mikaale. Mut tɔ wa ah byeléé ɓé nyɛ ányúū nɛ ŋgɛ́ŋ yɛ́ɛ̄ ɛ ɓɛ́ɛ́ ŋgí lí kɔlan.

Misɔ́n mí Ɓáōmɓɛ 1:7

Yésus ɔ pélē ɓɔ nɛ́: «Miníh byɛ́ɛ́ ɓé nɛ miní yí eceg tɔ ŋgɛ́ŋ Etāa a tɛ́ɛ́yɛ́ la ŋguu yɛ́ɛ̄ nyɛ́-mɛ̄n.