Yohánɛs 7:4 - Esaa-líat ɛ́ péná

⁴ Mut a ŋgá ɓɔŋ ɓé mam á lísɔl eceg a byɛ́ɛ́ kóó li yílɛ. Kasig ɔ ŋgɔ ɓɔ̄ŋ yíŋ nyaa mísɔ̄n, ɓɔ̄ŋ nɛ́ ɓot bí ŋkɔŋ-á-sí bí ɛ́n wa!»

Yohánɛs 7:4 ပူးပေါင်းရင်းမြစ်များ

Matéus 23:5

Bíg ɓɔŋ mam mísɛ nɛ́ ɓot bí ɛ́n ɓɔ́. Bíg ééɓɛ micila mí bíɓaŋgá bípúán bí ŋga átyɛ á mbɔm tɔ li tiŋ lí byɔ á énam, bíg laaɓɛ ki mikɔɔ mí mbɔ́tí yáɓá.

Matéus 4:6

ɔ yó nyɛ nɛ́: «Kíyáɓɛ́nɛ ɔ lɛ̄ Mɔ́ɔ̄n Ɔ́lolómɛ̄, sumblé á sí, átɔm nɛ́ yá ciiɓɛ́ nɛ: Ɔlolómɛ̄ ag kɛ li kanʼyɛ lí áŋgɛl yɛ́ɛ́ ányúū yɔ́ɔ, ɛ́g kɛ wa lí ɓɛgɛ á mɔ máɓá á li ɓɔŋ nɛ́ akoo wɔ́ɔ áh ɓomtágán ɓé ŋgɔg.»

Matéus 6:16

«Eceg miní lɛ́ á etɔɔ-nzal, miníh kágág ɓé mísū, kaa ɓot bí ɔ́taɓa bí ŋga ɓɔ̄ŋ. Bíg yaanɛ misú máɓá nyaa etám á lí étɛ lí ɓot bísɛ nɛ́ bí lɛ́ á étɔɔ-nzal. La mbálɛ, mag laga ɓɛ́nɛ nɛ́, ɓá kūh nsála wáɓá.

Matéus 6:5

«Eceg miní ŋga kánɛ, miníh ɓɛ́ɛ́g ɓé kaa ɓot bí ɔ́taɓa, ɓá bí ŋga dīŋ li kánɛ lí bítɛ̄tɛ́lí á ndáá-míɓomán la á míkāndán mí nzen, á lí somo nɛ́ ɓot bísɛ bí ɛ́n ɓɔ́. La mbálɛ, mag laga ɓɛ́nɛ nɛ́, ɓá man lí kuh lí nsála wáɓá.

Lúkas 6:45

M̀ɓɛɛŋ elɔ́ŋgɔ mut á ŋga ɓɔ̄ŋ ág sɔ́léne nyɛ́ á m̀mím; aɓé eɓéɓéyɛ mut ki á ŋga ɓɔ̄ŋ wɔ́g ág sɔ́léne nyɛ́ á m̀mím; jɔ́ nɛ́ anyu ág pɔ́t ja yé ɛ́sɛ yá byog á m̀mím.

Yohánɛs 18:20

Yésus ɔ pélē nyɛ nɛ́: «Ma pɔ́t mam mísɛ á ntélélé, eceg sig mí ŋgí yéglɛ á ndáá-míɓomán la á ndáá-ēcɛ́ŋ-Ɔlolómɛ̄ ápah ɓɔɔ́n bí Élōg-Yúda bísɛ bí ŋgí kɔtan; máh laga ɓé ma jam tɔ já á lísɔl.

Yohánɛs 7:3

elōgnyāŋ yú lagá nyɛ nɛ́: «Kɛnɛ́g á Yúdēa á lí ɓɔŋ nɛ́ ɓayége ɓɔ́ɔ́, ɓɔ́g bí lā li ɛ́n misɔ́n ɔ ŋgɔ sál.

Yohánɛs 7:5

Á mbálɛ, elōgnyāŋ yɔ́-mɛ̄n ɛ́ ŋgí yéɓe ɓé la nyɛ́.