Yohánɛs 7:39 - Esaa-líat ɛ́ péná

³⁹ A ŋgí kwɛlene M̀búl Mpúán nyɔ́ a lɛ nɛ́ ɓot ɓá yéɓe la nyɛ́ bí ŋgí kɛ lí kuh. Á mbálɛ, M̀búl Mpúán a ɓɛ́ɛ́ ŋgí lí suh ányúū nɛ Yésus a ɓɛ́ɛ́ ŋgí lí níŋgi á lípēm jɛ́ɛ́.

Yohánɛs 7:39 ပူးပေါင်းရင်းမြစ်များ

Matéus 16:14

Bú pélē nyɛ nɛ́: «Ɓá bíg laga nɛ́, ɔ lɛ Yohánɛs Ǹtíi-nzoɓan, ɓáŋá ɓɔ́ɔ́ Elías, ányúū ɓáŋá ɓatám ɔ lɛ Yelémia tɔ nɛ́ m̀pɔ́tle-a-Ɔlolómɛ̄ ntám wa.»

Matéus 21:11

Limut lú pélē nɛ: «Yésus, m̀pɔ́tle-a-Ɔlolómɛ̄ nyɔ́ŋ, mbyááhɛ nyí tísɔn Názalɛt á Galiléa.»

Lúkas 24:49

Mág, mag kɛ ɓɛ́nɛ li ómle lí yé Etāa a kákanɛ. Ndí ɓɛ́nɛ, tɔɓán mú á tísɔn nɛ́-tɛ́ɛ maná kuh ŋguu nyí ɛ ŋga sɔ́le ɓɛ́nɛ á lóō.»

Lúkas 3:16

Ndí nyɛ́ ɔ pélē ɓɔ́ nɛ́: «Ma, mag tíi ɓɛ́nɛ nzoɓan nyí mindím, ndí nyɔ́ a ŋga sɔ́ ámbúh yáma ag loo ma ŋguu. Mih kɔ́ɔ́ ɓé ma li kúhu lí míkɔɔ mí bítāmbí byɛ́ɛ́. Nyɛ́ ág kɛ ɓɛ́nɛ li tíi lí nzóɓan nyí nzáan la M̀búl Mpúán.

Lúkas 7:16

Ɓot bísɛ bí ɓɛ́ɛ́ váŋ bú kɔn woŋ, bú ɓōtlé lí ɓégɛ lí Ɔlolómɛ̄ la li laga nɛ́: «m̀pɔ́tle-a-Ɔlolómɛ̄ ǹcɛ́ŋ wa a pámlé á yóg yāhá, Ɔlolómɛ̄ ki a lɛ́ŋlé lílōm jɛ́ɛ́.»

Yohánɛs 1:21

La ɓɔ́ bú ɓāt sīg-pɛ nyɛ nɛ́: «Ɓaá, ɔ lɛ nzáá é? Wa nɛ́ ɔ lɛ Élías m̀pɔ́tle-a-Ɔlolómɛ̄ é?» Ɔ tímānɛ̄ pɛ ɓɔ́ nɛ́: «Mi sē ɓé ma nyɛ́.» Bú ɓat sīg-pɛ nyɛ́ nɛ́: «Ɔ lɛ nyɔ́ŋ m̀pɔ́tle-a-Ɔlolómɛ̄ bi ŋga láaŋke é?» Ɔ pélē sīg-pɛ ɓɔ́ nɛ́: «Kɛ́m.»

Yohánɛs 1:25

bú kōndyé nyɛ́ li bihi nɛ́: «Kíyáɓɛ́nɛ ɔ sē ɓé Nyɔ́-a-Pɔ́hlɛ, tɔ Elías, tɔ nyɔ́ m̀pɔ́tle-a-Ɔlolómɛ̄ bi ŋga láaŋke, ányúū yéé hɔ́ ɔ ŋgɔ tíi ɓot nzoɓan é?»

Yohánɛs 1:33

Mi ŋgí yí ɓé ma nyɛ́, ndí Ɔlolómɛ̄ nyɔ́ a óm ma á lí tíi lí nzoɓan nyí mindím nɛ a lága ma nɛ́: ‹Nyɔ́ ɔ ŋgɔ kɛ́ li ɛ́n lí M̀búl Mpúán ag suh, a ɓɛ̄tɓé nyɛ á nyúū, nyɛ́ nɛ́ a ŋga tíi nzoɓan nyí M̀búl Mpúán.›

Yohánɛs 12:16

Ɓayége ɓɛ́ɛ́ ɓáh dúgu ɓé lí sɔ́ŋtánɛ lí yé ɛ́ ŋgí loo, ndí ɛnɛ́ ɓá ɛ́n Yésus eceg a níŋgléé á lípēm jɛ́ɛ́, váŋ nɛ́ ɓá ɔ́ŋɔ nɛ́ náŋ a ciiɓɛ́ɛ likɔlɓan la nyɛ́, la ki nɛ́ yé ɛ́sɛ Licii-Lipúán lá pɔ́t yɔ́ nɛ́ ɛ́ lɛ́ lí yál ányúū yɛ́ɛ̄.

Yohánɛs 12:23

Yésus ɔ pélē ɓɔ nɛ́: «Ŋgɛ́ŋ ya kɔlan nyí Mɔɔ́n Mut a nyɛ́ɛ li kuh lí lípēm.

Yohánɛs 14:13

Yé ɛ́sɛ miní ŋga kɛ́ li ɓat á jóō jáma, mag kɛ yɔ́ lí ɓɔŋ, la náŋ, mā Mɔɔ́n mag yáhɛ lipém lí Etāa.

Yohánɛs 14:26

M̀mɔ́mɛ, M̀búl Mpúán nyɔ́ Etāa a ŋga kɛ́ li óm á jóō jáma, ag kɛ ɓɛ́nɛ li yéglɛ lí míŋ mam mísɛ, la li ɔ́ŋlánɛ lí ɓɛ́nɛ yé ɛ́sɛ ma lága ɓɛ́nɛ.

Yohánɛs 16:14

Ag kɛ ma lí tíi lí lipém ányúū nɛ́ ag kɛ li kuhlene á yé ɛ lɛ́ ɛ́yáma, la nyɛ́ a yíhɛ́ ɓɛ́nɛ yɔ́.

Yohánɛs 16:7

Ákaa ɛ́sɛ ma lagá ɓɛ́nɛ mbálɛ. Mikɛ máma mí lɛ́ ányúū nsɛ́ŋ wáná, ányúū nɛ́, kí máh kɛ́ ɓé ma, M̀mɔ́mɛ a ŋgá kɛ́ ɓé li sɔ́ ápah miní lɛ. Ndí kíyáɓɛ́nɛ ma kɛ̄, mag kɛ ɓɛ́nɛ nyɛ́ lí ómle.

Yohánɛs 17:1

Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 20:22

Ɛnɛ́ a pɔ́tɔ́ɔ́ náŋ, ɔ vúŋglé ɓɔ m̀búl, a byɛ́la ɓɔ́ nɛ́: «Lɛ́glán M̀búl Mpúán.

Yohánɛs 6:14

Ɛnɛ́ ɓot ɓa ɛ́n énanaŋga ɛ́ jam yá loo, bú laga nɛ́: «Nyɔ́ mut a lɛ tihtih m̀pɔ́tle-a-Ɔlolómɛ̄ nyɔ́ a ŋga nyɛ́ɛ li sɔ́ á ŋkɔŋ-á-sí»

Yohánɛs 7:12

Ɓot bí jéŋ limut bí ŋgí kála ŋgandag likɔlɓan la nyɛ́, jogo já lí ŋgí laga nɛ́: «A lɛ elɔ́ŋgɔ mut», jéŋé ki líg yó nɛ́: «Kɛ́m, ag jáŋɛ ɓot.»

Yohánɛs 8:54

Yésus ɔ pélē ɓɔ́ nɛ́: «Kí ɓɔŋ nɛ́ mag tíi mā-mɛ̄n lipém, kí jéŋ lipém líh byɛ́ɛ́ ɓé ádit; ndí, Etāa nɛ́ a ŋga tíi ma jéŋ lipém, nyɛ́ nɛ́ miní ŋga kātɓan nɛ́ a lɛ Ɔ́lolómɛ̄ wāná.

Misɔ́n mí Ɓáōmɓɛ 19:2

ɔ bíhī ɓɔ nɛ́: «Eceg maná yaán ɓáyēɓe, ɓaá, M̀búl Mpúán a sūhlé ɓɛ́nɛ é?» Bú pélē nyɛ nɛ́: «Bi ɓáág tɔ ŋgi lí ámble bíg pɔ́t likɔlɓan la M̀búl Mpúán!»

Misɔ́n mí Ɓáōmɓɛ 2:17

Jɔ́ nɛ́, Ɔlolómɛ̄ ag laga nɛ́, á álɔ̄ wá tiile, ‹Mag kɛ li kúúle lí ɓot bísɛ M̀búl wáma; ɓɔɔ́n ɓáná bí páam la ɓá bí ŋgɔn bíg kɛ li ɓɛ́ lí ɓapɔ́tle-bí-Ɔ́lolómɛ̄, Awándá wáná ág kɛ li ɓɛ́la lí ŋ̀ɛ́nānɛ́, mimáŋ-mí-ɓot máná ki, mag kɛ mɔ́ li pɔ́tɛ á bílɛɛ́lɛm.

Misɔ́n mí Ɓáōmɓɛ 2:33

Ɔlolómɛ̄ ɔ ɓétɛ nyɛ á m̀ɓɛ́nlómɛ wɛɛ́, Ɛsáŋɛ́ ɔ tí nyɛ M̀búl Mpúán a kakáánɛ, nyɛ́g ɔ kúúlé ɓɛ́hɛ wɔ́, kaa miní lɛ́ lí ɛ́n la li ámble.

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 2:4

Ɓɔ́ bísɛ, ŋyálāg la M̀búl Mpúán, bú ɓōtlé lí pɔ́t lí mípɔ̄t mitám ákaa M̀búl a ŋgí yígle mut sig nɛ́ a pɔ̄t.

Misɔ́n mí Ɓáōmɓɛ 3:13

Loó lí Áblaháam, lí Ísaak la Yákob, Loó lí ɓatáŋɛ ɓáhá, a tí m̀ɓɔŋle wɛɛ́ Yésus lipém, nyɔ́ ɓɛ́nɛ maná nuŋu, munú táŋɓán ki ɔ́sū ví Piláto, nyɔ́ a nyɔŋɔ́ɔ́ bísúghɛ́nɛ́ nɛ ag mwahɛ nyɛ́.

Misɔ́n mí Ɓáōmɓɛ 4:31

Ɛnɛ́ ɓá manɛ́ míkánɛ, ndáá nyí bí ɓɛ́ɛ́ bí kɔtánɛ yu póghan. Ɓɔ́ bísɛ bú yál la M̀búl Mpúán, bú ɓōtlé lí lɛgɛ lí Eɓaŋgá Ɔ́lolómɛ̄ ɛ́h ɓɛ́ ɓé woŋ tɔ wá.

Elōg-Lóma 8:9

Ndí ɓɛ́nɛ, miní sē ɓé á sí likanʼyɛ lí míson, miní lɛ́ á sí likanʼyɛ lí M̀búl Mpúán, kasig M̀búl á Ɔ́lolómɛ̄ á lɛ́ átē wāná. Nyɔ́ la nyɔ́ ah byɛ́ɛ́ ɓé M̀búl á Nyɔ́-a-Pɔ́hlɛ, a sē ɓé mut a Nyɔ́-a-Pɔ́hlɛ.

Elōg-Kɔlínto 2 3:8

ɛbuu-la-ŋgele yáŋvéé la nsɔ́n nyú á M̀búl Mpúán á ŋga ɓɛ́la lípēm é?

Elōg-Éféso 4:30

Miníh ályɛ́gɛ́ ɓé M̀búl Mpúán, nyɔ́ Ɔlolómɛ̄ a átyɛ́ ɓɛ́nɛ ákaa eɓátan-ɛ́-ndembye ányúū ɔlɔ́ ví bií ŋga kɛ́ li kɔplɛ á áɓē.