Yohánɛs 7:33 - Esaa-líat ɛ́ péná

³³ Yésus ɔ laga nɛ́: «Mi ŋgí lɛ lá ɓɛ́nɛ ányúū puh eceg, ámbúh náŋ, mag timan á mbóg mut a óm ma.

Yohánɛs 7:33 ပူးပေါင်းရင်းမြစ်များ

Málkus 16:19

Ɛnɛ́ Nyɔ́ŋ-Ɛsáŋɛ́ Yésus a mánɛ ɓɔ́ li kwɛlɛ, ɔ nyɔ̄ŋɓɛ́ á lóō, ɔ tɔ́ɔ̄ á m̀ɓɛ́nlómɛ á Ɔlolómɛ̄.

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 13:33

Á ɓɔ́ɔ̄n ɓáma, mi ŋgí tɔ́ɔ̄ jā la ɓɛ́nɛ ányúū puh eceg. Miníg kɛ ma lí somo, ndí kaa ma lága ɓɔ́ɔ̄n bí Élōg-Yúda, ápah mi ŋga kɛ̄, miní ŋgá la ɓé lí pám wóŋ; ɓɛ́nɛ ki mag laga ɓɛ́nɛ nlemlem á jam vɔ́ŋɔ́ɔ.

Yohánɛs 14:12

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓe la ma, ag kɛ li sál lí misɔ́n mi ŋga sál; mí loo ki ɛmáma, átɔm nɛ́ mag kɛ á yóg Etāa.

Yohánɛs 14:19

Ɛ ŋgí tɔ́ɔ mā puh eceg, ámbúh yɔ, ɓot bí ŋkɔŋ-á-sí bí ŋgá ɛ́n ɓé pɛ ma; ndí ɓɛ́nɛ, miníg kɛ ma lí ɛ́n mi lɛ á éniŋ, ɓɛ́nɛ-mɛ̄n ki miníg kɛ li niŋ.

Yohánɛs 14:28

Mag ɔ́ŋɔ nɛ́ maná ámblé kaa ma lágá ɓɛ́nɛ nɛ́: ‹Mag kɛ, ndí mag timan li sɔ́, mi tɔ́ɔ̄ la ɓɛ́nɛ›. Kí ɓɔŋ nɛ́ miní dīŋ ma, kí miníg kɛ li sophɛ la mívag nɛ́ mi lɛ lí tímān á yóg Etāa, átɔm nɛ́ Etāa ag loo ma.

Yohánɛs 16:10

Likɔlɓan la etɛ́l-sim, ag kɛ́ li étɛ nɛ́ ɓá yɔ́p ányúū nɛ mag kɛ á yóg Etāa, miní ŋga kɛ ɓé pɛ ma lí ɛ́n.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 16:5

Ndí nyí vɔ́ŋɔ́ɔ, mag kɛ á yóg mut a óm ma, ndí tɔ mut á elɔŋ yáná ah ɓāt ɓé ma nɛ́: ‹Ɔg kɛ véé é?›

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:13

Etāa, nyí vɔ́ŋɔ́ɔ, mag timan á yóg yɔ́ɔ. Ma pɔ́t bíŋ biɓaŋgá ányúū ɓayége ɓáma bí lɛ́ á ŋkɔŋ-á-sí á lí ɓɔŋ nɛ́ ɓɔ́g bí ɓɛ́la mivag máma, mí ɓɛ́ micɛ́ŋɛ́ tɔláá.

Yohánɛs 20:17

Yésus ɔ lága nyɛ nɛ́: «Ɔh siiɓágán ɓé ma! Átɔm nɛ́, mih mɓétég ɓé ma a yóg Etāa. Ndí wa, kɛɛ́n kɔ́p élōgyāŋ, ɔ lāgá yɔ́ nɛ́, ma kɛ́ á yóg Etāa nyɔ́ a lɛ ki Ɛsɔ́ŋɛ́ wāná; á yóg Loó jáma, jé lí lɛ́ ki Loo jáná.»

Yohánɛs 9:4

Kí nzámuh ɛ ŋgí lɛ, ɓaá nyɛ́ɛ lí ɓɔŋ lí mísɔ̄n mí mut a óm ma, kí díɓe lá kū, mut a ŋgá la ɓé pɛ li sál.