Yohánɛs 6:7 - Esaa-líat ɛ́ péná

⁷ Filípo ɔ pélē nyɛ nɛ́: «Tɔ lidí lí bíɓógo bí kápa bíɓáa lí sē ɓé nɛ lá kɔlán nɛ̄ mut sig a kūh yoóm lí dī.»

Yohánɛs 6:7 ပူးပေါင်းရင်းမြစ်များ

Matéus 18:28

Ɛnɛ́ nyɔ́ŋ m̀ɓɔŋle a ɓógó á mbóg káísa, la nyɛ́ ɔ ɓómán la liwándá jɛ́ɛ́ lí nsɔ́n já, jé a ŋgí ɓāt eɓógo bípah bí kápa, ɔ kég nyɔ̄ŋ yag, ɓɛɓɛ la lí sɛ́m lí nyɛ mvɛɛɓan; ɔ yó nyɛ nɛ́: ‹Sálá ma epíl mi ŋga ɓāt wa.›

Málkus 6:37

Ndí Yésus ɔ pélē ɓɔ nɛ́: «Ɓɛ́nɛ-mɛ̄n tíán ɓɔ́ lídī.» La ɓɔ́ bú lāgá nyɛ nɛ́: «Ɔg somo nɛ́ bi nyɔ́ŋlé bíɓógo bí kápa bíɓáa véé á lí sóm lí lídī bi ŋga káale ɓɔ́ é?»

Yohánɛs 1:43

Ɛnɛ́ kítí ya yɛ́, Yésus ɔ nyɔ̄ŋ bísúghɛ́nɛ́ li kɛ á Galiléa. Ɔ kɔ́p Filípo, a byɛ́la nyɛ́ nɛ́: «Ōŋ ma.»

Yohánɛs 1:44

Filípo a ɓɛ́ɛ́ mɔɔ́n ŋkɔŋ á Betsaída tísɔn nyí Andeléas la Pétlos.

Yohánɛs 1:45

Filípo ɔ kɛ́ li kɔ́p lí Natánáɛl ɔ lága nyɛ nɛ́: «Ɓaá ɛ́n mut Móse a ŋga pɔ́tle á kálati yɛ́ɛ̄ Mbéndá, nyɔ́ kálati yí ɓapɔ́tle-bí-Ɔ́lolómɛ̄ ɛ́ ŋga kwɛ́lene. Nyɔ́ŋ mut nɛ́ a lɛ Yésus nyɔ́ a Názalɛt mɔɔ́n Yósɛp.»

Yohánɛs 1:46

Váŋ nɛ́ Natánáɛl a ɓāt Filípo nɛ́: «Ɓaá, taŋ jam ɛg la li pámléné á Názalɛt é?» Filípo ɔ pélē nyɛ nɛ́: «Sɔ́, ɔ ɛ̄n.»

Yohánɛs 1:48

Natánáɛl ɔ ɓāt nyɛ́ nɛ́: «Á véé ɔ ŋgɔ yíléne ma é?» Yésus ɔ pélē nyɛ nɛ́: «Sɔ́kágánɛ́ Filípo a ŋgí yáŋá wa, kí mu ɛ́n wa ɔ tɛ́ɛ́ á tín fígiya.»

Yohánɛs 12:5

«Ányúū yéé ɓaá nuŋú ɓé jé libíndɛ biɓógo bí kápa bíŋháa, ɓa tí byɔ ɓáyɛ̄ɛ̄yɛ́ɛ é?»