Yohánɛs 6:57 - Esaa-líat ɛ́ péná

⁵⁷ Nlemlem kaa Etāa a óm ma a lɛ á éniŋ, ndí mág mú ɓɛ́ á éniŋ li kele la nyɛ́, jɔ nɛ́ tɔ nzáá a ŋga dí nyuú yáma ag kɛ li niŋ li kele la ma.

Yohánɛs 6:57 ပူးပေါင်းရင်းမြစ်များ

Matéus 16:16

Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Yohánɛs 14:19

Ɛ ŋgí tɔ́ɔ mā puh eceg, ámbúh yɔ, ɓot bí ŋkɔŋ-á-sí bí ŋgá ɛ́n ɓé pɛ ma; ndí ɓɛ́nɛ, miníg kɛ ma lí ɛ́n mi lɛ á éniŋ, ɓɛ́nɛ-mɛ̄n ki miníg kɛ li niŋ.

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 17:21

nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Yohánɛs 3:17

La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 5:26

Kasig Etāa a byɛ́ɛ̄ éniŋ la nyɛ́-mɛ̄n, náŋ ki nɛ́ a tí Mɔɔ́n lí ɓɛ́la lí éniŋ la nyɛ́-mɛ̄n.

Yohánɛs 6:29

Yésus ɔ pélē ɓɔ́ nɛ́: «Nsɔ́n á Ɔlolómɛ̄ a lɛ́ nɛ́ miní yéɓé la mut a óm.»

Yohánɛs 6:38

Átɔm nɛ́ ma sɔ́léné á lóō á lí ɓɔŋ lí nsom á mut a óm ma, ndí ah nsom wáma ɓé.

Elōg-Kɔlínto 1 15:22

Ákaa ɓot bísɛ bí ŋga wú ányúū nɛ bí lɛ́ mbóta nyí Ádam, ɓot bísɛ ki ɓá tiŋɓé la Nyɔ́-a-Pɔ́hlɛ ɓɔ́g bíg kɛ li kuh lí éniŋ,

Elōg-Kɔlínto 1 15:45

Ányúū náŋ nɛ́ Lícii-Lipúán lí ŋga lága nɛ́: «Ádam, mut ɔsú a ɓɛ́ɛ́ éveglé yé míson la biveh yé yá kūh éniŋ.» Ádam nyɔ́ a tíile a lɛ M̀búl nyɔ́ a ŋga tíi eniŋ.

Elōg-Kɔlínto 2 13:4

La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Tésaloníka 1 1:9

La mbálɛ, ɓot bísɛ bíg máŋa láá maná lɛ́glé ɓɛ́hɛ eceg bi ɓɛ́ɛ́ á yóg yāná, la ákaa maná cóó bísāt byáná, á lí yaan lí ɓáɓɔŋle Ɔlolómɛ̄, Loó lí éniŋ la jé lí mbálɛ,

Elōg-Hébɛl 9:14

Kíyáɓɛ́nɛ náŋ a ɓɛ́ɛ́ mbálɛ, ɛbuu-la-ŋgele yáŋvéé hɔ́ la micii mí Yésus Kilístus é? Nyɔ́ a lɛ nɛ́, la m̀búl á éɓem, a súlé nyɛ́-mɛ̄n Ɔlolómɛ̄ kaa tít ŋgíla ɔnɛ́g nyí ɓá sɛ́m cíŋ. Micii mɛ́ɛ́ míg kɛ li púɛ lí míɔ̄ŋɔ máhá mí má lɔɓé la miɓɔŋɔg mí mí ŋga óm ɓɛ́hɛ á nyɛmb. La náŋ, biíg kɛ li la lí lí sále lí Ɔ́lolómɛ̄ Loó lí éniŋ.

Yohánɛs 1 4:9

Ediŋ Ɔlolómɛ̄ a étɛ́ ɓɛ́hɛ, yɔ́ yé nɛ́: a óm pɔmbɛ yɛ́ɛ̄ Mɔɔ́n á ŋkɔŋ-á-sí, á li ɓɔŋ nɛ́, la nyɛ́ bi ɓɛ́la eniŋ.