Yohánɛs 6:51 - Esaa-líat ɛ́ péná

⁵¹ «Ma nɛ́ mi lɛ ékɔgá yé éniŋ yé yá sɔ́léné á lóō. Tɔ nzáá a ŋga kɛ́ yɔ́ li dí ag kɛ li ɓɛ́la lí éniŋ éɓem. Ekɔgá mi ŋga kɛ li tíi á lí niŋɛ lí ɓot bí ŋkɔŋ-á-sí ɛ́ lɛ́ nyuú yáma.»

Yohánɛs 6:51 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Lúkas 22:19

Ámbúh náŋ ɔ nyɔ̄ŋ ékɔgá, ɔ tí Ɔ́lolómɛ̄ mítamlan, ɔ búg yɔ, ɔ káahánɛ́ ɓɔ yɔ́, ɔ laga nɛ́: «Nyuú yáma nyí, nyí ya tíéɓɛ́ ányúū yaná; ɓɔŋán náŋ á li ɔ́ŋɔ́ɔ lí ma.»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 11:26

tɔ nzáá ki a lɛ á éniŋ ndí a yéɓé la ma, m̀ɓá-mɓá a ŋga kɛ ɓé li wú. Ɓaá, ɔg yéɓé náŋ é?»

Yohánɛs 3:13

Átɔm nɛ́ mut tɔ wa a lɛ ŋgí lí ɓét á lóō, amáh sig Mɔɔ́n Mut nyɔ́ a sɔ́léné á lóō.

Yohánɛs 3:14

Nlemlem kaa Móse a pānɛ́ nyɔ á lóō lí njéŋ á éyāŋ, náŋ ki nɛ́ Mɔɔ́n Mut a nyɛ́ɛ lí panɓɛ,

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Yohánɛs 6:33

Ányúū nɛ ekɔgá Ɔlolómɛ̄ a ŋga tíi, ɛ́ lɛ́ yé ɛ́ ŋga sɔ́léne á lóō ndí ɛ́g niŋɛ ɓot bí ŋkɔŋ-á-sí.»

Yohánɛs 6:35

La nyɛ́ ɔ pélē jɔ nɛ́: «Ma nɛ́ mi lɛ ékɔgá éniŋ. Tɔ nzáá a ŋga ōŋ ma, a ŋga kɛ ɓé lí tɔɔ lí nzal, nyɔ́ a ŋga yéɓe la ma, m̀ɓá-mɓá evéhé ɛ́ ŋgá byee ɓé pɛ nyɛ́.

Yohánɛs 6:41

Váŋ nɛ́ ɓɔ́ɔ̄n bí Élōg-Yúda ɓá ɓōtlé lí dumlan la Yésus ányúū nɛ a yó nɛ́: «Ma nɛ́ mi lɛ̄ ékɔgá yé yá sɔ́léné á lóō.»

Yohánɛs 6:47

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Yohánɛs 6:48

Ma nɛ́ mi lɛ ékɔgá yé éniŋ.

Yohánɛs 6:50

Ndí, tɔ nzáá a ŋga kɛ́ li dí lí yé ekɔgá yá sɔ́léné á lóō, a ŋgá wú ɓé.»

Yohánɛs 7:38

Tɔ nzáá a ŋga yéɓe la ma, li oŋle la yé Licii-Lipúán lí ŋga lága: ‹asóó á míndīm mí éniŋ ág kɛ nyɛ́ lí pámléne até›.»

Elōg-Kɔlínto 2 5:19

Ákaa ɛ́sɛ, Ɔlolómɛ̄ nɛ a ŋgí sáŋga nyɛ́-mɛ̄n la ɓot bí ŋkɔŋ-á-sí li loole la Nyɔ́-a-Pɔ́hlɛ, ɛ́h ɓɛ́ ɓé nyɛ̄ li sɔ́ŋgɔ lí ávuha á ɓot-bí-bínam, la nyɛ́ ɔ tí ki ɓɛ́hɛ nɛ́ bi lɛ́gɛ́ nyíŋ pɔ́l ányúū li sáŋga lí ɓot.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Éféso 5:25

Á ɓálōm, diŋán ɓaá ɓáná ákaa Nyɔ́-a-Pɔ́hlɛ a dīŋ Éɓasɛ, nɛ́-tɛ́ɛ ɔ tí eniŋ yɛ́ɛ́ ányúū yɔ́,

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 10:20

Nyɛ́ nɛ́ a légē ɓɛ́hɛ nzen péná, nzen nyí eniŋ, ɔ lóoléné á liɓato lí ndugá púán, náŋ ɛnɛ li kele la nyuú yɛ́ɛ́ nyí mut-a-binam.

Pétlos 1 2:4

Siŋglán nyɛ́ ɓɛ́ɓɛ, nyɛ́ nɛ́ a lɛ ŋgɔg eniŋ nyí ɓot ɓá ɓen, ndí nyí ya pɔ̄hlɛ, yu ɓɛ́ ki taŋ ɔ́sū ví Ɔlolómɛ̄.

Yohánɛs 1 2:2

átɔm nɛ́ a tí nyɛ́-mɛ̄n kaa nsúlé ányúū elaakɛ míɓē máhá, ah ɛmáhá mɔ́-ntámɛ́ ɓé, ndí la mí mí ŋkɔŋ-á-sí ásɛ ki.

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Yohánɛs 1 4:14

Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.