Yohánɛs 6:47 - Esaa-líat ɛ́ péná

⁴⁷ La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Yohánɛs 6:47 ပူးပေါင်းရင်းမြစ်များ

Yohánɛs 11:26

tɔ nzáá ki a lɛ á éniŋ ndí a yéɓé la ma, m̀ɓá-mɓá a ŋga kɛ ɓé li wú. Ɓaá, ɔg yéɓé náŋ é?»

Yohánɛs 14:19

Ɛ ŋgí tɔ́ɔ mā puh eceg, ámbúh yɔ, ɓot bí ŋkɔŋ-á-sí bí ŋgá ɛ́n ɓé pɛ ma; ndí ɓɛ́nɛ, miníg kɛ ma lí ɛ́n mi lɛ á éniŋ, ɓɛ́nɛ-mɛ̄n ki miníg kɛ li niŋ.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 3:18

Nyɔ́ la nyɔ́ a ŋga yéɓe la nyɛ́, bí ŋgá kááhɛ ɓé nyɛ; ndí nyɔ́ a ŋgá yéɓe ɓé la nyɛ́, ɓá man nyɛ li kááhɛ, ányúū nɛ āh yéɓe ɓé á jóō lí pɔmbɛ Mɔɔ́n Ɔlolómɛ̄.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Yohánɛs 6:27

Jɔ́ nɛ́, miníh sálág ɓé ányúū lidí lí ŋga lɔ́ɓe, ndí sálán ányúū lidí lí ŋgá lɔɓe ɓé, jé lí ŋga tíi eniŋ éɓem, jé Mɔɔ́n Mut a ŋga kɛ ɓɛ́nɛ li tíi, átɔm nɛ́, nyɛ́ nɛ́ Ɛsáŋɛ́, nyɔ́ a lɛ Ɔlolómɛ̄ a vá ndembye ɛ ŋga étɛ nɛ́ nyɛ́ Ɔlolómɛ̄ a lɛ élɔŋ la nyɛ́.»

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 6:50

Ndí, tɔ nzáá a ŋga kɛ́ li dí lí yé ekɔgá yá sɔ́léné á lóō, a ŋgá wú ɓé.»

Yohánɛs 6:51

«Ma nɛ́ mi lɛ ékɔgá yé éniŋ yé yá sɔ́léné á lóō. Tɔ nzáá a ŋga kɛ́ yɔ́ li dí ag kɛ li ɓɛ́la lí éniŋ éɓem. Ekɔgá mi ŋga kɛ li tíi á lí niŋɛ lí ɓot bí ŋkɔŋ-á-sí ɛ́ lɛ́ nyuú yáma.»

Yohánɛs 6:54

Tɔ nzáá a ŋga dí nyuú yáma, a nyú ki micii máma, a byɛ́ɛ́ eniŋ éɓem. Mág, mag kɛ nyɛ́ li pahyɛ á ɔlɔ́ vá tiile,

Yohánɛs 6:58

La náŋ, taŋ ekɔgá yé yá sɔ́léné á lóō ɛ sē ɓé yé ɓasɔ́ŋɛ́ ɓáná bí díéé, la ɓɔ́ bú wú; ndí tɔ nzáá a ŋga kɛ́ li dí lí yé ekɔgá ag kɛ li niŋ á éɓem la á éɓem.»