Yohánɛs 6:2 - Esaa-líat ɛ́ péná

² Edila límut yú ōŋ nyɛ ányúū nɛ́ lí ŋgí ɛ́n bínanaŋga bí mam a ŋgí ɓɔŋle ɓakɔɔ́kɔ̄n.

Yohánɛs 6:2 ပူးပေါင်းရင်းမြစ်များ

Matéus 12:15

Eceg Yésus a yí náŋ, ɔ ɓógó váŋ á nyɔ́ŋ voóm. Ɓot ŋgandag bú ōŋ nyɛ; la nyɛ́ ɔ tɔ́ɔyɛ́ ɓákɔɔ́kɔ̄n bísɛ mbólí.

Matéus 13:2

Ɔbul ví limut vú kómān ɓɛ́ɓɛ la nyɛ́, nyaa nyí ɛ lɛ nɛ́ ɔ ɓét, ɔ tɔ́ɔ̄ á m̀ɓoŋgó. Jéŋ limut lí ɓɛ́ɛ́ lí tɛ́ɛ á ŋgwáāg ebúle.

Matéus 14:14

Á mísuh mɛ́ɛ́ mí m̀ɓoŋgó, Yésus ɔ ɛ́n limut licɛ́ŋ, ɔ kɔ̄nlé jɔ ŋgɔ́ɔ́, la nyɛ́ ɔ tɔ́ɔyɛ́ ɓákɔɔ́kɔ̄n ɓáɓá mbólí.

Matéus 8:1

Eceg Yésus a ŋgí sɔ́le á lóō lí ɔ́kolá, edila límut yú ōŋ nyɛ.

Málkus 1:45

Ndí ɛnɛ́ nyɔ́ŋ mut a kɛ, ɔ ɓōtlé li lɛgɛ lí yé yá loo, ag tɛ́ɛ milón voóm asɛ̄ la nyɛ́ ɔ cámánɛ́ nyíŋ pɔ́l, nyaa nyí lɛ nɛ́ Yésus a ŋgí la ɓé pɛ li níŋgi á tísɔn á miíh mí límut; ɔ ɓōtlé ja li tɔɓene á ápūū, wóŋ á liɛ́g. Ɓot bí ŋgí sɔ́le bipah bísɛ á li ɛ́n lí nyɛ.

Málkus 6:33

Kasig ɓot bí ɛ́nɛ́ɛ́ ɓɔ́ bíg kɛ, ŋgandag yu lēm ɓɔ. Váŋ nɛ́ ɓot ɓá ɓógyé á tísɔn ɛ́sɛ, bú ɓól m̀bíí li kɛ wóŋ, bú pám á nyɔ́ŋ voóm sɔ́kágánɛ́ Yésus la ɓayége ɓɛ́ɛ́ bíg pám átē.

Yohánɛs 11:47

Ɓakanʼyɛ ɓatíi-nsúlé la ɓot bí Falísái bú kɔ̄tán á ɔ́ku-vicɛ́ŋ-ví-bíkāāhɛ́nɛ́, la ɓɔ́ bú lagá nɛ: «Yéé ɓa nyɛ́ɛ li ɓɔŋ é? Nyɔ́ mut ag ɓɔŋ ŋgandag binanaŋga bí mam.

Yohánɛs 12:18

Á mbálɛ, limut lí sɔ́ɔ́ lí ɓoman la nyɛ́ ányúū nɛ́ lí ámbléé yé a ɓɔŋɔ́ɔ́.

Yohánɛs 12:37

Tɔ náŋ kaa a ɓɔŋɔ́ɔ́ bíŋ binanaŋga bí mam bísɛ, ɓot bí ŋgí yéɓe ɓé la nyɛ́.

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 2:23

Eceg Yésus a ɓɛ́ɛ́ á Yélūsalɛm á lí loɛ lí ŋgand Páska nyí Elōg-Yúda, ŋgandag ɓot yú yéɓé la nyɛ́ ányúū minɛ́ŋ a ŋgí ɓɔŋ.

Yohánɛs 20:30

Yésus a ɓɔŋɔ́ɔ́ ŋgandag bínanaŋga bí mam mitám ɔsú ví ɓáyēge ɓɛ́ɛ́, mí máh ciiɓɛ ɓé mú á nyí kálati.

Yohánɛs 3:2

Ɔ sɔ́ lí ɛ́n lí Yésus díɓe la díɓe, aá la nyɛ́: «Lábi, biíg yí nɛ́ ɔ lɛ ŋ̀yéglɛ nyɔ́ Ɔlolómɛ̄ a óm, átɔm nɛ́ mut tɔ wa a ŋgá la ɓé li ɓɔŋ lí mínɛ̄ŋ ɔ ŋgɔ ɓɔ̄ŋ kíyáɓɛ́nɛ Ɔlolómɛ̄ a sē ɓé la nyɛ́.»

Yohánɛs 6:14

Ɛnɛ́ ɓot ɓa ɛ́n énanaŋga ɛ́ jam yá loo, bú laga nɛ́: «Nyɔ́ mut a lɛ tihtih m̀pɔ́tle-a-Ɔlolómɛ̄ nyɔ́ a ŋga nyɛ́ɛ li sɔ́ á ŋkɔŋ-á-sí»

Yohánɛs 6:22

Ɔlɔ́ ví ŋgí oŋ víŋ, kasig limut jé lí yégléé á nyúŋú mií á ebúle lí sɔ́ŋtáánɛ nɛ́ m̀ɓoŋgó wa nɛ́ á ɓɛ́ɛ́ váŋ, la ki nɛ́ Yésus ah níŋglée ɓé elɔŋ la ɓayége ɓɛ́ɛ́ á m̀ɓoŋgó, ɓáŋ bí kɛ̄nɛ́ɛ́ ɓɔ́-ntámɛ́.

Yohánɛs 6:26

Yésus ɔ pélē ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, miní ŋgá somo ɓé ma ányúū minɛ́ŋ maná ɛ́n, ndí ányúū bikɔgá maná dí, mut sig ɔ yál.

Yohánɛs 6:30

Bú ɓāt sīg-pɛ nyɛ́ nɛ́: «Ndí wa, mɔɔ́mɔ́ɔ minɛ́ŋ ɔ ŋgɔ kɛ́ li ɓɔŋ ɔsú váhá nɛ́ bi yéɓé la wa é? Ɓaá, yéé ɔ ŋgɔ kɛ́ li ɓɔŋ é?»