Yohánɛs 5:18 - Esaa-líat ɛ́ péná

¹⁸ Li ɓotle la váŋ nɛ́ mikanʼyɛ mí Élōg-Yúda mí kondyéé lí somo lí nzen á lí ólhánɛ lí Yésus, ányúū nɛ́, amáh nɛ́ a ŋgí sáá ɔlɔ́ váɓá ví évɛɛɓan, ndí ag katɓan ki nɛ́ Ɔlolómɛ̄ a lɛ Ɛsáŋɛ́, á jéŋ lilaglag jɛ́ɛ́, a ŋgí somo li laga nɛ́ nyɛ́ la Ɔlolómɛ̄ bí kɔ́ɔ.

Yohánɛs 5:18 ပူးပေါင်းရင်းမြစ်များ

Matéus 12:5

Manáh sɔ́ŋgɔ ɓé tɔ ki á kálati mbéndá nɛ́, á ɔ́lɔ̄ ví évɛɛɓan á ndáá-ēcɛ́ŋ-Ɔlolómɛ̄, ɓatíi-nsúlé bíg yaŋa vɔ́ ɛ́h ɓɛ́ ɓé ɓɔ li ɓɔŋ lí áɓē é?

Yohánɛs 1:19

Ɓakanʼyɛ bí Élōg-Yúda bí Yélūsalɛm bí ómóó ɓatíi-nsúlé la Ndog-Lévi á lí bihi lí Yohánɛs nɛ́: «Wa nɛ́ ɔ lɛ nzáá é?» Mbóŋ a tí ɓɔ á mpeelán wɛ́ɛ́, ɛ́h ɓɛ́ ɓé li sɔɔ lí tɔ jam ɔ́sū ví ɓot bísɛ, yɔ nyí nɛ́: «Mi sē ɓé ma Nyɔ́-a-Pɔ́hlɛ.»

Yohánɛs 10:30

Ma la Etāa bi lɛ mut wa.»

Yohánɛs 10:33

Bú pélē nyɛ nɛ́: «Ah ányúū nsɔ́n nláám ɓé nɛ bi ŋga sómo wa lí ól la ŋgɔg, ndí ányúū nɛ ɔg vɔ́ɔ́le Ɔlolómɛ̄, kasig wā mut-a-binam ɔ ŋgɔ nyɔ̄ŋ etɛ́l yé Ɔlolómɛ̄.»

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Yohánɛs 14:9

Yésus ɔ lága nyɛ nɛ́: «Á Filípo, ntaandá á éceg nyú mi lɛ̄ élɔŋ la ɓɛ́nɛ, ndí tɛɛla vɔ́ŋɔ́ɔ ɔ ŋgɔ́ lem ɓé ma é? Tɔ nzáá a ɛ́n ma, ɛnɛ a ɛ́n Étāa. Ányúū yéé hɔ́ ɔ ŋgɔ lága nɛ́: ‹Étɛ ɓɛ́hɛ Etāa é?›

Yohánɛs 19:7

Ɓakanʼyɛ bí Élōg-Yúda bú tímānɛ̄ nyɛ nɛ́: «Bi byɛ́ɛ́ litiŋ lí mbéndá já, li oŋle la jɔ́, ag nyɛɛ li wú, átɔm nɛ́ a kātɓán nɛ a lɛ̄ Mɔ́ɔ̄n Ɔ́lolómɛ̄!»

Yohánɛs 5:15

Nyɔ́ŋ mut ɔ kɛ lí máŋlɛ lí ɓɔ́ɔ̄n bí Élōg-Yúda nɛ́ Yésus nɛ́ a tɔɔyɛ́ɛ́ nyɛ́ mbólí.

Yohánɛs 5:16

Váŋ nɛ́ Élōg-Yúda ɛ́ ɓōtléé lí vinan la Yésus ányúū nɛ a ɓɔŋɔ́ɔ́ náŋ á ɔlɔ́ váɓá ví évɛɛɓan.

Yohánɛs 5:17

Ndí Yésus ɔ pélē ɓɔ nɛ́: «Tɛɛla vɔ́ŋɔ́ɔ, Etāa a lɛ á nsɔ́n kaa mág mi lɛ á nsɔ́n.»

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Yohánɛs 7:1

Ámbúh náŋ, Yésus ɔ kóndyé lí wɛɛ á Galiléa. A ŋgí somo ɓé pɛ li wɛɛ á Yúdēa, átɔm nɛ́ ɓɔɔ́n bí Élōg-Yúda bí ŋgí somo nyɛ́ lí ólhánɛ.

Yohánɛs 7:19

Ɓaá, Móse ɓé nɛ́ a tíéé ɓɛ́nɛ mbéndá é? Ndí, mut tɔ wa á póla yaná a ŋgá wɛɛ ɓé kaa mbéndá ɛ ŋga lága, ányúū yéé hɔ́ miní ŋga sómo ma lí ólhánɛ é?»

Yohánɛs 8:54

Yésus ɔ pélē ɓɔ́ nɛ́: «Kí ɓɔŋ nɛ́ mag tíi mā-mɛ̄n lipém, kí jéŋ lipém líh byɛ́ɛ́ ɓé ádit; ndí, Etāa nɛ́ a ŋga tíi ma jéŋ lipém, nyɛ́ nɛ́ miní ŋga kātɓan nɛ́ a lɛ Ɔ́lolómɛ̄ wāná.

Yohánɛs 8:58

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, sɔ́kágánɛ́ Áblaháam ag ɓɛ́, kí má Mí Lɛ.»

Elōg-Fílípi 2:6

Nyɛ́ Yésus Kilístus, tɔ náŋ ákaa a byɛ́ɛ̄ líɓɛ́ɛg lí Ɔ́lolómɛ̄, āh ɔ́ŋɔ ɓé nɛ́ kaa a kɔ́ɔ la Ɔlolómɛ̄, náŋ a lɛ́ jam a nyɛ́ɛ lí tɔɓene.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 22:3

Eɓómá ɛ́ ŋgá kɛ ɓé pɛ li ɓɛ́. Etɔɓé-líkanʼyɛ yé Ɔ́lolómɛ̄ la mɔɔ́n ntómbɛ́ ɛ́g ɓɛ́ á tísɔn, ɓaɓɔŋle ɓɛ́ɛ́ ɓɔ́g bíg kɛ nyɛ́ lí ɓɔŋle lí esaa epúán.