Yohánɛs 4:41 - Esaa-líat ɛ́ péná

⁴¹ Ɓɔɔ́n bí Samália bí yéɓyéé la nyɛ́, bú kondye li bul ányúū biɓaŋgá a ŋgí laga ɓɔ́ nyɛ́-mɛ̄n.

Yohánɛs 4:41 ပူးပေါင်းရင်းမြစ်များ

Lúkas 4:32

La ɓɔ́ bú nyág la liyéglɛ́gɛ jɛ́ɛ́ ányúū nɛ a ŋgí pɔ́t la ekíndo.

Yohánɛs 4:40

Náŋ ɔ ɓɔ̄ŋ nɛ, ɛnɛ́ ɓɔ́ɔ̄n bí Samália bí pámáá ɔ́sū ví Yésus, bú sɔ́hyé nyɛ ŋgandag nɛ́ a tɔ́ɔ̄ elɔŋ la ɓɔ́. La nyɛ́ ɔ tɔ́ɔ̄ álɔ̄ áɓáa la ɓɔ́.

Yohánɛs 4:42

La ɓɔ́ bú lāgá nyɔ́ mindígá nɛ: «Ah ányúū li laglag jɔ́ɔ jɔ́-ntámɛ́ ɓé pɛ nɛ́ bi ŋga yéɓé, ndí ányúū nɛ ɓɛ́hɛ-mɛ̄n ɓaá ámblé nyɛ, biíg yí kɔɔ la mbálɛ nɛ́ nyɛ́ nɛ́ a lɛ Ǹsuŋ ɓot bí ŋkɔŋ-á-sí.»

Yohánɛs 6:63

M̀búl Mpúán nɛ́ a ŋga tíi eniŋ, nyuú ɛh byɛ́ɛ́ ɓé eɓáha tɔ yá. Biɓaŋgá mi ŋga lága ɓɛ́nɛ bí lɛ́ M̀búl, bú ɓɛ́ ki eniŋ.

Yohánɛs 7:46

Ɓatát bú pélē nɛ́: «M̀ɓá-mɓá, mut a ɓáág ŋgí lí pɔ́t kaa nyɔ́ mut.»

Misɔ́n mí Ɓáōmɓɛ 1:8

Ndí, miníg kɛ li kuh lí ŋguu nyí M̀búl Mpúán, eceg a ŋga kɛ́ ɓɛ́nɛ li suhle. Váŋ, miníg kɛ li ɓɛ́ lí mbóŋ yáma á Yélūsalɛm, á Yúdēa ɛsɛ̄ la á Samália, nɛ́-tɛ́ɛla á míkāh mí ŋkɔŋ-á-sí mísɛ.»

Misɔ́n mí Ɓáōmɓɛ 15:3

Eɓasɛ yé Antiókia nyí Sília yú yéɓé nɛ ɛ́g tíi ɓɔ́ míōŋgánɛ ányúū jéŋ duwɛ. Bú loolé á épah-ékombo yé Fenísia la á yé Samália bíg laga kaa láá ɓot bí sē ɓé ɓɔ́ɔ̄n bí Élōg-Yúda ɓá yaán ɓáyēɓe bí Nyɔ́ŋ-Ɛsáŋɛ́. Nyíŋ pɔ́l yu kɔ̄nhánɛ́ nyíŋ ndog ɓayéɓe ɛsɛ̄ mivag ŋgandag.

Misɔ́n mí Ɓáōmɓɛ 8:12

Ndí, ɛnɛ́ ɓá yéɓé Pɔ́l M̀ɓɛɛŋ nyí Likanʼyɛ lí Ɔ́lolómɛ̄, la joó lí Yésus Kilístus Filípo a ŋgí lɛgɛ ɓɔ́, páam la ɓondígá bú kūh nzóɓan.

Misɔ́n mí Ɓáōmɓɛ 8:25

Ɛnɛ́ Pétlos la Yohánɛs ɓá manɛ́ lí tíi lí mbóŋ nyí Nyɔ́ŋ-Ɛsáŋɛ́ la li lɛgɛ lí Pɔ́l M̀ɓɛɛŋ, bú tímān á Yélūsalɛm. Á nzen yaɓá mitiman, bú lɛ̄gɛ́ Pɔ́l M̀ɓɛɛŋ á ŋgandag míkɔŋ mí Samália.

Elōg-Hébɛl 4:13

Eveglé tɔ yá ɛ́ sɔ́lɛ̄ á miíh mí Ɔlolómɛ̄ ɛ́ sē ɓé. Byoóm bísɛ bí áhɛ á miíh mɛ́ɛ́, ag ɛ́n jam sig kaa láá lí lɛ, biíg kɛ nyɛ́ lí tɛ́lɛ ɔ́sū á lí tíi lí nyɛ ndagle.