Yohánɛs 3:26 - Esaa-líat ɛ́ péná

²⁶ Váŋ nɛ́ ɓá sɔ́ lí ɛ́n li Yohánɛs Ǹtíi-nzoɓan, bú ɓāt nyɛ nɛ́: «Lábi, ɔg ɔ́ŋɔ nyɔ́ mut a ɓɛ́ɛ́ elɔŋ la wa á nyúŋú mií á Yɔ́ldan, nyɔ́ ɔ tíée mbóŋ é? Ɛ́n sig nɛ́ nyɛ́g a ɓōtlé lí tíi lí nzoɓan, ɓot bísɛ bíg kɛ wóŋ.»

Yohánɛs 3:26 ပူးပေါင်းရင်းမြစ်များ

Matéus 23:7

Bíg diŋ nɛ́ ɓot bíg tama ɓɔ́ á ɓávoóm bí líŋgīndá, la li yáŋlɛ nɛ́: ‹Ŋ̀yéglɛ›.

Matéus 23:8

Ndí ɓɛ́nɛ, miníh ɓɔŋɔ́g ɓé nɛ miní yáŋlɛ́ nɛ́ ‹ŋ̀yéglɛ›, átɔm nɛ́ miní byɛ́ɛ́ ja Ŋ̀yéglɛ wāhwa, la ki nɛ́, ɓɛ́nɛ bísɛ miní lɛ́ línyaŋ.

Yohánɛs 1:15

Yohánɛs ag tíi mbóŋ yɛ́ɛ̄ la li laga nɛ́: «Mut ma máŋlɛ́ ɓɛ́nɛ, nyɛ́ nyɔ́. Nyɛ́ nɛ́ a ŋga sɔ́ ámbúh yáma, ndí a dúgú lí ɓɛ́ sɔ́kágánɛ́ mag ɓɛ́, ányúū nɛ sɔ́kágánɛ́ mag sɔ́, kí nyɛ́ a lɛ.»

Yohánɛs 1:7

A sɔ́ɔ́ ja kaa mbóŋ, á lí tíi lí mbóŋ nyí mipúú, nɛ́ ndí li kele la nyɛ́ ɓot bísɛ bí yéɓé.

Yohánɛs 1:9

Eɓaŋgá nɛ ɛ́ ɓɛ́ɛ́ mipúú mí mbálɛ, mí má sɔ́ á ŋkɔŋ-á-sí la mɔ́ mú paayé ɓot bísɛ.

Yohánɛs 11:48

Kíyáɓɛ́nɛ ɓa mwáhɛ́ nɛ́ a kóndyé lí kɛla náŋ la ɔ́sū, ɓot bísɛ bíg kɛ li yéɓé la nyɛ́. Elōg-Lóma ɛ́g kɛ́ li sɔ́ a lí kúlú lí Liɓógá jáhá Lipúán la li cɛ́hɛ lí lilóm jáhá.»

Yohánɛs 12:19

Ɓɔɔ́n bí Falísái bú laglán hɔ́ nɛ: «Léɓyán sig kaa ɓot bísɛ bí ŋga ōŋ nyɛ́, miní sē ɓé pɛ nɛ́ maná ɓɔ̄ŋ tɔ jam!»

Yohánɛs 3:2

Ɔ sɔ́ lí ɛ́n lí Yésus díɓe la díɓe, aá la nyɛ́: «Lábi, biíg yí nɛ́ ɔ lɛ ŋ̀yéglɛ nyɔ́ Ɔlolómɛ̄ a óm, átɔm nɛ́ mut tɔ wa a ŋgá la ɓé li ɓɔŋ lí mínɛ̄ŋ ɔ ŋgɔ ɓɔ̄ŋ kíyáɓɛ́nɛ Ɔlolómɛ̄ a sē ɓé la nyɛ́.»

Yohánɛs 4:1

Eceg Yésus a yíí nɛ́ Elōg-Falísái yá ámblé pɔ́l nɛ́ ag yaanɛ ɓot ŋgandag ɓayége ɓɛ́ɛ́, la nɛ́ ag tíi nzoɓan li loo lí Yohánɛs.

Yohánɛs 4:2

Á mbálɛ, nyɛ́-mɛ̄n ɓé nɛ a ŋgí tíi nzoɓan, ndí ɓayége ɓɛ́ɛ́.

Yohánɛs 4:31

Á póla yéŋ eceg nɛ́ ɓáyēge bí Yésus ɓá váŋgɛ́ nyɛ li laga nɛ́: «Lábi, ŋ̀gɛ̄n dí puh jam.»

Yohánɛs 5:33

Máná óm ɓot á yóg Yohánɛs Ǹtíi-nzoɓan, la nyɛ́ ɔ tí mbóŋ nyí mbálɛ.