Yohánɛs 3:18 - Esaa-líat ɛ́ péná

¹⁸ Nyɔ́ la nyɔ́ a ŋga yéɓe la nyɛ́, bí ŋgá kááhɛ ɓé nyɛ; ndí nyɔ́ a ŋgá yéɓe ɓé la nyɛ́, ɓá man nyɛ li kááhɛ, ányúū nɛ āh yéɓe ɓé á jóō lí pɔmbɛ Mɔɔ́n Ɔlolómɛ̄.

Yohánɛs 3:18 ပူးပေါင်းရင်းမြစ်များ

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Yohánɛs 1:12

Ndí ɓot ɓá lɛ́glé yɔ, bú yéɓé ki á jóō jɛ́ɛ́, yéŋ Eɓaŋgá yá tí ɓɔ kundɛ li yaan lí ɓɔ́ɔ̄n bí Ɔlolómɛ̄.

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 6:47

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Elōg-Lóma 5:1

Á élōgyāŋ, kasig la ŋyéɓé nɛ Ɔlolómɛ̄ a yáanɛ́ ɓɛ́hɛ ɓot bí tɛ́ɛ́ sim ɔ́sū vɛ́ɛ́, nyí vɔ́ŋɔ́ɔ, bi lɛ́ nsaŋ la nyɛ́ li loole la Ɛtáŋɛ wahá Yésus Kilístus.

Elōg-Lóma 8:1

Á élōgyāŋ, nyí vɔ́ŋɔ́ɔ hɔ́, ɓá ɓá āt la Yésus Kilístus bí ŋgá kuh ɓé pɛ ekɔ́ghɛ tɔ yá,

Elōg-Lóma 8:34

Nzáá a ŋga kɛ́ ɓɔ́ lí kɔ́ghɛ é? Tɔ mut, átɔm nɛ́ Yésus Kilístus a wú, li loo náŋ, a pāhye, a lɛ á m̀ɓɛ́nlómɛ a Ɔlolómɛ̄, nyɛ́ ki nɛ́ a ŋga kále ɓɛ́hɛ!

Elōg-Hébɛl 12:25

Nyɔŋán lítāt, miníh púnúg ɓé lí ámble lí nyɔ́ la nyɔ́ a ŋga pɔ́tɛ ɓɛ́nɛ. Átɔm nɛ́, kíyáɓɛ́nɛ ɓɔɔ́n bí Íslāɛl ɓáh véé ɓé ékɔ́ghɛ eceg bí ŋgí pún lí ámble lí Móse kí ag ɓóŋyɛ ɓɔ́ mam mú á ŋkɔŋ-á-sí, ɛbuu-la-ŋgele yáŋvéé la ɓɛ́hɛ, kí bu pún lí ámble lí nyɔ́ a ŋga pɔ́thɛ́nɛ ɓɛ́hɛ á lóō é?

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Elōg-Hébɛl 3:19

Á mbálɛ, biíg ɛ́n nɛ ɓáh la ɓé lí níŋgi á nyɔ́ŋ voóm a evɛɛɓan ányúū nɛ ɓá pún lí yéɓe.

Yohánɛs 1 3:23

Mbéndá yɛ́ɛ̄ nyí nɛ́: bi ɓɛ́la ŋyéɓé la Mɔ́ɔ̄n wɛ́ɛ̄ Yésus Kilístus, bi díŋán ki ɓɛ́hɛ la ɓɛ́hɛ, ákaa mbéndá nyí Nyɔ́-a-Pɔ́hlɛ ɛ ŋga lága ɓɛ́hɛ.

Yohánɛs 1 4:9

Ediŋ Ɔlolómɛ̄ a étɛ́ ɓɛ́hɛ, yɔ́ yé nɛ́: a óm pɔmbɛ yɛ́ɛ̄ Mɔɔ́n á ŋkɔŋ-á-sí, á li ɓɔŋ nɛ́, la nyɛ́ bi ɓɛ́la eniŋ.

Yohánɛs 1 5:10

Nyɔ́ la nyɔ́ a ŋga yéɓe la Mɔ́ɔ̄n Ɔ́lolómɛ̄, nyɛ́-mɛ̄n ag tíi nyíŋ mbóŋ. Nyɔ́ la nyɔ́ a ŋgá yéɓe ɓé la Ɔlolómɛ̄, ag yaanɛ Ɔlolómɛ̄ mut-a-minaa, ányúū nɛ, āh yéɓe ɓé mbóŋ nyí Ɔlolómɛ̄ a tí ányúū Mɔ́ɔ̄n wɛ́ɛ̄.

Yohánɛs 1 5:12

Nyɔ́ la nyɔ́ a lɛ la Mɔɔ́n Ɔ́lolómɛ̄, a byɛ́ɛ eniŋ; Nyɔ́ la nyɔ́ a sē ɓé la Mɔɔ́n Ɔlolómɛ̄, ah byɛ́ɛ́ ɓé éniŋ.