Yohánɛs 3:17 - Esaa-líat ɛ́ péná

¹⁷ La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 3:17 ပူးပေါင်းရင်းမြစ်များ

Matéus 1:23

«Ŋgɔn kɔ́njí ɛg kɛ li nyɔŋ lí líbum, ɛ byál mɔɔ́n-á-páam nyɔ́ bí ŋga kɛ́ li lo lí jóō nɛ́ Emánuɛl, náŋ ag mínɛ nɛ́: Ɔlolómɛ̄ a lɛ lá ɓɛ́hɛ.»

Matéus 18:10

«Nyɔŋán lítāt nɛ́ miníh yɔ́lɔ́g ɓé ntɔ́ga tɔ wa vá, átɔm nɛ́ mag laga ɓɛ́nɛ nɛ́, wóŋ á lóō, áŋgɛl yáɓá ɛ́ ɓáág ja ɛ́ tɛ́ɛ ɓɛɓɛ la Etāa wama nyɔ́ a lɛ á lóō. [

Matéus 18:11

]

Lúkas 19:10

Ánsī nɛ Mɔɔ́n Mut a sɔ́ ja li somo la li suŋ lí yé ɛ́ mɓɛ́ ǹjáŋag.»

Lúkas 9:56

La ɓɔ́ bú loo li kɛ á ŋkɔŋ ntám.

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 10:36

Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 11:42

Mag yí la mbálɛ nɛ́ ɔg ámble ma eceg sig. Ndí, ányúū jé limut la díí ma, mag pɔ́t nɛ́ ndí bí yéɓé nɛ́ wa nɛ́ wa óm ma.»

Yohánɛs 17:18

Nlemlem kaa wa óm ma á ŋkɔŋ-á-sí, náŋ nɛ́ mág ma óm ɓɔ́ á ŋkɔŋ-á-sí

Yohánɛs 17:21

nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 17:25

Etāa nyɔ́ á tɛ́ɛ́ sim, tɔ ákaa ɓot bí ŋkɔŋ-á-sí ɓáh lem ɓé wa, má ma yí wa, ɓɔ́g bú yí nɛ wa nɛ́ wa óm ma.

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 20:21

Yésus ɔ lága sīg-pɛ ɓɔ́ nɛ́: «Nsaŋ á ɓɛ́ la ɓɛ́nɛ. Nlemlem kaa Etāa a óm ma, mág ma óm ɓɛ́nɛ.»

Yohánɛs 3:34

Jɔ́ nɛ́, mut Ɔlolómɛ̄ a óm ag pɔ́t biɓaŋgá bí Ɔ́lolómɛ̄, ányúū nɛ́ Ɔlolómɛ̄ ag yáhɛ nyɛ́ la M̀búl wɛ́ɛ́ ɛ́h ɓɛ́ ɓé ɔ́vega.

Yohánɛs 5:36

Ndí ma, mbóŋ ɛ ŋga tíéɓɛ ányúū yáma ɛg lōo nyí Yohánɛs, yɔ nɛ́ ɛ lɛ mísɔ̄n mí Etāa a tí ma nɛ́ mí ɓɔ̄ŋ. Mag ɓɔŋ mɔ́, mɔ́ nɛ́ mí ŋga tíi mbóŋ yama ɛ ŋga étɛ nɛ́ Etāa nɛ́ a óm ma.

Yohánɛs 5:38

La ki nɛ́, miní ŋgá naŋɛ ɓé bíɓaŋgá byɛ́ɛ́, ányúū nɛ miní ŋgá yéɓe ɓé la nyɔ́ a óm ma.

Yohánɛs 5:45

Miníh ɔ́ŋlág ɓé nɛ ma nɛ́ mi ŋga kɛ́ ɓɛ́nɛ li sɔ́mánɛ ɔ́sū ví Etāa. Nyɔ́ Móse maná válé mípitá, nyɛ́ nɛ́ a ŋga kɛ́ ɓɛ́nɛ li sɔ́mánɛ.

Yohánɛs 6:29

Yésus ɔ pélē ɓɔ́ nɛ́: «Nsɔ́n á Ɔlolómɛ̄ a lɛ́ nɛ́ miní yéɓé la mut a óm.»

Yohánɛs 6:38

Átɔm nɛ́ ma sɔ́léné á lóō á lí ɓɔŋ lí nsom á mut a óm ma, ndí ah nsom wáma ɓé.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 6:57

Nlemlem kaa Etāa a óm ma a lɛ á éniŋ, ndí mág mú ɓɛ́ á éniŋ li kele la nyɛ́, jɔ nɛ́ tɔ nzáá a ŋga dí nyuú yáma ag kɛ li niŋ li kele la ma.

Yohánɛs 7:29

Ndí ma, mag lem nyɛ́, ányúū nɛ́, á mbóg yɛ́ɛ̄ nɛ ma sɔ́léne, nyɛ́ nɛ́ a óm ma.»

Yohánɛs 8:11

Mindígá ɔ pélē nɛ: «Tɔ mut á Ɛtáŋɛ.» La Yésus ɔ yó nyɛ nɛ́: «Tɔ mág mi ŋgá kɔ́ghɛ ɓé wa, kɛnɛ́g ndí ɔh ɓɔŋɔ́g ɓé pɛ aɓé.»

Yohánɛs 8:42

Yésus aá la ɓɔ nɛ́: «Ki ɓɔŋ nɛ́ Ɔlolómɛ̄ a ɓɛ́ɛ́g ɛsɔ́ŋɛ́ wāná, ki maná dīŋ ma, átɔm nɛ́ ma pámléné á átē a Ɔlolómɛ̄ li sɔ́ vá, māh sɔ́ ɓé ma la mā-mɛn, Nyɛ́ nɛ́ a óm ma.

Yohánɛs 1 2:2

átɔm nɛ́ a tí nyɛ́-mɛ̄n kaa nsúlé ányúū elaakɛ míɓē máhá, ah ɛmáhá mɔ́-ntámɛ́ ɓé, ndí la mí mí ŋkɔŋ-á-sí ásɛ ki.

Yohánɛs 1 4:14

Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.