Yohánɛs 3:15 - Esaa-líat ɛ́ péná

¹⁵ á lí ɓɔŋ nɛ́, nyɔ́ la nyɔ́ a ŋga yéɓe la nyɛ́, a ɓɛ́la eniŋ éɓem.

Yohánɛs 3:15 ပူးပေါင်းရင်းမြစ်များ

Matéus 18:10

«Nyɔŋán lítāt nɛ́ miníh yɔ́lɔ́g ɓé ntɔ́ga tɔ wa vá, átɔm nɛ́ mag laga ɓɛ́nɛ nɛ́, wóŋ á lóō, áŋgɛl yáɓá ɛ́ ɓáág ja ɛ́ tɛ́ɛ ɓɛɓɛ la Etāa wama nyɔ́ a lɛ á lóō. [

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Lúkas 19:10

Ánsī nɛ Mɔɔ́n Mut a sɔ́ ja li somo la li suŋ lí yé ɛ́ mɓɛ́ ǹjáŋag.»

Yohánɛs 1:12

Ndí ɓot ɓá lɛ́glé yɔ, bú yéɓé ki á jóō jɛ́ɛ́, yéŋ Eɓaŋgá yá tí ɓɔ kundɛ li yaan lí ɓɔ́ɔ̄n bí Ɔlolómɛ̄.

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Yohánɛs 6:27

Jɔ́ nɛ́, miníh sálág ɓé ányúū lidí lí ŋga lɔ́ɓe, ndí sálán ányúū lidí lí ŋgá lɔɓe ɓé, jé lí ŋga tíi eniŋ éɓem, jé Mɔɔ́n Mut a ŋga kɛ ɓɛ́nɛ li tíi, átɔm nɛ́, nyɛ́ nɛ́ Ɛsáŋɛ́, nyɔ́ a lɛ Ɔlolómɛ̄ a vá ndembye ɛ ŋga étɛ nɛ́ nyɛ́ Ɔlolómɛ̄ a lɛ élɔŋ la nyɛ́.»

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 6:47

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Misɔ́n mí Ɓáōmɓɛ 13:41

‹Léɓyán, á ɓot bí kúmba ɓá, miní nyág, ámbúh náŋ miní nyɔ́ŋ! Ákaa ɛ́sɛ, jam mi ŋga ɓɔ̄ŋ eceg miní ŋgí lɛ á éniŋ, miní ŋga kɛ́ ɓé jɔ lí yéɓe kíyáɓɛ́nɛ mut nɛ́ a máŋlɛ́ ɓɛ́nɛ›.»

Misɔ́n mí Ɓáōmɓɛ 8:36

Múŋ á nzen, bú pám ápah mindím mí ɓɛ́ɛ́, mut a Etiópia ɔ lāgá Filípo nɛ́: «Mindím mí, yéé pɛ ɛ́ ŋga céŋɛ nɛ́ mi kūh nzoɓan é?» [

Elōg-Lóma 5:21

Jɔ́ nɛ́, ákaa aɓé á éthɛ́ɛ́ ŋguu yɛɛ́ á lí sɔ́la lí nyɛmb, nlemlem ki nɛ́, nyí vɔ́ŋɔ́ɔ Ɔlolómɛ̄, la elɔ́ŋgɔ m̀mím yɛ́ɛ́ a yáanɛ́ ɓot bí binam sim, la náŋ, li kele la Yésus Kilístus, bíg niŋ á éɓem la á éɓem.

Elōg-Kɔlínto 1 1:18

Ákaa ɛ́sɛ, li kwɛl ányúū nyɛmb nyí Nyɔ́-a-Pɔ́hlɛ á mbásá lí lɛ́ jam lí nzeg ányúū ɓot ɓá jáŋ. Ndí ányúū ɓɛ́hɛ ɓot bí tɛ́ɛ́ á nzen lisuŋga, lí lɛ́ ŋguu nyí Ɔlolómɛ̄.

Elōg-Kɔlínto 2 4:3

Kíyáɓɛ́nɛ Pɔ́l M̀ɓɛɛŋ bi ŋga lɛ́gɛ ɛ ŋgí tɔ́ɔ á lísɔl, ɛnɛ ɛ ŋgí sɔ́lɛ jā ányúū ɓot bí ŋga jáŋ,

Elōg-Gálátia 2:16

Ndí ɓaá nyɛɛ́ lí yí nɛ́, ah li naŋɛ lí mbéndá ɓé nɛ lí lɛ́ lí tɛ́lɛ lí sim ɔ́sū ví Ɔ́lolómɛ̄, ndí li yéɓe la Yésus Kilístus. Ányúū náŋ nɛ́ ɓɛ́hɛ ki ɓaá yéɓé la Yésus Kilístus á lí ɓɔŋ nɛ́ bi lēmɓɛ́ kaa ɓá bí tɛ́ɛ́ sim ányúū ŋyéɓé bi byɛɛ́ la nyɛ́, ndí ah lí ógle lí mbéndá Móse ɓé. Átɔm nɛ́, mut tɔ wa a ŋgá kɛ́ ɓé lí ɓɛ́ lí sim ɔsú ví Ɔ́lolómɛ̄ ányúū nɛ́ a óglé mbéndá ɛsɛ̄.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Hébɛl 10:39

Ɓɛ́hɛ, bi sē ɓé ɓɛ́hɛ ɓatiman-la-mbúh á li kɛ á njáŋgá, ndí bi lɛ ɓot bí ŋyéɓé ányúū lisuŋga jáhá.

Elōg-Hébɛl 7:25

Ányúū náŋ nɛ́ ŋgele ya ányúū yɔ́ ɛ́sɛ, Yésus a kɔɔ́ lí suŋ lí ɓá bí ŋga lóole la nyɛ́ á lí siŋgle lí Ɔlolómɛ̄ á ŋgwáāg. Kasig a ŋga nīŋ á éɓem la á éɓem, á lí kánɛ lí Ɔ́lolómɛ̄ ányúū yāɓá.

Yohánɛs 1 2:25

Nyɛ́-mɛ̄n a ɓɔ̄ŋ ɓɛ́hɛ likakanɛ, jɔ́ nɛ́ lí lɛ́ éniŋ éɓem.

Yohánɛs 1 5:1

Tɔ nzáá a ŋga yéɓe nɛ́ Yésus a lɛ Nyɔ́-a-Pɔ́hlɛ a byálɓɛ́ la Ɔ́lolómɛ̄. Tɔ nzáá a ŋga díiŋ Ɔlolómɛ̄, m̀byál, ag diŋ ki nyɔ́ a byálɓɛ́ la Ɔlolómɛ̄.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.