Yohánɛs 3:13 - Esaa-líat ɛ́ péná

¹³ Átɔm nɛ́ mut tɔ wa a lɛ ŋgí lí ɓét á lóō, amáh sig Mɔɔ́n Mut nyɔ́ a sɔ́léné á lóō.

Yohánɛs 3:13 ပူးပေါင်းရင်းမြစ်များ

Matéus 28:20

Miní yéglɛ́ ɓɔ́ li naŋɛ lí mam mísɛ ma yéglɛ́ ɓɛ́nɛ. Á yé ŋga légɓe ma, mi lɛ élɔŋ la ɓɛ́nɛ ɔlɔ́ sig, nɛ́-tɛ́ɛla á lísūg lí biceg.»

Matéus 8:20

Yésus ɔ tímānɛ̄ nyɛ̄ nɛ́: «Mbaŋga ɛ́ byɛ́ɛ́ bivóg, anɔn á byɛ́ɛ́ mumbú; ndí Mɔɔ́n Mut nyɛ́, ah byɛ́ɛ́ ɓé línanténé.»

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 3:12

Kíyáɓɛ́nɛ miní ŋgá yéɓe ɓé eceg mi ŋga máŋlɛ ɓɛ́nɛ mam mí ŋkɔŋ-á-sí, nɛ́ láá miní ŋga kɛ li yéɓe eceg mi ŋga kɛ́ ɓɛ́nɛ li laga lí mam mí ékombo yé lóō é?

Yohánɛs 3:31

«Mut a ŋga sɔ́léne á lóō a káhɛ á lóō lí mam mísɛ. Nyɔ́ a lɛ á sí a lɛ̄ mut a sí, ag pɔ́t ja mam mí sí. Mut a ŋga sɔ́léne á lóō

Yohánɛs 6:33

Ányúū nɛ ekɔgá Ɔlolómɛ̄ a ŋga tíi, ɛ́ lɛ́ yé ɛ́ ŋga sɔ́léne á lóō ndí ɛ́g niŋɛ ɓot bí ŋkɔŋ-á-sí.»

Yohánɛs 6:38

Átɔm nɛ́ ma sɔ́léné á lóō á lí ɓɔŋ lí nsom á mut a óm ma, ndí ah nsom wáma ɓé.

Yohánɛs 6:42

La ɓɔ́ bú lága sīg-pɛ nɛ́: «Ah Yésus mɔɔ́n Yósɛp ɓé nyɔ́ é? Ɓaá, bi ŋgá yí ɓé ɛsáŋɛ́ la nyaŋɛ́ é? Nɛ́-láá a ŋga lá lí laga nyí vɔ́ŋɔ́ɔ nɛ́: ‹Ma sɔ́léné á lóō é›?»

Yohánɛs 6:46

Náŋ a lɛ nɛ́, mut tɔ wa ah ɓáág ŋgí lí ɛ́n lí Etāa amáh sig nyɔ́ a sɔ́lé la Ɔlolómɛ̄, nyɛ́ a ɛ́n Ɔlolómɛ̄.

Yohánɛs 6:51

«Ma nɛ́ mi lɛ ékɔgá yé éniŋ yé yá sɔ́léné á lóō. Tɔ nzáá a ŋga kɛ́ yɔ́ li dí ag kɛ li ɓɛ́la lí éniŋ éɓem. Ekɔgá mi ŋga kɛ li tíi á lí niŋɛ lí ɓot bí ŋkɔŋ-á-sí ɛ́ lɛ́ nyuú yáma.»

Yohánɛs 6:62

Ɓaá, eceg miní ŋga ɛ́n Mɔɔ́n Mut ag timan ápah a sɔ́léne, miníg kɛ láá li ɓɔŋ é?

Yohánɛs 8:42

Yésus aá la ɓɔ nɛ́: «Ki ɓɔŋ nɛ́ Ɔlolómɛ̄ a ɓɛ́ɛ́g ɛsɔ́ŋɛ́ wāná, ki maná dīŋ ma, átɔm nɛ́ ma pámléné á átē a Ɔlolómɛ̄ li sɔ́ vá, māh sɔ́ ɓé ma la mā-mɛn, Nyɛ́ nɛ́ a óm ma.

Misɔ́n mí Ɓáōmɓɛ 2:34

Tɔ náŋ kaa Dávid ah ɓétée ɓé á lóō, a lagléé nɛ́: ‹Nyɔ́ŋ-Ɛsáŋɛ́ a lága Ɛtáŋɛ wama nɛ́: Tɔɔ́ á m̀ɓɛ́nlómɛ wama,

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Elōg-Lóma 10:6

Ndí, etɛ́l-sim ɛ́ ŋga sɔ́le á ŋyéɓé ɛ́g laga nɛ́: «Ɔh laglág ɓé á m̀mím wɔ́ɔ nɛ́: ‹Nzáá a ŋga kɛ́ li ɓét á lōó é›? Li laga náŋ lí lɛ́ nɛ lá somó lí mínɛ nɛ́: lí ɓét á lí yáŋa lí Nyɔ́-a-Pɔ́hlɛ nɛ́ a sūh é?

Elōg-Kɔlínto 1 15:47

Mut ɔsú, ɓá mɛ̄ nyɛ la ntɔ́ɔ́, a lɛ nyɔ́ a ŋkɔŋ-á-sí. Nyɔ́ a yáhɛ́ bíɓáa nyɛ́ ag sɔ́le á lóō.

Elōg-Éféso 1:23

yé ɛ́ lɛ́ nyúū nyí Nyɔ́-a-Pɔ́hlɛ. Átē á yéŋ eɓasɛ nɛ́ Nyɔ́-a-Pɔ́hlɛ a lɛ nyɛ́ asɛ̄, átē a nyɛ́ Nyɔ́-a-pɔ́hlɛ nɛ́ Ɔlolómɛ̄ a tɔ́ɔ̄ nyɛ́ asɛ̄.