Yohánɛs 20:17 - Esaa-líat ɛ́ péná

¹⁷ Yésus ɔ lága nyɛ nɛ́: «Ɔh siiɓágán ɓé ma! Átɔm nɛ́, mih mɓétég ɓé ma a yóg Etāa. Ndí wa, kɛɛ́n kɔ́p élōgyāŋ, ɔ lāgá yɔ́ nɛ́, ma kɛ́ á yóg Etāa nyɔ́ a lɛ ki Ɛsɔ́ŋɛ́ wāná; á yóg Loó jáma, jé lí lɛ́ ki Loo jáná.»

Yohánɛs 20:17 ပူးပေါင်းရင်းမြစ်များ

Matéus 12:50

Tɔ nzáá a ŋga ɓɔ̄ŋ nsom á Étāa nyɔ́ a lɛ á lóō, nyɛ́ nɛ́ a lɛ mɔɔ́lyāŋ á páam, mɔɔ́lyāŋ a mindígá, ndí ɔ ɓɛ́ ki yɛɛ.»

Matéus 25:40

Káísa ag kɛ ɓɔ́ lí pele nɛ́: ‹La mbálɛ, mag laga ɓɛ́nɛ nɛ́, eceg sig maná ɓɔŋlé wa mú á ɓá ɓatɔ́ga, ɓá bí lɛ́ élōgyāŋ, ɛnɛ ma nɛ́ maná ɓɔŋlé nāŋ›.

Matéus 28:7

Ámbúh náŋ, vóánɛ li kɛ miní lāgá ɓáyēge ɓɛ́ɛ́ nɛ: ‹A pāhye á póla ɓá ɓā wú, léɓyán, ag dúgu ɔ́sū, ag laaŋke ɓɛ́nɛ á Galiléa, wóŋ nɛ́ miní ŋga kɛ́ nyɛ́ lí ɛ́nle.› Náŋ nɛ́ mi mɓɛ́la nɛ́ mi lágá ɓɛ́nɛ.»

Málkus 12:26

Likɔlɓan la lipahye átē a ɓá ɓá wū, ɓaá, maná sɔ́ŋgɔ ɓé kálati Móse ápah a ŋga laga pɔ́l nyí ekaŋga ɛ́ ŋga lóŋ ɛ́h ɓɛ́ ɓé lí sííɓe é? Ákaa láá Ɔlolómɛ̄ a kwɛ́lɛ̄ nyɛ nɛ́: «Ma nɛ́ mi lɛ Ɔlolómɛ̄, Loó lí Áblaháam, Loó lí Ísaak, la Loó lí Yákob.

Málkus 16:19

Ɛnɛ́ Nyɔ́ŋ-Ɛsáŋɛ́ Yésus a mánɛ ɓɔ́ li kwɛlɛ, ɔ nyɔ̄ŋɓɛ́ á lóō, ɔ tɔ́ɔ̄ á m̀ɓɛ́nlómɛ á Ɔlolómɛ̄.

Lúkas 10:4

Miníh nyɔŋɔ́g ɓé pɔ́sa mɔní, tɔ mpég á duwɛ, tɔ bitámbí; miníh tamlág ɓé ki tɔ mut á nzen.

Yohánɛs 13:1

Á nlááhɛ a ŋgand Páska nyí Elōg-Yúda, Yésus a ŋgí yí nɛ́ ŋgɛ́ŋ yɛ́ɛ̄ li ɓógo á nyú ŋkɔŋ-á-sí li kɛ á yóg Ɛsáŋɛ́ ya kɔlan. Kasig a diŋíí ndog yɛ́ɛ̄ ɛ lɛ á ŋkɔŋ-á-sí, ɔ dīŋ yɔ li loo lí ɔ́vega.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 14:2

Mitɔɓéné ŋgandag mí lɛ́ á ndáá Etāa, áh la náŋ ɓé, kí mah laga ɓé ɓɛ́nɛ nɛ́, mag kɛ ɓɛ́nɛ li ɓoŋhan lí étɔ ápah miní ŋga kɛ́ li ɓɛ́!

Yohánɛs 14:28

Mag ɔ́ŋɔ nɛ́ maná ámblé kaa ma lágá ɓɛ́nɛ nɛ́: ‹Mag kɛ, ndí mag timan li sɔ́, mi tɔ́ɔ̄ la ɓɛ́nɛ›. Kí ɓɔŋ nɛ́ miní dīŋ ma, kí miníg kɛ li sophɛ la mívag nɛ́ mi lɛ lí tímān á yóg Etāa, átɔm nɛ́ Etāa ag loo ma.

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 16:28

Ma pámléné á átē á Etāa li sɔ́ á ŋkɔŋ-á-sí, ndí nyí vɔ́ŋɔ́ɔ mag ɓógo á ŋkɔŋ-á-sí á li timan á yóg Etāa.»

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:25

Etāa nyɔ́ á tɛ́ɛ́ sim, tɔ ákaa ɓot bí ŋkɔŋ-á-sí ɓáh lem ɓé wa, má ma yí wa, ɓɔ́g bú yí nɛ wa nɛ́ wa óm ma.

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 20:27

Váŋ nɛ́ a lága Tómas nɛ́: «Sɔ́la ɔnu-ví-wɔ vɔ́ɔ vá, légɓé mɔ máma; sɔ́la wɔ wɔ́ɔ, sɔ̄m wɔ́ á mbaa yama; ɔh pendkágán ɓé pɛ, ndí yéɓé.»

Yohánɛs 7:33

Yésus ɔ laga nɛ́: «Mi ŋgí lɛ lá ɓɛ́nɛ ányúū puh eceg, ámbúh náŋ, mag timan á mbóg mut a óm ma.

Elōg-Lóma 8:29

Ɓá a man lí pɔhɔ, a mān lí súgɛ nɛ́ bíg yáan puh la puh á épunan yé Mɔ́ɔ̄n wɛ́ɛ̄, nɛ́ ndí nyɔ́ŋ Mɔɔ́n wɛ́ɛ̄ a ɓɛ́ nyɔ́ ɔsú á lí byáa átē a linyaŋ licɛ́ŋ lí ɓot.

Elōg-Kɔlínto 2 6:18

Mag kɛ li ɓɛ́ lí ɛ́sɔ̄ŋɛ́ wāná, ɓɛ́nɛ ki miní ɓɛ́ ɓɔɔ́n ɓáma bí páam la ɓá bí ŋgɔn. Ma, Nyɔ́ŋ-Ɛsáŋɛ́ a ŋguu mísɛ nɛ́ mi ŋga pɔ́t.»

Elōg-Gálátia 3:26

átɔm nɛ́ ɓɛ́nɛ bísɛ, maná yaán ɓɔ́ɔ̄n bí Ɔlolómɛ̄, li kele la ŋyéɓé wáná la Yésus Kilístus.

Elōg-Hébɛl 11:16

Á mbálɛ, bí ŋgí somo lí ɓɛ́la lí ɛwáɓá ŋkɔŋ nyú wá loohán élɔ́ŋgɔ, nyú á lɛ́ á lóō. Ányúū náŋ nɛ́ Ɔ́lolómɛ̄ a ŋgá kɔn ɓé ɔ́sɔ̄n lí yáŋlɛ́ɛ nɛ́ Loó jáɓá, kasig a ɓōŋhán ɓɔ tísɔn ewút.

Elōg-Hébɛl 8:10

Nyɔ́ŋ-Ɛsáŋɛ́ ag kɛ la ɔsú nɛ́: «Esaa-líat mi ŋga kɛ́ li ɓɔ̄ŋ la lilóm lí Íslāɛl, ámbúh nyúŋ alɔ́ yɔ́ yé nɛ́, eceg mi ɓɛ́ mag tíi ɓɔ́ mbéndá yáma, mag kɛ ja yɔ́ lí cíi á míɔ̄ŋɔ máɓá la á mímīm máɓá. Mag kɛ li ɓɛ́ lí Loó jáɓá, ɓɔ́g bí ɓɛ́ lilóm jáma.

Pétlos 1 1:3

Eɓégɛ ɛ ɓɛ́ la Ɔlolómɛ̄, Ɛsáŋɛ́ a Ɛtáŋɛ wahá Yésus Kilístus. Átē a ŋgandag yɛɛ́ ekɔnan-ŋgɔ́ɔ́, ɔ ɓɔŋ nɛ́ bi byáá libyáa lí péná nɛ́ bi ɓɛ́la lipitá lí éniŋ, li kele la lipahye lí Yésus Kilístus á póla ɓá ɓá wū,

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.

Biyɛ́ɛ́léné 21:3

Váŋ nɛ́ ma ámblé élōh cíŋ nyí ɛ ŋgí pámle á étɔɓé-líkanʼyɛ ɛg yó nɛ́: «Lindúm ápah Ɔlolómɛ̄ a lɛ la ɓot jé» ag kɛ li ɓɛ́ lí elɔŋ la ɓɔ́. Ɓɔ́, bíg kɛ li ɓɛ́ lí milóm mɛ́ɛ́, nyɛ́g a ɓɛ́ Ɔlolómɛ̄ waɓá.

Biyɛ́ɛ́léné 21:7

Embámbá ǹdí-cíŋ a ŋga kɛ̄ li koto ɛ́g ɓɛ́ nɛ́: ma mag ɓɛ́ Lōó jɛ́ɛ́, nyɛ́g a ɓɛ́ mɔɔ́n wáma.