Yohánɛs 20:1 - Esaa-líat ɛ́ péná

¹ La miyɛ́ mí kítí mí ɔlɔ́ ví ɔ́sū ví nzamɛ́, Malía Magdála ɔ púlé a sɔŋ, kí lívito lí ŋgí lɛ, ɔ kɔ́p nɛ ɓá ɓógtɛ́ ŋgɔg ɛ ŋgí leg yɔ́.

Yohánɛs 20:1 ပူးပေါင်းရင်းမြစ်များ

Matéus 27:56

Bí ɓɛ́ɛ́ múŋ á yéŋ elɔŋ; Malía nyɔ́ a Magdála, Malía nyaŋɛ́ á Yákop la Yósɛp elɔŋ la nyaŋɛ́ a ɓɔɔ́n bí Zebedéo.

Matéus 27:60

ɔ vá wɔ̄ á ŋkánág á sɔŋ a ɓogháánɛ á ŋgɔg ányúū yɛ́ɛ̄ nyɛ́-mɛ̄n Yósɛp. Ámbúh náŋ, ɔ sógɛ́ m̀ɓáláŋ á ŋgɔg ntám á lí leg lí mínīŋglé mí sɔŋ, la nyɛ́ ɔ kɛ̄.

Matéus 27:64

Tí hɔ́ kúndɛ nɛ́ bí tát sɔŋ yɛ́ɛ̄ li pám lí álɔ̄ áŋháa, á li pún nɛ́ ɓayége ɓɛ́ɛ́ bíh yííg ɓé m̀bim wɛ́ɛ́, la ɓɔ́ bí lāgá lilómɛ ámbúh eceg nɛ́: ‹A pāhye á nyɛmb›. La náŋ, míŋ minaa máɓá míg kɛ li loo lí mí mí ɔ́sū.»

Matéus 27:66

Váŋ nɛ́ ɓá kɛ, bú téétɛ́ lí leg lí sɔŋ m̀ɓɛɛŋ la ŋgɔg ɛ ɓɛ́ɛ́ á mínīŋglé; la ɓɔ́ bú yíg tɛ́ɛ́ ɓatát váŋ.

Matéus 28:1

Ámbúh ɔlɔ́ ví évɛɛɓan ví Élōg-Yúda, Malía Magdála la nyɔ́ŋɔ́ Mālía bú kɛ̄ la miyɛ́ mí kítí mí ɔlɔ́ ví ɔ́sū ví nzamɛ́ á lí légɓe lí sɔŋ.

Matéus 28:2

Váŋ nɛ́ sí ya póghán la ŋguu. Áŋgɛl nyí Nyɔ́ŋ-Ɛsáŋɛ́ yu sɔ́lé á lóō, yú tínɛ́ ŋgɔg á miníŋglé mí sɔŋ la yɔ yu tɔ́ɔ̄ yɔ á lóō.

Málkus 15:46

Ámbúh yɛɛ́ li sóm lí mbɔ́ŋ, Yósɛp ɔ súhɛ m̀bim á Yésus á mbásá, ɔ vúlké wɔ múŋ á nyíŋ mbɔ́ŋ, ɔ nāntɛ́ɛ wɔ á sɔŋ ɓá ɓog á ŋgɔg. Ámbúh náŋ ɔ sógɛ́ ŋgɔg etám, ɔ lēg mínīŋglé mí nyíŋ sɔŋ.

Málkus 16:9

Ɛnɛ́ Yésus a pahyéé á kítí nyí ɔlɔ́ ví ɔsú ví nzamɛ́, ɔ pámlé yágá Mālía nyɔ́ a Magdála nyɔ́ a ɓógtɛ́ɛ mimbúl míɓē nzambúwá.

Yohánɛs 11:38

Náŋ ɔ síiɓán sīg-pɛ Yésus la nyɛ́ ɔ kɛ́ á sɔŋ, nyí bí ɓogóó á ŋgɔg la ɓɔ́ bú lēg miníŋglé mɛ́ɛ́ la ŋgɔg etám.

Yohánɛs 11:41

La ɓɔ́ bú ɓógtɛ́ hɔ́ ŋgɔg; Yésus ɔ ɓétɛ́ miíh á lóō ɔ lága nɛ: «Etāa, mag tíi wa mitamlan ányúū nɛ́ wa ámblé ma.

Yohánɛs 19:25

Nyaŋɛ́ á Yésus, mɔɔ́nyāŋ á nyaŋɛ́ nyɔ́ a mindígá, Malía ŋ̀gáá Kolópas la Malía nyɔ́ a Magdála nɛ́ bí ɓɛ́ɛ́ bí tɛ́ɛ́ ɓɛɓɛ la mbásá Yésus.

Yohánɛs 20:26

Ámbúh alɔ́ mwaam, ɓayége bú kɔ̄tán sīg-pɛ á nlemlem á ndáá elɔŋ la Tómas. Yésus ɔ pámlé ɓɔ, mikooká mísɛ ŋkwɛɛ́hkɛ́gɛ, ɔ tɛ́lɛ́ á m̀mím wáɓá aá la ɓɔ́ nɛ́: «Nsaŋ á ɓɛ́ la ɓɛ́nɛ.»

Misɔ́n mí Ɓáōmɓɛ 20:7

Á ɔlɔ́ ví ɔsú ví nzamɛ́, bu kɔ̄tán á lí kaan lí ékɔgá. Sɔ́kágánɛ́ Póol a ŋgí kɛ la kítí, ɔ kwɛ́lɛ ndog ɓayéɓe li pám ɓɛɓɛ la m̀mím á áū.

Elōg-Kɔlínto 1 16:2

Á ɔ́lɔ̄ ví ɔ́pug ví nzamɛ́ sig, mut sig a ɓāg yé a lā lí naŋɛ á lí ɓɔŋ nɛ́ bíh laaŋkégé ɓé mísɔ̄ máma nɛ́ ndí bí kómānɛ míkaale.

Biyɛ́ɛ́léné 1:10

M̀búl a nyɔ̄ŋ ma á ɔlɔ́ ví éɓégɛ ví Nyɔ́ŋ-Ɛsáŋɛ́, la ma mu ámblé cíŋ ecɛ́ŋ ɛg lón á mbúh yáma ákaa nséɓá.