Yohánɛs 2:19 - Esaa-líat ɛ́ péná

¹⁹ Yésus ɔ pélē mɔ nɛ́: «Búgán nyí ndáá-ēcɛ́ŋ-Ɔlolómɛ̄, li pám lí álɔ̄ áŋháa, mag kɛ yɔ li tɛ́ɛ́yɛ.»

Yohánɛs 2:19 ပူးပေါင်းရင်းမြစ်များ

Matéus 12:40

Nlemlem kaa Yónas a tɔɓéé á líbum lí kɔh ecɛ́ŋ míɓe míŋháa la nzámuh ɛ́ŋháa á sí mindím, náŋ ki nɛ́ Mɔɔ́n Mut a ŋga kɛ́ li tɔɔ míɓe míŋháa la nzámuh ɛ́ŋháa á sí-ntím.

Matéus 16:21

Váŋ á yéŋ eceg nɛ́ Yésus Kilístus a ɓōtlé lí yéglɛ lí ɓáyēge ɓɛ́ɛ́ nɛ́, ɛ́g somlɛ nɛ́ a ɓét á Yélūsalɛm, ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí teeŋgɛ́ nyɛ́ ŋgandag, bí ólhánɛ nyɛ́, ndí á ɔ́lɔ̄ vá yáhɛ áŋháa a páhyé.

Matéus 27:40

la li laga nɛ́: «Wa hɔ́, nyɔ́ ɔ ŋgɔ búg ndáá-ēcɛ́ŋ-Ɔlolómɛ̄, ndí ɔ nyɔ̄ŋ alɔ́ áŋháa á lí óŋ lí yɔ, sūŋ hɔ́ wā-mɛ̄n, kíyáɓɛ́nɛ ɔ lɛ Mɔ́ɔ̄n Ɔ́lolómɛ̄, sūh á mbásá!»

Matéus 27:63

Bú lāgá nyɛ̄ nɛ́: «Ɛtáŋɛ, ɓaá ɔ́ŋɔ jam já nɛ̄, eceg nyɔ́ m̀ɓegminaŋga a ɓɛ́ɛ́ á éniŋ, a lagléé nɛ́: ‹Á ɔ́lɔ̄ vá yáhɛ́ áŋháa mag kɛ li pahye.›

Málkus 14:58

«Ɓaá ámblé nyɛ ag laga nɛ́: ‹má mag kɛ li búg lí nyí ndáá-ēcɛ́ŋ-Ɔlolómɛ̄ nyí ya óŋɓɛ́ la ɓot-bí-bínam, ámbúh náŋ mi nyɔ́ŋ alɔ́ áŋháa á lí óŋ lí nyí étām ɛ́h ɓɛ́ ɓé wɔ á mut-a-binam.›»

Málkus 15:29

Ɓaloo-nzen bí ŋgí óŋo Yésus, bíg mɛg m̀mú la li laga nɛ́: «Wa hɔ́ nyɔ́, ɔ ŋgɔ búg ndáá-ēcɛ́ŋ-Ɔlolómɛ̄, ndí ɔ nyɔ̄ŋ alɔ́ áŋháa á lí óŋ lí yɔ,

Málkus 8:31

Ámbúh náŋ, Yésus ɔ ɓōtlé li yíhɛ lí ɓáyēge ɓɛ́ɛ́ nɛ, ɛ́g somlɛ nɛ́ Mɔɔ́n Mut a táká ŋgandag; ɓacɛ́ŋ bí Élōg-Yúda, ɓakanʼyɛ ɓatíi-nsúlé la ɓayí-mbéndá bí ɓen nyɛ́, bí óm nyɛ́ á nyɛmb ndí á ɔlɔ́ vá yáhɛ áŋháa a páhyé.

Yohánɛs 11:25

Yésus aá la nyɛ́ nɛ́: «Mi lɛ lipahye la eniŋ, nyɔ́ la nyɔ́ a ŋga yéɓé la ma, tɔ a wú ag kɛ li niŋ;

Yohánɛs 5:19

Yésus ɔ nyɔ̄ŋ sīg-pɛ mpɔ́t aá la ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, Mɔɔ́n a ŋgá la ɓé li ɓɔŋ lí jam tɔ já la nyɛ́-mɛ̄n, ndí ag ɓɔŋ ja yé a ɛ́n Ɛsáŋɛ́ ag ɓɔŋ; átɔm nɛ́ yé Ɛsáŋɛ́ a ŋga ɓɔ̄ŋ, Mɔɔ́n nyɛ́g ag ɓɔŋ yɔ́ nlemlem.

Misɔ́n mí Ɓáōmɓɛ 2:24

Ndí Ɔlolómɛ̄ a pahyɛ́ɛ́ nyɛ́, ɔ ɓógtɛ́ nyɛ á átē á ésɔghe yé nyɛ̄mb átɔm nɛ́, nyɛmb ɛh ɓɛ́ɛ́la ɓé ŋguu li byee lí nyɛ.

Misɔ́n mí Ɓáōmɓɛ 2:32

Nyɔ́ Yésus, Ɔlolómɛ̄ a pāhyɛ́ nyɛ. Ɓɛ́hɛ bísɛ bi lɛ mbóŋ.

Misɔ́n mí Ɓáōmɓɛ 3:15

Ŋ̀kanʼyɛ a eniŋ nyɔ́ maná ólhānɛ, Ɔlolómɛ̄ a pāhyɛ́ nyɛ á póla ɓá ɓá wū, bi lɛ mbóŋ míŋ mam.

Misɔ́n mí Ɓáōmɓɛ 3:26

Ányúū yaná nɛ Ɔlolómɛ̄ a dúgú lí pámɛ lí m̀ɓɔŋle wɛɛ́, ɔ óm nyɛ á lí lómbo lí ɓɛ́nɛ, la li ɓógtɛ lí wa sig á míɓē mɛ́ɛ́.»

Misɔ́n mí Ɓáōmɓɛ 6:14

Ɔɔ, ɓaá ámblé nyɛ ag laga nɛ́: ‹Nyɔ́ Yésus, mɔɔ́n Názalɛt, ag kɛ li kúlu lí Líɓōgá lipúán, a véŋé ki mbéndá Móse a yíglé ɓɛ́hɛ›.»

Elōg-Lóma 4:24

ndí náŋ a cíiɓɛ́ ki ányúū ɓɛ́hɛ ɓot bí ŋga kɛ́ li sɔ́ŋglɛ káa ɓá bí byɛ́ɛ̄ ŋyéɓé, kasig bi ŋga yéɓé la Ɔlolómɛ̄ nyɔ́ a pāhyɛ́ Ɛtáŋɛ wahá Yésus Kilístus á póla ɓá ɓá wū.

Elōg-Lóma 6:4

Li kele la nzoɓan nyí ɓaá kūh, ɓaá wú élɔŋ la nyɛ́, bu jéɓɛ̄ ki élɔŋ la nyɛ́, á li ɓɔŋ nɛ́, kaa ŋguu nyí lipém lí Étāa Ɔlolómɛ̄ ya pāhyɛ́ Yésus Kilístus á póla ɓá ɓá wū, ɓɛ́hɛ ki bi kúh eniŋ ɛ́ péná.

Elōg-Lóma 8:11

Kíyáɓɛ́ ki nɛ́ M̀búl nyú á nyɔ́ a pāhyɛ́ Yésus á póla ɓá ɓá wū á tɔ́ɔ átē wāná, ɛnɛ nyɔ́ a pāhyɛ́ Yésus Kilístus á póla ɓá ɓá wū, li kele la M̀búl wɛ́ɛ́ nyú á lɛ́ átē wāná, ag kɛ ki li niŋɛ lí nyúū yáná yí ŋga wú.

Elōg-Kɔlínto 1 15:12

Kíyáɓɛ́nɛ ɛ́g lɛ́glɛ nɛ́ Nyɔ́-a-Pɔ́hlɛ a pāhye á póla ɓā ɓá wú, nɛ̄-láá jógo lí ɓot á póla yaná lí ŋga lága nɛ́ lipahye lí ɓā ɓá wú li sē ɓé é?

Elōg-Kólóso 2:12

Kaa maná jeɓɛ́ elɔŋ la kilístus li loole la nzóɓan, náŋ ki nɛ́ maná pahyé elɔŋ la nyɛ́, ányúū nɛ́ maná yéɓé la ŋguu nyí Ɔlolómɛ̄, nyɔ́ a pāhyɛ́ nyɛ á póla ɓá ɓá wū.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.