Yohánɛs 2:11 - Esaa-líat ɛ́ péná

¹¹ Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Yohánɛs 2:11 ပူးပေါင်းရင်းမြစ်များ

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:17

Kasig mbéndá Ɔlolómɛ̄ ya tíéɓɛ́ ɓɛ́hɛ la Móse, ekɔnan-ŋgɔ́ɔ́ la mbálɛ bíg sɔ́lé ɓɛ́hɛ li kele la Yésus Kilístus.

Yohánɛs 1:43

Ɛnɛ́ kítí ya yɛ́, Yésus ɔ nyɔ̄ŋ bísúghɛ́nɛ́ li kɛ á Galiléa. Ɔ kɔ́p Filípo, a byɛ́la nyɛ́ nɛ́: «Ōŋ ma.»

Yohánɛs 1:50

Yésus ɔ laga nyɛ nɛ́: «Wa yéɓe ányúū nɛ, ma yó wa nɛ́ ma ɛ́n wa á tín fígiya. Ɔg kɛ li ɛ́n li mam mí ŋga lōo míŋ.»

Yohánɛs 10:41

Ɓot ŋgandag bú ōŋ nyɛ wóŋ bíg laga nɛ́: «Ɔɔ, Yohánɛs ah ɓɔŋ ɓé énanaŋga ɛ́ jam tɔ yá, ndí yé ɛ́sɛ a lága líkɔlɓan la nyɔ́ mut ɛ́ lɛ́ mbálɛ.»

Yohánɛs 11:15

Mag kɔnlene ɓɛ́nɛ mivag, kasig míh mɓɛ́ ɓé má wóŋ, ányúū náŋ miníg kɛ li yéɓé la ma, sɔ́án bi kɛ́nɛ́g ápah a lɛ.»

Yohánɛs 11:47

Ɓakanʼyɛ ɓatíi-nsúlé la ɓot bí Falísái bú kɔ̄tán á ɔ́ku-vicɛ́ŋ-ví-bíkāāhɛ́nɛ́, la ɓɔ́ bú lagá nɛ: «Yéé ɓa nyɛ́ɛ li ɓɔŋ é? Nyɔ́ mut ag ɓɔŋ ŋgandag binanaŋga bí mam.

Yohánɛs 12:18

Á mbálɛ, limut lí sɔ́ɔ́ lí ɓoman la nyɛ́ ányúū nɛ́ lí ámbléé yé a ɓɔŋɔ́ɔ́.

Yohánɛs 12:37

Tɔ náŋ kaa a ɓɔŋɔ́ɔ́ bíŋ binanaŋga bí mam bísɛ, ɓot bí ŋgí yéɓe ɓé la nyɛ́.

Yohánɛs 12:41

Esáya a pɔ́tɔ́ɔ́ náŋ ányúū nɛ́ a ɛ́nɛ́ɛ́ lípēm lí Yésus, ɔ pɔ́t ki likɔlɓan la nyɛ́.

Yohánɛs 14:13

Yé ɛ́sɛ miní ŋga kɛ́ li ɓat á jóō jáma, mag kɛ yɔ́ lí ɓɔŋ, la náŋ, mā Mɔɔ́n mag yáhɛ lipém lí Etāa.

Yohánɛs 16:27

átɔm nɛ́, Etāa nyɛ́-mɛ̄n ag dīŋ ɓɛ́nɛ ányúū nɛ́ maná dīŋ ma, la ki nɛ́ maná yéɓé nɛ́ ma pámléné á átē a Etāa Ɔlolómɛ̄.

Yohánɛs 16:30

Nyí vɔ́ŋɔ́ɔ, biíg yí nɛ́ ɔg yí jóō nɛ́ jam, ɔh byɛ́ɛ ɓé kóó nɛ mut a bíhī wa tɔ jam. Ányúū náŋ nɛ́ ɓaá yéɓé nɛ́ wa pámléné á átē a Ɔlolómɛ̄.»

Yohánɛs 2:1

Ŋgand aúg ɛ ɓɛ́ɛ́ á tísɔn nyí Kána á Galiléa á ɔlɔ́ vá yáhɛ́ áŋháa; Malía nyaŋɛ́ á Yésus, a ɓɛ́ɛ́ á nyíŋ ŋgand aúg.

Yohánɛs 2:23

Eceg Yésus a ɓɛ́ɛ́ á Yélūsalɛm á lí loɛ lí ŋgand Páska nyí Elōg-Yúda, ŋgandag ɓot yú yéɓé la nyɛ́ ányúū minɛ́ŋ a ŋgí ɓɔŋ.

Yohánɛs 3:2

Ɔ sɔ́ lí ɛ́n lí Yésus díɓe la díɓe, aá la nyɛ́: «Lábi, biíg yí nɛ́ ɔ lɛ ŋ̀yéglɛ nyɔ́ Ɔlolómɛ̄ a óm, átɔm nɛ́ mut tɔ wa a ŋgá la ɓé li ɓɔŋ lí mínɛ̄ŋ ɔ ŋgɔ ɓɔ̄ŋ kíyáɓɛ́nɛ Ɔlolómɛ̄ a sē ɓé la nyɛ́.»

Yohánɛs 4:3

Váŋ nɛ́ a ɓógo á Yúdēa, lí timan á Galiléa.

Yohánɛs 4:46

Yésus ɔ tímān hɔ́ á tísɔn nyí Kána á Galiléa, ápah a yaanɛ́ɛ mindím mílɔg. Ŋ̀kanʼyɛ nlɔŋ á sónja wa nyɔ́ a káísa a ɓɛ́ɛ́la mɔɔ́n-á-páam nyɔ́ a ŋgí kɔn á Kafalnáum.

Yohánɛs 4:54

Enanaŋga ɛ́ jam yá yáhɛ́ bíɓáa Yésus a ɓɔŋɔ́ɔ́ eceg a sɔ́léé á Yúdēa li kɛ á Galiléa yéŋ.

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Yohánɛs 6:14

Ɛnɛ́ ɓot ɓa ɛ́n énanaŋga ɛ́ jam yá loo, bú laga nɛ́: «Nyɔ́ mut a lɛ tihtih m̀pɔ́tle-a-Ɔlolómɛ̄ nyɔ́ a ŋga nyɛ́ɛ li sɔ́ á ŋkɔŋ-á-sí»

Yohánɛs 6:2

Edila límut yú ōŋ nyɛ ányúū nɛ́ lí ŋgí ɛ́n bínanaŋga bí mam a ŋgí ɓɔŋle ɓakɔɔ́kɔ̄n.

Yohánɛs 6:26

Yésus ɔ pélē ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, miní ŋgá somo ɓé ma ányúū minɛ́ŋ maná ɛ́n, ndí ányúū bikɔgá maná dí, mut sig ɔ yál.

Yohánɛs 6:30

Bú ɓāt sīg-pɛ nyɛ́ nɛ́: «Ndí wa, mɔɔ́mɔ́ɔ minɛ́ŋ ɔ ŋgɔ kɛ́ li ɓɔŋ ɔsú váhá nɛ́ bi yéɓé la wa é? Ɓaá, yéé ɔ ŋgɔ kɛ́ li ɓɔŋ é?»

Yohánɛs 7:31

Múŋ á jéŋ limut, ɓot ŋgandag bú yéɓé la nyɛ́, la ɓɔ́ bú ɓātán nɛ́: «Eceg Nyɔ́-a-Pɔ́hlɛ a ŋga kɛ́ li sɔ́, ɓaá ag kɛ li ɓɔŋ lí mínɛ́ŋ lí loo lí nyɔ́ é?»

Yohánɛs 9:16

Jogo lí ɓot bí Élōg-Falísái, bú ɓōtlé lí laga nɛ́: «Nyɔ́ŋ mut a ŋgá ditɛ ɓé ɔlɔ́ váhá ví évɛɛɓan, la náŋ a sē ɓé nyɔ́ a Ɔlolómɛ̄.» Ndí ɓatám bí ŋgí laga nɛ́: «Nɛ́-láá m̀ɓɔŋ-miɓé a ŋga lá li ɓɛ́la lí ŋguu li ɓɔŋ lí nyíŋ nyaa bínanaŋga bí mam é?» La ɓɔ́ bú káaɓan.

Elōg-Kɔlínto 2 3:18

Ɓɛ́hɛ bísɛ hɔ́ ɓá misú mí áhɛ́, epaa yé Nyɔ́ŋ-Ɛsáŋɛ́ ɛ́g ɛ́nyéné á nyuú yáhá kaa á élembán. Jɔ́ hɔ́ nɛ, kaa Nyɔ́ŋ-Ɛsáŋɛ́ a lɛ M̀búl, a yaanɛ́ ɓɛ́hɛ nlemlem ákaa nyɛ́, átē a lipém jé lí ɓáág já lícɛ̄ŋɛ́ la licɛ́ŋɛ́.

Elōg-Kɔlínto 2 4:17

Ɔɔ, kí ɓaá kēt bísɔghe bí nyí lɛn, bí lɛ́ yɛ̄mɛ́ á ŋgwáāg ádit nyú á lípēm lí pɔ́gɔ́-pɔgɔ jé bíŋ bisɔghe bí ŋga ɓóŋhan ɓɛ́hɛ.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Yohánɛs 1 5:13

Ma cíilé ɓɛ́nɛ míŋ mam mísɛ á lí ɓɔŋ nɛ́, ɓɛ́nɛ ɓá miní ŋga yéɓe á jóō lí Mɔ́ɔ̄n Ɔ́lolómɛ̄, miní yí nɛ́ miní byɛ́ɛ́ eniŋ éɓem.