Yohánɛs 18:12 - Esaa-líat ɛ́ péná

¹² La nlɔŋ á sónja la ŋ̀kanʼyɛ waɓá, la ɓatát ɓákanʼyɛ bí Élōg-Yúda bú byeé Yésus, la ɓɔ́ bú kág nyɛ.

Yohánɛs 18:12 ပူးပေါင်းရင်းမြစ်များ

Matéus 26:57

Ɓot bí byeléé Yésus, bí kɛ̄nɛ́ɛ́ la nyɛ́ á yóg Kaífa, ŋ̀kanʼyɛ ǹcɛ́ŋ a ɓatíi-nsúlé, ápah ɓayí-mbéndá la ɓacɛ́ŋ bí lílōmɛ bí kómāān.

Matéus 27:2

Ámbúh náŋ, bú kág nyɛ la ɓɔ́ bú kɛ́la nyɛ́ á yóg gɔ́mna licɛ́ŋ Piláto.

Matéus 27:27

Ámbúh náŋ, sónja yí gɔ́mna licɛ́ŋ yú kɛ́la Yésus á ndáá yɛ́ɛ̄ nyɛ́ gɔ́mna licɛ́ŋ, elōg sónja ɛ́sɛ yú díí nyɛ.

Málkus 14:53

Ɓabyee Yésus bú kɛla nyɛ́ á yóg ŋ̀kanʼyɛ ǹcɛ́ŋ a ɓatíi-nsúlé, ápah ɓakanʼyɛ ɓatíi-nsúlé, ɓayí-mbéndá la ɓacɛ́ŋ bí lílōmɛ ɓɔ́ bísɛ bí kómāān.

Málkus 15:1

La miyɛ́ mí kítí, ɓakanʼyɛ ɓatíi-nsúlé bú tɔɔ á émɔga elɔŋ la ɓacɛ́ŋ bí mílōmɛ, la ɓayí-mbéndá, la ɔku-vicɛ́ŋ-ví-bíkāāhɛ́nɛ́ vísɛ nɛ́ ɓaam. Bú kág Yésus, bú kɛ nyɛ li tíi lí Piláto.

Lúkas 22:54

La ɓɔ́ bú byeé Yésus, bú kɛla nyɛ́, bú níŋgi la nyɛ á nlɛ́ɛ́ á ŋ̀kanʼyɛ ǹcɛ́ŋ a ɓatíi-nsúlé. Pétlos ki a ŋgí oŋ ɓɔ́ puh enɛŋɛ́ á mbúh.

Yohánɛs 18:3

Yúdas a ɓɛ́ɛ́ á m̀mú á ntaandá á nlɔŋ á sónja la ɓatát ndáá-ēcɛ́ŋ-Ɔlolómɛ̄. Ɓáŋ ɓot, ɓakanʼyɛ ɓatíi-nsúlé la ɓot bí Falísái nɛ́ bí ómóó ɓɔ́. Bú níŋgí á ǹdíí á biɓɛɓɛ́la bí ɓɛ́gɛ ŋwaa, bitúlkáŋ la bidulé-bí-wélan.

Misɔ́n mí Ɓáōmɓɛ 10:1

Mut wa á ɓɛ́ɛ́ á Sezaléa nɛ́ Kɔlnéya, ŋ̀kanʼyɛ nlɔŋ á eɓógo ɛ́ sónja á ŋga yáŋlɛ nɛ́ «nlɔŋ á Itália».

Misɔ́n mí Ɓáōmɓɛ 21:31

Eceg bí ŋgí somo nyɛ́ li ól, pɔ́l yu kɛ́ á yóg ŋ̀kanʼyɛ ǹcɛ́ŋ a ɔkóó ví sónja nyɔ́ a Lóma nɛ́: «Mpóghānɛ́ a lɛ á Yélūsalɛm nyɔ́ a lōo ɔ́vega!»

Misɔ́n mí Ɓáōmɓɛ 21:37

Eceg bí ŋgí kɛ lí níŋgɛ lí Póol á yáli-sónja, ɔ lága ŋ̀kanʼyɛ ǹcɛ́ŋ a ɔkóó ví sónja waɓá nɛ: «Sóon mi lɛ́ nɛ ma lága wa jam é?» Nyɔ́ŋ ŋ̀kanʼyɛ ǹcɛ́ŋ ɔ tímānɛ̄ nyɛ nɛ́: «Ɔg pɔ́t pɔ́n Gelékia!

Misɔ́n mí Ɓáōmɓɛ 23:10

Kasig jómo lí ŋgí ɓét bí lí ɓét, ŋ̀kanʼyɛ ǹcɛ́ŋ a ɔkóó ví sónja ɔ kɔ̄n woŋ nɛ́ bíg saŋ Póol bitun bitun, ɔ kānʼyɛ́ nɛ bí ɓógtɛ́ nyɛ́ á m̀mím wáɓá, bí tímān la nyɛ́ á yáli-sónja.