Yohánɛs 18:11 - Esaa-líat ɛ́ péná

¹¹ Ndí Yésus ɔ lága Pétlos nɛ́: «Timánɛ mboná yɔɔ á ŋkoɓá! Liɓondó lí ésɔghe Etāa a tí ma, ɓaá māh nyɛɛ ɓé jɔ li nyú é?»

Yohánɛs 18:11 ပူးပေါင်းရင်းမြစ်များ

Matéus 20:22

Yésus ɔ pélē nɛ́: «Miní ŋgá yí ɓé yé miní ŋga ɓāt. Ɓaá, miníg la li nyú lí líɓondó lí ésɔghe mi ŋga kɛ́ li nyú é?» La ɓɔ́ bú pélē nyɛ nɛ́: «Ɔɔ, biíg la.»

Matéus 26:39

La nyɛ́ ɔ nɛ́ŋɛ̄ puh, ɔ úlɓán, asú á sí, ɔ kánɛ̄ nɛ: «Etāa, kíyáɓɛ́nɛ náŋ a lɛ́ nɛ a ɓɔŋɓɛ, jé liɓondó lí ésɔghe lí nɛ́ŋɛ̄ la ma, ɛ́h ɓɔ̄ŋɓɛ́gɛ́ ɓé jā ákaa nsom wáma, ndí ákaa nsom wɔ́ɔ.»

Matéus 26:42

Yésus ɔ nɛ́ŋɛ̄ ŋgele ya yáhɛ́ ɛ́ɓáa, ɔ kánɛ̄ nɛ: «Etāa, kí ɓɔŋ nɛ́ jé liɓondó lí ésɔghe lí lɛ́ nɛ lá lōo ɛ́h ɓɛ́ ɓé nɛ ma nyú jɔ́, ndí, nsom wɔ́ɔ nɛ́ á ɓɔ̄ŋɓɛ́!»

Lúkas 12:30

Bíŋ bísɛ, ɓot bí ŋgíla ŋyéɓé bí nyí sí nɛ bí ŋga sómo byɔ́ ɛ́h ɓɛ́ ɓé lí tɔmb. Ndí ɓɛ́nɛ, Ɛsɔ́ŋɛ́ wāná ag yí yé miní byɛ́ɛ́ kóó.

Lúkas 22:42

«Etāa, kí wá yéɓe, nɛ̄ŋɓɛ́ ma jé liɓondó lí ésɔghe. Ah nsom wáma ɓé, ndí nsom wɔ́ɔ nɛ́ á ɓɔ̄ŋɓɛ́ɛ!»

Yohánɛs 15:10

Kíyáɓɛ́nɛ maná oŋlé mítiŋ máma mí mbéndá, miníg kɛ li tɔɔ átē á ediŋ yáma; náŋ a lɛ nlemlem kaa ma ōŋlé mítiŋ mí mbéndá nyí Etāa, mag mu tɔ́ɓēné átē á ediŋ yɛ́ɛ́.»

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 18:36

Yésus ɔ pélē nyɛ nɛ́: «Likanʼyɛ jáma lí sē ɓé mú á nyí sí. Ki ɓɔŋ nɛ́ likanʼyɛ jáma lí ɓɛ́ɛ́g mú á nyí sí, kí ɛ́ɓáma-ɓáma ɓá du nɛ́ mih nuŋlɛ́gɛ́ ɓé ma á yóg ɓakanʼyɛ bí Élōg-Yúda. Ndí likanʼyɛ jáma lí sē ɓé vá.»

Yohánɛs 20:17

Yésus ɔ lága nyɛ nɛ́: «Ɔh siiɓágán ɓé ma! Átɔm nɛ́, mih mɓétég ɓé ma a yóg Etāa. Ndí wa, kɛɛ́n kɔ́p élōgyāŋ, ɔ lāgá yɔ́ nɛ́, ma kɛ́ á yóg Etāa nyɔ́ a lɛ ki Ɛsɔ́ŋɛ́ wāná; á yóg Loó jáma, jé lí lɛ́ ki Loo jáná.»

Elōg-Kɔlínto 2 10:4

Kɛ́m, bidulé-bí-wélan byáhá bí ŋgá sɔ́le ɓé la ɓot-bí-bínam, ndí bíg nyɔŋle ŋguu la Ɔlolómɛ̄ á lí cɛ́hɛ lí yé ɛ́sɛ ɛ́ ŋga tɛ́ŋgánɛ Nyɛ́. La náŋ biíg dím míɔ̄ŋɔ mísɛ míh tɛ́ɛ́ ɓé,

Elōg-Kɔlínto 2 6:7

ányúū mbálɛ bi ŋga lɛ́gɛ li oŋle la ŋguu Ɔlolómɛ̄, li oŋle la yé ɛ́sɛ ɛ́ tɛ́ɛ́ sim ɔ́sū vɛ́ɛ́, á lí óŋgánɛ lí ɓɛ́hɛ li du la li suŋ lí ɓɛ́hɛ-mɛ̄n.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.