Yohánɛs 17:5 - Esaa-líat ɛ́ péná

⁵ Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 17:5 ပူးပေါင်းရင်းမြစ်များ

Matéus 25:34

Káísa ɛg kɛ li laga lí ɓá bí lɛ́ á m̀ɓɛ́nlómɛ wɛɛ́ nɛ: ‹Sɔ́án, ɓɛ́nɛ ɓá maná lómblɛ́ la Etāa, nyɔŋán Ékombo ákaa embámbá yé ɓá ɓoŋhán ɓɛ́nɛ, li ɓotle á mívegɓɛ mí ŋkɔŋ-á-sí

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 10:30

Ma la Etāa bi lɛ mut wa.»

Yohánɛs 14:9

Yésus ɔ lága nyɛ nɛ́: «Á Filípo, ntaandá á éceg nyú mi lɛ̄ élɔŋ la ɓɛ́nɛ, ndí tɛɛla vɔ́ŋɔ́ɔ ɔ ŋgɔ́ lem ɓé ma é? Tɔ nzáá a ɛ́n ma, ɛnɛ a ɛ́n Étāa. Ányúū yéé hɔ́ ɔ ŋgɔ lága nɛ́: ‹Étɛ ɓɛ́hɛ Etāa é?›

Yohánɛs 17:1

Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 3:13

Átɔm nɛ́ mut tɔ wa a lɛ ŋgí lí ɓét á lóō, amáh sig Mɔɔ́n Mut nyɔ́ a sɔ́léné á lóō.

Yohánɛs 8:58

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, sɔ́kágánɛ́ Áblaháam ag ɓɛ́, kí má Mí Lɛ.»

Elōg-Fílípi 2:6

Nyɛ́ Yésus Kilístus, tɔ náŋ ákaa a byɛ́ɛ̄ líɓɛ́ɛg lí Ɔ́lolómɛ̄, āh ɔ́ŋɔ ɓé nɛ́ kaa a kɔ́ɔ la Ɔlolómɛ̄, náŋ a lɛ́ jam a nyɛ́ɛ lí tɔɓene.

Elōg-Hébɛl 1:10

Ɔlolómɛ̄ a lága ki nɛ́: «Ɛtáŋɛ, á míɓōtlé, wa nɛ́ ɔ vegéé sí, wu vēg ki loó la mɔ mɔ́ɔ.

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Yohánɛs 1 1:2

átɔm nɛ́ eniŋ yá yɛ́ɛ́lɛ, la ɓɛ́hɛ bu ɛ́n yɔ; biíg tíi mbóŋ yɛ́ɛ̄ ányúū náŋ nɛ́ bi ŋga lɛ́gɛ ɓɛ́nɛ pɔ́l nyí eniŋ éɓem, yé ɓɛ́ɛ́ á ŋgwáāg Etāa Ɔlolómɛ̄ ndí yú yɛ́ɛ́léné ɓɛ́hɛ yɔ́-mɛ̄n.

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.