Yohánɛs 17:3 - Esaa-líat ɛ́ péná

³ Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Yohánɛs 17:3 ပူးပေါင်းရင်းမြစ်များ

Málkus 9:37

«Tɔ nzáá a lɛ́glé mɔɔ́n ákaa nyɔ́ á jóō jáma, ɛnɛ mā-mɛn nɛ́ a lɛ́gle; tɔ nzáá ki a lɛ́glé ma, ah ma ɓé nɛ a lɛ́gle, ndí a lɛ́glé ja nyɔ́ a óm ma.»

Lúkas 9:48

a byɛ́la ɓɔ́ nɛ́: «Tɔ nzáá a lɛ́glé nyɔ́ mɔɔ́n á jóō jáma, a lɛ́glé ma; tɔ nzáá ki a ŋga lɛ́gle ma, a lɛ́glé nyɔ́ a óm ma. Átɔm nɛ́ nyɔ́ a lóohán lí ɓɛ́ lí ntɔ́ga á póla yaná ɓɛ́nɛ bísɛ, nyɛ́ nɛ́ a lɛ mut ǹcɛ́ŋ.»

Yohánɛs 10:36

Mā mut Etāa a pɔ́hɔ, ɔ óm á ŋkɔŋ-á-sí, ma nɛ́ miní ŋga laga nɛ́: ‹Ɔg vɔ́ɔ́le Ɔlolómɛ̄› ányúū nɛ́ ma lága nɛ́: ‹Mi lɛ Mɔɔ́n Ɔlolómɛ̄› é?

Yohánɛs 11:42

Mag yí la mbálɛ nɛ́ ɔg ámble ma eceg sig. Ndí, ányúū jé limut la díí ma, mag pɔ́t nɛ́ ndí bí yéɓé nɛ́ wa nɛ́ wa óm ma.»

Yohánɛs 14:26

M̀mɔ́mɛ, M̀búl Mpúán nyɔ́ Etāa a ŋga kɛ́ li óm á jóō jáma, ag kɛ ɓɛ́nɛ li yéglɛ lí míŋ mam mísɛ, la li ɔ́ŋlánɛ lí ɓɛ́nɛ yé ɛ́sɛ ma lága ɓɛ́nɛ.

Yohánɛs 17:18

Nlemlem kaa wa óm ma á ŋkɔŋ-á-sí, náŋ nɛ́ mág ma óm ɓɔ́ á ŋkɔŋ-á-sí

Yohánɛs 17:21

nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 17:25

Etāa nyɔ́ á tɛ́ɛ́ sim, tɔ ákaa ɓot bí ŋkɔŋ-á-sí ɓáh lem ɓé wa, má ma yí wa, ɓɔ́g bú yí nɛ wa nɛ́ wa óm ma.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 3:17

La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 3:34

Jɔ́ nɛ́, mut Ɔlolómɛ̄ a óm ag pɔ́t biɓaŋgá bí Ɔ́lolómɛ̄, ányúū nɛ́ Ɔlolómɛ̄ ag yáhɛ nyɛ́ la M̀búl wɛ́ɛ́ ɛ́h ɓɛ́ ɓé ɔ́vega.

Yohánɛs 5:44

Nɛ́-láá hɔ́ miní ŋga lá li yéɓe, kíyáɓɛ́nɛ miníg tíélán lipém ɓɛ́nɛ la ɓɛ́nɛ ndí manáh somó ɓé lípēm lí ŋga sɔ́le la Ɔlolómɛ̄ nyɛ́-ntámɛ́ é?

Yohánɛs 6:57

Nlemlem kaa Etāa a óm ma a lɛ á éniŋ, ndí mág mú ɓɛ́ á éniŋ li kele la nyɛ́, jɔ nɛ́ tɔ nzáá a ŋga dí nyuú yáma ag kɛ li niŋ li kele la ma.

Yohánɛs 7:29

Ndí ma, mag lem nyɛ́, ányúū nɛ́, á mbóg yɛ́ɛ̄ nɛ ma sɔ́léne, nyɛ́ nɛ́ a óm ma.»

Yohánɛs 8:19

Ɓɔɔ́n bí Élōg-Falísái bú bíhī nyɛ nɛ́: «Ɛsɔ́ŋɛ́ a lɛ véé é?» Yésus ɔ pélē ɓɔ nɛ́: «Ákaa miní ŋgá yí ɓé ma, jɔ́ nɛ́ miní ŋgá yí ɓé ki Etāa! Ki ɓɔŋ nɛ́ miní ŋga yí ma, kí miní ŋga yí ki Etāa.»

Elōg-Kɔlínto 1 15:34

Miní tímānɛ miɔ́ŋɔ máná la mbúh, miníh ɓɔ̄ŋɔ́g ɓé pɛ aɓé! Átɔm nɛ́ jogo lí ɓot á póla yaná lí ŋgá yí ɓé Ɔ́lolómɛ̄, náŋ á lɛ̄ mbɔ́ɔla ányúū yāná.

Elōg-Kɔlínto 1 8:4

Ɓaá, tít ɓá súlé bísāt ɛ́g la li díéɓɛ é? Biíg yí m̀ɓɛɛŋ nɛ́ esát tɔ yá ɛ́ sē ɓé mú á nyú ŋkɔŋ-á-sí, la ki nɛ́ miloó mítām mí sē ɓé amáh sig pɔmbɛ Ɔlolómɛ̄.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Fílípi 3:10

Yé ɛ́sɛ mi ŋga sómo, ɛ́ lɛ́ lí yí lí Nyɔ́-a-Pɔ́hlɛ, li yí lí ŋguu nyí ya pāhyɛ́ nyɛ, nɛ́ ndí mi nyɔ́ŋ ŋgaan á bísɔghe byɛ́ɛ́, á lí ɓɔŋ nɛ́ mi púnān la nyɛ́ á nyɛ̄mb yɛ́ɛ̄.

Elōg-Fílípi 3:8

Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Elōg-Tésaloníka 1 1:9

La mbálɛ, ɓot bísɛ bíg máŋa láá maná lɛ́glé ɓɛ́hɛ eceg bi ɓɛ́ɛ́ á yóg yāná, la ákaa maná cóó bísāt byáná, á lí yaan lí ɓáɓɔŋle Ɔlolómɛ̄, Loó lí éniŋ la jé lí mbálɛ,

Elōg-Tésaloníka 2 1:8

Ag kɛ li sɔ́ átē a lindombo lí nzáan, á lí kɔ́ghɛ lí ɓot bí ŋgá yí ɓé Ɔ́lolómɛ̄ tɔ li ógle lí Pɔ́l M̀ɓɛɛŋ nyí nyɛ́ Ɛtáŋɛ wahá Yésus.

Elōg-Hébɛl 3:1

La náŋ hɔ́ á élōgyāŋ, ɓɛ́hɛ ɓá bi lɛ̄ ndog-Ɔlolómɛ̄, nyí ya yéɓé ŋyáŋlán wɛ́ɛ́, miní légɓé Yésus. Ɔlolómɛ̄ a óm nyɛ́ nɛ́ a ɓɛ́ ɓɛ́hɛ ǹtíi-nsúlé ǹcɛ́ŋ, La nyɛ́ nɛ́ bi ŋga yéɓé.

Pétlos 2 1:2

Ndómbo la nsaŋ bí ɓɛ́ la ɓɛ́nɛ ŋgandag, li kele la yé miní ŋga yí likɔlɓan la Ɔlolómɛ̄, la Yésus Ɛtáŋɛ wahá.

Pétlos 2 1:3

Ákaa ɛ́sɛ, ŋguu Ɔlolómɛ̄ ya káalé ɓɛ́hɛ yé ɛ́sɛ ɛ́ lɛ́ nsɛ́ŋ á éniŋ, yu ɓɔ̄ŋ nɛ bi tíŋɓé la Ɔlolómɛ̄, la náŋ, ya ɓɔ̄ŋ nɛ bí yí mut a yáŋá ɓɛ́hɛ nɛ́ bi nyɔ́ŋ ŋgaan á lípēm jɛ́ɛ́ la á misɔ́n mɛ́ɛ́ mí m̀ɓɛɛŋ.

Pétlos 2 1:8

Ákaa ɛ́sɛ, kíyáɓɛ́nɛ maná loohán lí ɓɛ́la lí bíŋ bilɛ́m bílāām bísɛ, bíg yígle ɓɛ́nɛ nɛ́ miníh kómānɛ́gɛ́ ɓé mɔ, ndí miní úm mitám mílāām, nɛ́ ndí miní kóndyé lí yí lí Ɛtáŋɛ wahá Yésus Kilístus.

Yohánɛs 1 1:2

átɔm nɛ́ eniŋ yá yɛ́ɛ́lɛ, la ɓɛ́hɛ bu ɛ́n yɔ; biíg tíi mbóŋ yɛ́ɛ̄ ányúū náŋ nɛ́ bi ŋga lɛ́gɛ ɓɛ́nɛ pɔ́l nyí eniŋ éɓem, yé ɓɛ́ɛ́ á ŋgwáāg Etāa Ɔlolómɛ̄ ndí yú yɛ́ɛ́léné ɓɛ́hɛ yɔ́-mɛ̄n.

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 2:23

Tɔ nzáá a ŋga táŋɓan Mɔɔ́n ah byɛ́ɛ́ ɓé Étāa. Nyɔ́ la nyɔ́ a ŋga páha ɔ́sū ví ɓot nɛ́ ag yéɓé la Mɔɔ́n a byɛ́ɛ́ ki Etāa.

Yohánɛs 1 4:6

Ɓɛ́hɛ, bi lɛ ɓá bí Ɔ́lolómɛ̄. Nyɔ́ a ŋga yí Ɔ́lolómɛ̄ ag ámble ɓɛ́hɛ. Nyɔ́ a sē ɓé la Ɔlolómɛ̄ a ŋgá ámble ɓé ɓɛ́hɛ. Váŋ nɛ́ bi ŋga yí ápah M̀búl á mbálɛ á lɛ, la nyú á njáŋgá.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.