Yohánɛs 17:26 - Esaa-líat ɛ́ péná

²⁶ Ma yíhɛ́ ɓɔ joó jɔ́ɔ, mag kɛ sīg-pɛ ɓɔ́ jɔ́ lí yíhɛ, nɛ́ ndí bí ɓɛ́la ediŋ wa dīŋ ma, la nɛ́ mág mi ɓɛ́ la ɓɔ́.»

Yohánɛs 17:26 ပူးပေါင်းရင်းမြစ်များ

Yohánɛs 14:20

Víŋ ɔlɔ́ nɛ miníg ŋga kɛ́ li yí nɛ́, mi lɛ átē a Etāa, ɓɛ́nɛ ki miní lɛ́ átē wama, mág mu ɓɛ́ á átē waná.

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Yohánɛs 15:15

Mí ŋgá yáŋa ɓé pɛ ma ɓɛ́nɛ nɛ́ ɓaɓɔŋle, ánsī nɛ m̀ɓɔŋle a ŋgá yí ɓé yoóm ŋ̀kanʼyɛ wɛɛ́ a ŋga ɓɔ̄ŋ. Mag yáŋa ɓɛ́nɛ nɛ́ miwándá, ányúū nɛ yé ɛ́sɛ ma ámblé Etāa ag laga, ma yíhɛ́ ɓɛ́nɛ yɔ́.

Yohánɛs 15:4

Miní atɓán la ma kaa mág mi atɛ́ la ɓɛ́nɛ! Nlemlem kaa ŋkɔɔ a sē ɓé nɛ wá úm bínyɛŋgɛ́n la wɔ́-mɛ̄n kíyáɓɛ́nɛ áh átɛ ɓé la tín, náŋ nɛ́, tɔ ɓɛ́nɛ ki miní sē ɓé nɛ maná úm bínyɛŋgɛ́n kíyáɓɛ́nɛ miní átɛ ɓé la ma.

Yohánɛs 15:9

Ákaa Etāa a diŋ ma, náŋ nɛ́ mág ma díŋɛ́ ɓɛ́nɛ. Jɔ́ nɛ́, tɔɓán átē a ediŋ yáma.

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 17:6

Ma yíhɛ́ jóō jɔ́ɔ ɓot wa nyɔ̄ŋ á ŋkɔŋ-á-sí á lí tíi lí ma, bí ɓɛ́ɛ́ ɛ́ɓɔ́ɔ, wu tí ma ɓɔ́, lá ɓɔ́ bú óglé eɓaŋgá yɔ́ɔ.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Yohánɛs 8:50

Mih byɛ́ɛ́ ɓé nɛ́ mi sómó lípēm jama mā-mɛ̄n; ndí, Mut ntám a lɛ nyɔ́ a ŋga sómo lipém jáma, ndí ag kááhɛ ki.

Elōg-Lóma 8:10

Ndí, kíyáɓɛ́nɛ Nyɔ́-a-Pɔ́hlɛ a lɛ átē wāná, la mbálɛ, tɔ náŋ ákaa nyuú yāná ya nyɛ́ɛ lí wú ányúū njɔm nyí miɓé, M̀búl nyɛ́ ag tíi ɓɛ́nɛ eniŋ ányúū nɛ, Ɔlolómɛ̄ a yáanɛ́ ɓɛ́nɛ ɓá bí tɛ́ɛ́ sim.

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 1 12:12

Ákaa ɛ́sɛ, bi nyɔ̄ŋ ví ɔvega nɛ́, nyuú ɛ lɛ̄ jā ya, ndí ɛ byɛ́ɛ́ bíjo ŋgandag, bíŋ bijo, tɔ náŋ ákaa bí lɛ́ ɔ́bul bíg oŋgɛ jā nyúū ya. Náŋ ki nɛ́ Nyɔ́-a-Pɔ́hlɛ a lɛ.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Éféso 1:6

Bi lɔ́ŋgɛ́ hɔ́ lipém lí Ɔlolómɛ̄, ányúū taŋ míkaale a tí ɓɛ́hɛ la m̀mím nláám á ŋ̀atanɛ́ wāhá la edidíŋɛ yɛ́ɛ́ Mɔ́ɔ̄n Yésus Kilístus.

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Elōg-Éféso 5:30

Ɓaá, bi sē ɓé ja bíjo bí nyúū bí Nyɔ́-a-Pɔ́hlɛ é?

Elōg-Éféso 5:32

Nyíŋ mbaŋ ɛ lɛ́ ŋguu. Ma, mag laga nɛ́ ɛg pɔ́tle Nyɔ́-a-Pɔ́hlɛ la Eɓasɛ.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:10

Ɓɛ́nɛ ki, á ŋ̀atanɛ́ la nyɛ́, miní kɔlánɛ̄ á mam mísɛ, kasig nyɛ́ nɛ́ a lɛ ŋ̀kanʼyɛ Migɔ́mna la Ŋguu ecɛ́ŋ ɛ́sɛ.

Elōg-Kólóso 3:11

Jɔ́ hɔ́ nɛ, ɛ́ ŋgá ɓɛ́ ɓé pɛ nɛ́ mɔ́ɔ̄n Élōg-Gelékia nyɔ́, tɔ nɛ́ mɔɔ́n Élōg-Yúda nyɔ́, ɛ́ ŋgá ɓɛ́ ɓé pɛ nɛ́ mut a kwɛ́ɛɓɛ nyɔ́ tɔ nɛ́ epɔ̄-mut yé, ɛ́ ŋgá ɓɛ́ ɓé pɛ nɛ́ ɓacɛn-bí-ɓot ɓá tɔ nɛ́ ɓɛɛ́n-bí-ŋkɔŋ ɓá, ɛ́ ŋgá ɓɛ́ ɓé pɛ nɛ́ ŋyɔ́ŋ nyú tɔ nɛ́ kundɛ-mut nyí, ndí Kilístus nɛ́ a lɛ́ byɔ́ bísɛ ányúū ɓot bísɛ.

Elōg-Tésaloníka 2 2:16

Ɔlolómɛ̄ Etāa wahá nyɔ́ a dīŋ ɓɛ́hɛ, á ékɔnan-ŋgɔ́ɔ́ yɛ́ɛ́, a sɔ́la ɓɛ́hɛ emɔ́mɛ yé éɓem, a tí ki ɓɛ́hɛ taŋ lipitá,

Elōg-Hébɛl 2:12

ányúū náŋ nɛ́ a ŋga lága nɛ́: «Ɔ́lolómɛ̄, mag kɛ li lɛgɛ lí élōgyāŋ joó jɔ́ɔ, mag kɛ wa lí ɓégɛ á ŋkɔtanɛ́ a ɓot»,

Yohánɛs 1 3:24

Nyɔ́ la nyɔ́ a ŋga náŋɛ mbéndá yí Ɔlolómɛ̄, a lɛ la Ɔlolómɛ̄, Ɔlolómɛ̄ ki ɔ ɓɛ́ la nyɛ́. Náŋ nɛ́ bi ŋga yí nɛ́ a lɛ lā ɓɛ́hɛ, li kele la M̀búl Mpúán a tí ɓɛ́hɛ kaa likaale.