Yohánɛs 17:23 - Esaa-líat ɛ́ péná

²³ nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 17:23 ပူးပေါင်းရင်းမြစ်များ

Yohánɛs 10:38

Ndí, kíyáɓɛ́nɛ mɔ́ nɛ́ mi ŋga ɓɔ̄ŋ, tɔ manáh yéɓe ɓé la ma, yéɓyán ányúū míŋ misɔ́n, á li ɓɔŋ nɛ́ miní yí, miní sɔ́ŋtánɛ ki nɛ́ Etāa a lɛ até wama, mág mu ɓɛ́ até a Etāa.»

Yohánɛs 13:35

Eceg ediŋ ɛ́ lɛ á póla yaná, ɓot bísɛ bíg kɛ li yí nɛ́ miní lɛ ɓáyēge ɓáma.»

Yohánɛs 14:10

Ɓaá, ɔ ŋgɔ́ yéɓe ɓé nɛ mi lɛ átē a Etāa, Etāa ki ɔ ɓɛ́ átē wama é? Biɓaŋgá mi ŋga lága ɓɛ́nɛ bí ŋgá sɔ́le ɓé la mā-mɛ̄n! Ndí, Etāa nyɔ́ a lɛ́ átē wama nɛ́ a ŋga yáhɛ misɔ́n mɛ́ɛ́ nyɛ́-mɛ̄n.

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Yohánɛs 15:9

Ákaa Etāa a diŋ ma, náŋ nɛ́ mág ma díŋɛ́ ɓɛ́nɛ. Jɔ́ nɛ́, tɔɓán átē a ediŋ yáma.

Yohánɛs 16:27

átɔm nɛ́, Etāa nyɛ́-mɛ̄n ag dīŋ ɓɛ́nɛ ányúū nɛ́ maná dīŋ ma, la ki nɛ́ maná yéɓé nɛ́ ma pámléné á átē a Etāa Ɔlolómɛ̄.

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:21

nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 17:26

Ma yíhɛ́ ɓɔ joó jɔ́ɔ, mag kɛ sīg-pɛ ɓɔ́ jɔ́ lí yíhɛ, nɛ́ ndí bí ɓɛ́la ediŋ wa dīŋ ma, la nɛ́ mág mi ɓɛ́ la ɓɔ́.»

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 3:17

La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Gálátia 3:28

La náŋ, ɛ́ ŋgá ɓɛ́ ɓé pɛ nɛ́: mɔɔ́n Élōg-Yúda nyɔ́, tɔ nɛ́ mɔɔ́n Élōg-Gelékia nyɔ́; ɛ́ ŋgá ɓɛ́ ɓé pɛ nɛ́: ŋyɔ́ŋ nyú, tɔ nɛ́ kundɛ-mut nyí; páam nyí tɔ nɛ́ mindígá nyɔ́; átɔm nɛ́ ɓɛ́nɛ bísɛ maná yaán jā mut wa á ŋ̀atanɛ́ la Yésus Kilístus.

Elōg-Fílípi 3:15

Ɓɛ́hɛ bísɛ ɓá ɓaá óló á ŋyéɓé, bi ɓɛ́la míŋ miɔ́ŋɔ. Ndí, kí yá ɓɛ́ hɔ́ nɛ́ miní byɛ́ɛ miɔ́ŋɔ mitám, Ɔlolómɛ̄ ag kɛ ɓɛ́nɛ li étɛ lí yé ɛ́ lɛ.

Elōg-Kólóso 1:28

Nyɔ́ŋ Yésus Kilístus, la eyí ɛ́sɛ nɛ́ bi ŋga lɛ́gɛ pɔ́l yɛ́ɛ̄, nɛ́ bi ŋga ɓóŋyɛ la li yéglɛ lí mut sig, nɛ́ ndí mut sig a ɓɛ́ ŋ̀ólɓag m̀ɓɛɛŋ átē a ŋ̀atanɛ́ la nyɛ́.

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Elōg-Kólóso 3:14

Ndí, ákaa jam li ɔsú, ɓɛ́án la ediŋ átē wāná, átɔm nɛ́ yɔ́ nɛ́ ɛ lɛ́ taŋ ŋ̀atanɛ́.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 3:1

Léɓyán édiŋ ecɛ́ŋ Etāa a tí ɓɛ́hɛ kaa likaale, nɛ́ bi yáŋlɛ́ ɓɔɔ́n bí Ɔlolómɛ̄. Bi lɛ kɔɔ ɓɔ́! Kasig ŋkɔŋ-á-sí wáh yí ɓé Ɔlolómɛ̄, ányúū náŋ nɛ́ á ŋgá la ɓé ɓɛ́hɛ li yí.

Yohánɛs 1 4:19

Ndí ɓɛ́hɛ, biíg diŋan, ányúū nɛ nyɛ́ Ɔ́lolómɛ̄ nɛ a dúgú ɓɛ́hɛ li diŋ.

Biyɛ́ɛ́léné 3:9

Ɛ́n sig, mag nuŋlɛ wa ɓot bí nlɔŋ á Sátan, ɓá bí ŋga lága nɛ́ bí lɛ́ ɓɔ́ɔ̄n bí Élōg-Yúda, ndom nɛ́ bí sē ɓé ɓɔ̄, bíg ɓaŋ minaa. Ɛ́n sig, mag kɛ ɓɔ́ lí sɔ́la nɛ́ bí úm miɓɔ́ŋ á sí yɔ́ɔ míkoo, la náŋ bíg kɛ li yí nɛ́ ma dīŋ wa.