Yohánɛs 17:21 - Esaa-líat ɛ́ péná

²¹ nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Yohánɛs 17:21 ပူးပေါင်းရင်းမြစ်များ

Málkus 3:24

Kíyáɓɛ́nɛ ekombo yɔ́-mɛ̄n yá káaɓan, ɛ́ sē ɓé pɛ nɛ́ yá tɛ́lɛ.

Yohánɛs 10:16

Mi byɛ́ɛ́ mitómbɛ́ mítām mí mí sē ɓé a nyí kɔ́tá, mɔ́g ma nyɛ́ɛ mɔ́ li sɔ́la, míg kɛ li ámble lí cíŋ yáma. La náŋ, liɓembá líg kɛ li ɓɛ́ lí já, ǹtát ki a ɓɛ́ wa.

Yohánɛs 10:30

Ma la Etāa bi lɛ mut wa.»

Yohánɛs 10:38

Ndí, kíyáɓɛ́nɛ mɔ́ nɛ́ mi ŋga ɓɔ̄ŋ, tɔ manáh yéɓe ɓé la ma, yéɓyán ányúū míŋ misɔ́n, á li ɓɔŋ nɛ́ miní yí, miní sɔ́ŋtánɛ ki nɛ́ Etāa a lɛ até wama, mág mu ɓɛ́ até a Etāa.»

Yohánɛs 11:42

Mag yí la mbálɛ nɛ́ ɔg ámble ma eceg sig. Ndí, ányúū jé limut la díí ma, mag pɔ́t nɛ́ ndí bí yéɓé nɛ́ wa nɛ́ wa óm ma.»

Yohánɛs 13:32

Ɔlolómɛ̄ nyɛ́-mɛ̄n ag kɛ li étɛ lí lípēm lí Mɔɔ́n, ag kɛ jɔ́ lí étɛ puh eceg.

Yohánɛs 13:35

Eceg ediŋ ɛ́ lɛ á póla yaná, ɓot bísɛ bíg kɛ li yí nɛ́ miní lɛ ɓáyēge ɓáma.»

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:18

Nlemlem kaa wa óm ma á ŋkɔŋ-á-sí, náŋ nɛ́ mág ma óm ɓɔ́ á ŋkɔŋ-á-sí

Yohánɛs 17:20

Mi ŋga kánɛ ɓé já ma ányúū yaɓá ɓɔ́-ntámɛ́, ndí mag kánɛ ki ányúū ɓáŋ bísɛ bí ŋga kɛ́ li yéɓe la ma, li kele la biɓaŋgá byáɓá,

Yohánɛs 17:25

Etāa nyɔ́ á tɛ́ɛ́ sim, tɔ ákaa ɓot bí ŋkɔŋ-á-sí ɓáh lem ɓé wa, má ma yí wa, ɓɔ́g bú yí nɛ wa nɛ́ wa óm ma.

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 3:17

La mbálɛ nɛ́ Ɔlolómɛ̄ āh óm ɓé Mɔɔ́n wɛ́ɛ̄ á ŋkɔŋ-á-sí á lí kááhɛ lí ɓot bí ŋkɔŋ-á-sí, ndí á li suŋ lí ɓɔ.

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Misɔ́n mí Ɓáōmɓɛ 2:46

Ɔlɔ́ sig, kaa mut wa, ɓɔ́ bísɛ bí ŋgí kɛ á ndáá-ēcɛ́ŋ-Ɔlolómɛ̄, bí ŋgí kaan ekɔgá á ndáá yáɓá, bíg dí átē a mivag la m̀mím á nsaŋ.

Misɔ́n mí Ɓáōmɓɛ 4:32

Ɔbul ví ɓot ví yaán ɓáyēɓe Ɔlolómɛ̄, vú ɓɛ́la m̀mím wá, miɔ́ŋɔ má, mut tɔ wa á póla yaɓá a ŋgí naŋɛ ɓé pɛ yé a byɛ́ɛ̄ ányúū yɛ́ɛ̄ nyɛ́-ntámɛ́, á mveŋghanɛ́, bí ŋgí byáŋ míɓɛɛŋ máɓá mísɛ voóm wa.

Elōg-Lóma 12:5

Tɔ náŋ ákaa bi lɛ ŋgándag, ɓɛ́hɛ bísɛ bi lɛ̄ jā pɔ̄m nyuú á ŋ̀atanɛ́ la Nyɔ́-a-Pɔ́hlɛ. La ɓɛ́hɛ bu átan ɓá la ɓáŋá kaa bijo bí nyúū, yá sig á étɛ̄l yɛ́ɛ́.

Elōg-Kɔlínto 1 1:10

Á élōgyāŋ, á jóō lí Ɛtáŋɛ wahá Yésus Kilístus, mag sɔ́hye ɓɛ́nɛ bísɛ nɛ́ miní ámblán, la ki nɛ́, mbáglán ɛh ɓɛ́ɛ́g ɓé á póla yaná. Miní ɓɛ́ mut wa, miní ɓɛ́la nlemlem á peg la nlemlem á éɔ̄ŋɔ.

Elōg-Kɔlínto 1 12:12

Ákaa ɛ́sɛ, bi nyɔ̄ŋ ví ɔvega nɛ́, nyuú ɛ lɛ̄ jā ya, ndí ɛ byɛ́ɛ́ bíjo ŋgandag, bíŋ bijo, tɔ náŋ ákaa bí lɛ́ ɔ́bul bíg oŋgɛ jā nyúū ya. Náŋ ki nɛ́ Nyɔ́-a-Pɔ́hlɛ a lɛ.

Elōg-Kɔlínto 1 6:17

Ndí nyɔ́ la nyɔ́ a ŋga āt la Nyɔ́ŋ-Ɛsáŋɛ́, ɓɔ́ bíɓáa bíg yaan mut wa á M̀búl.

Elōg-Gálátia 3:28

La náŋ, ɛ́ ŋgá ɓɛ́ ɓé pɛ nɛ́: mɔɔ́n Élōg-Yúda nyɔ́, tɔ nɛ́ mɔɔ́n Élōg-Gelékia nyɔ́; ɛ́ ŋgá ɓɛ́ ɓé pɛ nɛ́: ŋyɔ́ŋ nyú, tɔ nɛ́ kundɛ-mut nyí; páam nyí tɔ nɛ́ mindígá nyɔ́; átɔm nɛ́ ɓɛ́nɛ bísɛ maná yaán jā mut wa á ŋ̀atanɛ́ la Yésus Kilístus.

Elōg-Fílípi 1:27

Á élōgyāŋ, niŋán ákaa ɛ́ ŋga sōmlɛ li oŋle la Pɔ́l M̀ɓɛɛŋ nyí Nyɔ́-a-Pɔ́hlɛ, á lí ɓɔ́ŋ nɛ́, ma sɔ́ ɓɛ́nɛ li ɛ́n tɔ māh sɔ́ ɓé ma, mi ámblé pɔ́l yāná nɛ maná tiŋɓé á lí ɓɛ́la lí míɔ̄ŋɔ má, mi ámblé ki nɛ́, la m̀mím wá nɛ miní ŋga dū eɓándá ányúū ŋyéɓé a ŋga sɔ́léne á Pɔ́l M̀ɓɛɛŋ.

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 5:7

Mbóŋ ɛ́ŋháa ɛ́ lɛ yí ɛ́ ŋga yíhɛ náŋ: