Yohánɛs 17:13 - Esaa-líat ɛ́ péná

¹³ Etāa, nyí vɔ́ŋɔ́ɔ, mag timan á yóg yɔ́ɔ. Ma pɔ́t bíŋ biɓaŋgá ányúū ɓayége ɓáma bí lɛ́ á ŋkɔŋ-á-sí á lí ɓɔŋ nɛ́ ɓɔ́g bí ɓɛ́la mivag máma, mí ɓɛ́ micɛ́ŋɛ́ tɔláá.

Yohánɛs 17:13 ပူးပေါင်းရင်းမြစ်များ

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 15:11

«Ma laga ɓɛ́nɛ náŋ á lí ɓɔŋ nɛ́ mívag máma mí ɓɛ́ la ɓɛ́nɛ, ɓɛ́nɛ ki mivag máná mí yáal.

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 3:29

Tɔ nzáá a byɛ́ɛ̄ ŋ̀gáá wɛ́ɛ̄, a lɛ nlóm á nyɔ́ŋ mindígá. Liwándá lí nyíŋ páam ki líg tɔɔ yɔ á ŋgwáāg, eceg lí ŋga ámble cíŋ yɛ́ɛ̄, ɛg kɔnɛ jɔ́ mivag. Náŋ nɛ́ a lɛ mívag máma, mí yáhɛ́.

Yohánɛs 7:33

Yésus ɔ laga nɛ́: «Mi ŋgí lɛ lá ɓɛ́nɛ ányúū puh eceg, ámbúh náŋ, mag timan á mbóg mut a óm ma.

Misɔ́n mí Ɓáōmɓɛ 13:52

Ɓayége ɓáɓá ɓɔ́g bú yíg yégle átē á mivag micɛ́ŋ, ŋyálāg la M̀búl Mpúán.

Elōg-Lóma 14:17

Ákaa ɛ́sɛ, Likanʼyɛ lí Ɔ́lolómɛ̄ lí sē ɓé jam lí lídī tɔ jé lí bínyūnyú. Lí lɛ́ jā étɛ̄l-sim, nsaŋ la mivag bí ŋga sɔ́le la M̀búl Mpúán.

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Yohánɛs 1 1:4

Biíg ciile ɓɛ́nɛ náŋ á lí somo nɛ́ mivag máhá mí yāl.

Yohánɛs 2 1:12

Mi ŋgí byɛ́ɛ́ mam ŋgandag á lí laga lí ɓɛ́nɛ, ndí māh somo ɓé já ma mɔ́ lí cii á lípapá la tíŋtɛ. Átɔm nɛ́ mag ɔ́ŋɔ li sɔ́ wóŋ á yóg yaná nɛ́ mi kwɛ́lɛ́ ɓɛ́nɛ mɔ́ á mbɔm la á mbɔm, á lí ɓɔŋ nɛ́ mivag máhá mí yáal.